အေခါင္အရာေကာန္ဂကူမန္ကႝု ေပဲါ႐ုဲမာဲ ၂၀၁၀

ပႜဲဍဳင္မန္ဗဿာတၛဲဏံ အကာဲအရာေကာန္ဂကူမန္ပ႙ု ခုိဟ္တုိန္ ကၜဳင္ဟာ၊ ပေရံေစွ္ဟာဂွ္ ေပÌ႐ဲုမာဲ(၂၀၁၀)ဏံတဲု ေဍံေဖ်ံကႝု သၢဳတ္သြာတ္မြဲေရာင္။ ပေရင္အာတ္မိက္ စပ္ကႝုအေခါင္အရာ ေကာန္ဂကူမန္ပ႙ု အပႜဲေသှာဝ္ဥပေဒသဇုိင္ ဒက္ပတန္ဍဳင္သၸလဝ္ဒတန္ ပႜဲသှာံ(၂၀၀၈)ဂွ္ ႏူအလႝုအသ႘ပှာန္တံ တာဒှာလဝ္နဲနာနာသာ္ ဂြံဆႝု လၛတ္ေကတ္ရ။ ဂေကာံမန္၊ ေဗာ္မန္ ေကုာံ ဂေကာံဗြဲမဂၜိဳင္အာတ္ မိက္ဒဿံင္ ညံင္ဂြံကေလင္ သၛ႘ဂၜိပ္ပေလဝ္ပေလတ္ကႝု သဇုိင္ေသှာဝ္ပေဒ ဒက္ပတန္ဍဳင္ ႏြံဒဿံင္ကၜာေလဝ္ အလႝုအသ႘တၜအဝႝုပှာန္(နအဖ)တံ ေကတ္ဆႏၵညးဍဳင္ကြာန္တံတဲု သၸေထာံဒတန္၊ လီကၜဳင္လဝ္လတူ ေကာန္ဂကူပ႙ု တဲုမံင္ရ။
ဟုိတ္ဒွ္သာ္ဂွ္ရ သှာံ(၂၀၁၀)ဏံ ဂေကာံမန္၊ ေဗာ္မန္၊ ဂေကာံေကာန္ဍဳင္အရင္ ေကုာံ ဂေကာံေဗာ္ဗြဲမဂၜိဳင္တံ ဗီုလႝုဒစႝုဒစးႏြံႏြံ အတုိင္ဂၜံင္တရဵညး(နအဖ)တံ ဆက္ေကၜာန္အာေရာင္ညာတ္ေကတ္တဲု အပႜဲပၛံက္ဍာ္ဒ႘(ဒီေရ) ၂၀၁၀ ဏံ နဲလႝု၊ ဗီုလႝုေကာန္ဂကူမန္ပ႙ု ဂြံဒံင္ေကၜာံ အာမာန္ဂွ္ စြံသတိတဲု ပေလဝ္ပေလတ္လဝ္ေထက္ေရာင္။ ပေရင္ဒတူ လုိင္ ေဗာ္ဍဳင္မန္တဿိဝြံ ''အေခါင္အရာဂကူမန္ မန္ဖန္ဖက္ေကတ္ ေကတ္ ဟြံကလိဂြံ ပေရင္ဒုင္လ်ိဳင္သြက္ဂကူမန္ ဟြံမြဲမြဲသာ္ ေဗာ္ပ႙ု၊ ဒပ္ပ႙ု ဒးဒုင္ပလီု၊ ဒးဒုင္ပၚပရးဂွ္ ဒုင္တဲဟြံမာန္၊ ပေရင္ေဒံါပန္ေပွာ္ထိင္ ဒဝ္အာဂြံမၢး ထိင္ဒဝ္အာတဲု ပႜဲအလႝုအသ႘လဿဳဟ္ (ဟြံေသင္) အလႝု အသ႘ဂတေတံ ညံင္ေသၢာံဆက္တက္အာက်ာ ေသာင္ျပဒၵညာ ပေရင္ဍဳင္ကြာန္မာန္ဂွ္'' ေဗာ္ပ႙ုဒတူလုိင္အာေရာင္။ ''အလႝုအသ႘တၜ အဝႝုပှာန္(နအဖ)တံ ဟြံကေလင္သၛ႘ဂၜိပ္၊ ဟြံကေလင္ပေလဝ္ပေလတ္ ေသှာဝ္ဥပေဒသဇုိင္(၂၀၀၈)မၢး ေကာန္ဂကူမန္တံ လုပ္ဒုင္႐ဲုမာဲဟြံ ေထက္'' ရဵသာ္ဝြံ နာဲထဝ္မန္ (ဥကၠဌေဗာ္ဍဳင္မန္တဿိ) ေကင္ဟီုဗကန္ လဝ္ အေရဝ္ၾကက္မၛႝဳမႏြံရ။ စပ္ကႝုေပÌ႐ဲုမာဲ(၂၀၁၀)ကီု၊ ဒပ္မင္ပယ်ႝဳ (ျပည္သူ႔စစ္)ကီု ေဗာ္ဍဳင္မန္တဿိ ဟြံဒုင္တဲရ။
အကာဲအရာလဿဳဟ္ဝြံ သြက္ဂြံအာတ္မိက္ ပေရင္အေခါင္ အရာေကာန္ဂကူမန္မာန္ဂွ္ ပ႙ုဒးရံင္မုက္မတ္ ဖႝုဂုဏ္မွာဇန္ညးဍဳင္ကြာန္ မန္ပ႙ု ညးမတန္တဵဒဿံင္ ပႜဲဍဳင္မန္ဗဿာတဲု သဿာပေရင္ဍဳင္ကြာန္မန္၊ ညးဍဳင္ ကြာန္ဆာန္ဂကူမန္၊ တၜပညာမန္ ေကုာံ ေကာန္ေဗာ္ေကာန္သဂံင္ ဆာန္ဂကူမန္ညးဂမၜိဳင္တံ နဲကဲလႝု အကာဲအရာခုိဟ္/ပေရံတဲု ညံင္ဂြံဒွ္ ေအွာ္မြဲစန္ ဂေကာံေဗာ္မြဲ ဒးဆက္ခ်႘ဒရာင္အာ ပေရင္အေခါင္အရာ ေကာန္ဂကူမန္ပ႙ုေရာင္။ ပႜဲေပÌ႐ဲုမာဲ(၂၀၁၀)ဏံ ညးဍဳင္ကြာန္ဆာန္ ဂကူမန္ကီု၊ သဿာပေရင္ဍဳင္ကြာန္မန္ဂမၜိဳင္ကီု ေကုာံ ေကာန္ေဗာ္ ေကာန္သၢံင္ ညးမဆာန္ဂကူမန္တံ ပံင္ေတာဲဗန္ကအ္ ဒွ္ျဇဟတ္မြဲတဲု လုပ္အာေပÌဗတုိက္ အေခါင္အရာေကာန္ဂကူမန္စုိအ္ ထပ္ကေသအ္ ပဿဝ္ဏာ ဗြဲမဆာန္ကဿိန္ရ။
ေပÌ႐ဲုမာဲ(၂၀၁၀)ဏံတဲုမၢး ဍဳင္ဒ႘မဝ္ကေရျဇ႘ေသှာတ္ႏြံႏြံ (စည္းကမ္းျပည့္ဝေသာဒီမုိကေရစီႏုိင္ငံ) မံက္ကၜဳင္ေရာင္။ ေသှာဝ္ဥပေဒ သဇုိင္(၂၀၀၈)ဂွ္ အလႝုအသ႘တုိန္တဿိတံ ဒးဓမံက္႐ုပ္ရဵရ။ အတုိင္ေသှာဝ္ ဥပေဒသဇုိင္(၂၀၀၈)ဂွ္ရမၢး ပႜဲဍဳင္ဗဿာဏံ ဒပ္ပှာန္မြဲေဟင္ ဒးႏြံတဲု ဂေကာံ ရပ္လြဟ္ဖအုိတ္ ဒးႏြံသဿဝ္တဲပေရင္ေကာပ္ကာဲ ဌာန္ဂအုပ္ကႜိဳက္ ကႜိဳပ္ပှာန္ဗဟႝု (စစ္ဦးစီးခ်ဳပ္)ရ။ စပ္ကႝုအေခါင္အရာေကာန္ဂကူ မန္ဂမၜိဳင္ ေကုာံ ေကာန္ဂကူေကာန္ဍဳင္အရင္ဂမၜိဳင္ မုေလဝ္ဟြံမြဲရ။
ဟုိတ္ဒွ္သာ္ဂွ္ရ ဒပ္ပှာန္ဗၜးၐးေကာန္ဂကူမန္ ညံင္ဂြံစုိပ္သဿဝ္တဲ ေဍံ(နအဖ)တံတဲု စကာအပ္လြဟ္ (ဟြံေသင္) စကာျပံင္လွာဲ ဒပ္မင္ ပယ်ႝဳသုင္ေစာဲကၜဳင္ဒဿံင္ နဲကဲၐတ္ၐတ္ၾကံင္ၾကံင္ လတူေဗာ္ဍဳင္မန္တဿိ စႝုကႝုလဿဳဟ္ရ။ ဂေကာံရပ္လြဟ္ဒပ္ပှာန္ဗၜးၐးေကာန္ဂကူမန္ ေဗာ္ဍဳင္မန္တဿိ ဟြံဒုင္တဲတဲု အလႝုအသ႘တၜအဝႝုပှာန္တံ လုပ္စုိပ္ကၜဳင္တိဍာ္ေဗာ္Çဳင္မန္တဿိ ကြာန္သုဝၰဘုံ ေကုာံ ကြာန္ဒႝုေထာင္တံ ႏြံကၜဳင္ရ။ သၟာင္ႏူဂွ္ပၜန္တဲု လၸာ္ခ႐ုိင္သဓီုေတံ ေကင္လုပ္လုက္စုက္ကၜဳင္ႏြံရ။ ပႜဲဂကူမန္ပ႙ု ဟုိတ္ႏူ ေကာန္သဂံင္ဆာန္ဂကူမန္(ေကာန္ပှာန္မန္) ေကုာံ ေဗာ္ႏြံကၜဳင္တဲု ဘဝဂကူမန္ပ႙ု ဂီုကၜဳီကၜဳင္၊ ပေရင္ပညာ ေကုာံ ပေရင္အေခါင္အရာ သြက္ေကာန္ဂကူမန္ပ႙ု ကလိဂြံကၜဳင္ႏြံရ။ ဆဂး အေခါင္အရာပေရင္ ဂကူမန္ပ႙ု မန္ပ႙ုဖန္ဖက္ေကတ္ေကတ္ဂွ္ ဟြံကလိဂြံဏီရ။
တၛဲဏံဝြံ ပေရင္ဒုင္လ်ိဳင္သြက္ဂကူမန္ပ႙ု ဟြံမြဲဏီ၊ ဟြံခ်ိဳတ္ ပၜိဳတ္ဏီတဲု ပႜဲေပÌ႐ဲုမာဲ(၂၀၁၀)ဏံ ရံင္ေကတ္ဖႝုဂုဏ္ ေကာန္ဂကူမန္ပ႙ုတဲု သြက္ဂြံသၸစှး အလုံဂကူမန္မြဲ (ညံင္ေဗာ္မန္မြဲ) လုပ္႐ဲုမာဲကီု (ဟြံေသင္) ဟြံလုပ္႐ဲုမာဲကီုဂွ္ ေဖ်ံသဂုတ္သြာတ္တဲု ပေရင္ကႝုပညာ စပ္ကႝုေပÌ႐ဲုမာဲ၊ ဗီုစုတ္မာဲဒစႝုဒစး/ထံက္ဂလာန္ ေကုာံ လညာတ္ဆႝုဂဗ ဗီုျပင္ေပÌ႐ဲုမာဲ ေထက္ေရာင္။
ပႜဲသှာံ(၂၀၁၀)ဏံ ဂကူမန္အုိတ္သီု ဒးကေလင္သၛ႘ဂၜိပ္ စဿ႘စဿတ္ေထက္ဂွ္ ပၜန္ဂတးမန္ဝြံ (၁) ေကတ္အေခါင္အရာ ေကာန္ဂကူ မန္ဟာ၊ (၂) ေကတ္ဍဳင္မန္ (တိဍာ္ဇကု)ဟာ၊ (၃) သြက္ဂြံဒက္ ပတန္ဍဳင္မန္ အလႝုအသ႘ဇကုဇကုတဲု ပံင္ေတာဲအာကုႝ ဂကူေကာန္ဍဳင္ အရင္ (နေဖဝ္ဒေရဝ္မူ)ဟာ။ ပႜဲကႝု(၃)ကဆံင္ဏံဝြံ ကဆံင္(၁)ဂွ္ ေဒသဂကူမန္တံ တန္တဵမံင္အုိတ္သီုဂွ္ ဒးအုပ္ဓုပ္ေကာပ္ကာဲေကတ္ မာန္၊ ဒးေဖ်ံသဂုတ္သြာတ္အာ ပေရင္ဍဳင္ကြာန္မာန္ေရာင္။ ကဆံင္ (၂)ဂွ္ သြက္ဂြံကေလင္ေကတ္ ဍဳင္ဇကု၊ တိဍာ္ဇကုဂွ္ ဒပ္ပှာန္ေကာန္ ဂကူမန္ဇကု ညံင္ဂြံႏြံျဇဟတ္ေဇှာ္ႏူသှ(နအဖ)တံ ဒးဒက္ပတန္တဲု ဒးလုပ္ေကတ္ေပÌဗတုိက္ေရာင္။ ကဆံင္ (၃) အလႝုအသ႘ဂကူမန္ဂွ္ ေကာန္ဂကူမန္တံ ဒးပတုိန္ေကတ္ေကတ္ေရာင္။ ေကာန္ဂကူမန္တံ ဒးတီကၜိဳဟ္လဝ္ေထက္ဂွ္ အဝႝုအုပ္ဓုပ္ဂကူမန္ဝြံ ကၜဳင္ႏူမွာဇန္ညးဍဳင္ ကြာန္မန္တံတဲု ေကာန္ညးဍဳင္ကြာန္မန္၊ ကႜိဳပ္သကုိပ္မန္ဂမၜိဳင္ေဟင္ အုပ္ဓုပ္ေကာပ္ကာဲအာေရာင္။
ဟုိတ္ဒွ္သာ္ဂွ္ရ ပၜန္ဂတးမန္ လုပ္ပႜဲေသှာဝ္တဲု ဒက္ပတန္အလႝု အသ႘ဇကုမာန္မၢး ေကာန္ဂကူမန္တံအုိတ္သီု သဿတ္မန္ကီု၊ သင္မန္ကီု၊ တၜပညာမန္ကီု၊ ဒပ္ပှာန္မန္ကီု ေကုာံ ေဗာ္ဂေကာံပေရင္ဍဳင္ ကြာန္မန္တံဂမၜိဳင္ ဗြဲမကိတ္ည႘ကႝု အကာဲအရာဍာ္ဒ႘(ဒီေရ) ၂၀၁၀ ဏံတဲု သြက္ဂကူမန္ဂြံဗၜးၐး၊ သြက္ဂြံကလိဂြံ အေခါင္အရာေကာန္ ဂကူမန္ဂမၜိဳင္ဂွ္ ညးညးအဲအဲငၛဳဟ္ကတႝု၊ သၛ႘ဂၜိပ္၊ ခ်႘ဒရာင္အာ ပေရင္ေကာန္ဂကူမန္ညိဂွ္ ဆဝ္မၛဳဟ္ဏာ သြက္သှာံ(၂၀၁၀)ဏံရ။

''ျဇဟတ္ပၜန္ဂတးဂကူမန္ ကႝုဂြံခုိင္ဗုိန္ဒဿံင္လဿိဳန္ညိ။''
''ျဇဟတ္ဂကူမန္ ကႝုဂြံေဇှာ္ေမာဝ္ ေက်ဝ္ေဂါဝ္အာညိ။''
''ျဇဟတ္ပေရင္ဍဳင္ကြာန္ဂကူမန္ ကႝုဂြံသၜဳင္ဒဿံင္လဿိဳန္ညိ။''

ေကာဗၜာဲ (ေဒသပယ်ႝဳမန္)