ပါင္ၾတင္ဥဴတိင္ျဇဳင္ လၲဴေဗာ္ရပ္လြဟ္ေကာန္ဍဳင္အရင္

ေဗာ္ပေရင္ဍဳင္ကြာန္ရပ္လြဟ္ ေကာန္ဍဳင္အရင္တအ္ မိက္ဂြံ ေသာင္ကလး တက္က်ာပေရင္ ၐိုဟ္လလမ္ မၢး ႏူကုႝအလုႝအသ႘ တြဳႝရးမြဲကဆံင္ အေခါင္သ႘ကၜ႘ႏြံေရာင္ ႏူဂိတုအဝ္ဂါတ္ေလာန္ ကၜဳင္ေတံ 'ဥဴတုင္ျဇဳင္' လးပံက္ကုႝ ေပှာ္ဂၜံင္ပါင္ၾတင္ ပေရင္ဍဳင္ကြာန္မြဲေပှာ္ ေဍာတ္ရ။

ဒုင္သဇုိင္လညာတ္တမ္မူလ လၱဴေကာန္ဍဳင္အရင္တအ္ မအာတ္မိက္ဒဿံင္ ပြမေသာင္ကလး ပေရင္ဍဳင္ကြာန္လၱဴခုင္ ေပဲါသ႘ကၜ႘ မြဲ နလုပ္ေသှာဝ္ ေဍံဂြံဒွ္မာန္ဂွ္ ပါင္ၾတင္မြဲေပှာ္ေဍာတ္ဏအ္ ဒွ္ဒတုဲ ဖုႝ၊ ဒွ္ေပှာ္တိတ္ သြက္ေသၢာံသွ္ပလာဲ ပဋိပကၡဏံဟာ ဟြံေသင္မၢး ဒွ္ေပှာ္ ဖန္ဗဒွ္ကုႝ ဒှက္ပေရင္ဍဳင္ ကြာန္ အနာဂတ္ဟာဂွ္ ကႜဳိပ္သၠဳိပ္ေကာန္ ဍဳင္အရင္တအ္ဂမၜဳိင္ ဒးသၛ႘ဂၜိပ္ ကၜးကၜးအးအးတုဲမွ ခ်ပ္ဇန္ အာ ပေရင္ကေမၜာန္ဂတေထက္ရ။

နဲကဲဏံဝြံ ဒွ္နဲကဲတဿိ ဗ်ဴဟာ 'တုင္ျဇဳင္' တဿိမြဲ ဟြံေသင္ရ။ ဗုီကုႝညးအေခါင္ဟုီဂးႏြံ 'ဥဴလာနာန္' ႏူေဗာ္ကေခ်င္ဟုီမၢး ''ျပယာဲ နဲကဲဏံဂွ္ အခိင္ေဒံါပန္ေပွာ္ မတုဲကၜဳင္ေတံ သုင္ေစာဲကၜဳင္လဝ္ တုဲတုဲ ဒဿံင္ရ၊ ဒွ္နဲကဲတဿိမြဲ ဟြံေသင္ရ''။ ဒုင္သဇုိင္ လၱဴအေရဝ္ညးဝြံတုဲ ဒးဟုီကၜးကၜးမၢး ႏူသှာံ (၁၉၉၄-၉၅) ေတံဂွ္ 'သၠဳိပ္ဗုိလ္ေခန္ေညာအ္' သုင္ေစာဲကၜဳင္လဝ္ နဲကဲဏံကဆံင္င္ ပႜဲအရာဓမံက္႐ုပ္ရဵ သြက္ေသၢာံ ဒက္ပၱဳိန္ ပေရင္ေဒံါပန္ေပွာ္ အၾကာအလုႝအသ႘ပှာန္ကုႝ ေကာန္ဍဳင္ အရင္တအ္ရ။ ေကာန္ဍဳင္အရင္ ဟုိတ္ႏူပေတွ္ေကတ္ ပေရင္ေဒံါပန္ ေပွာ္ဏအ္ ပတဝ္အာကုႝ ပြမဆုႝဂဗသ႘ကၜ႘ ပေရင္ဍဳင္ကြာန္ေဏာင္ ဒွ္ကၜာေလဝ္ အကာဲအရာေဇတ္တ္ စုႝကုႝေဒံါပန္ေပွာ္လုီ အခိင္တၛဲဏံ မုဟြံဒွ္ကၜဳင္သက္က္ရ။

ေတာ္ရံင္ေကတ္ ပေရင္ေဒံါပန္ေပွာ္ အခိင္ေတံ ပြဳိင္ (၁၅) သှာံျပင္င္ဂွ္ အရာေသၢာံေသာင္ ကလးကၜဳင္ ျပသှာပေရင္ဍဳင္ကြာန္၊ အရာဖန္ဗဒွ္ကုႝ တင္အာတ္မိက္ေကာန္ဍဳင္အရင္တအ္၊ ပေရင္ ေဖာအ္ေျဗဝ္ ပႜဲေဒသဟုီဂွ္ ကၜးကၜးမးမး မုေလဝ္ဟြံဒွ္ကၜဳင္ရ။ သၟာင္ႏူဂွ္ ပၜန္ ပေရင္ေရက္ကးေျဇာတ္ဆီ လၱဴေကာန္ဍဳင္အရင္တအ္ ပၚက ေရက္ျဇဟတ္ ေဗာ္ေကာန္ဍဳင္အရင္တအ္ ပေရင္ဖံက္ပကဝ္ အေခါင္အရာမှိဟ္ ပႜဲေဒသေကာန္ဍဳင္အရင္တအ္ ကၱဳႝဒွ္ကၜဳင္ဗြဲမျပာကတ္ရ။ ကိစၥေဇှာ္အိုတ္မြဲဂွ္ အလုႝအသ႘ပှာန္တအ္ ၐိုတ္ေထက္ႀကဳိက္ တက္ပလုီကၜဳင္ ပေရင္ည႘သာသဿဟ္သဿန္၊ ဓဝ္ပေတွ္ လၱဴေဗာ္ေကာန္ ဍဳင္အရင္တအ္ မြဲေဗာ္ကုႝမြဲေဗာ္ မာန္ရ။ ဟုိတ္ႏူဓယံက္ဏံမြဲ ဒးဒုင္ အုပ္ဓလုီကၜဳင္ မြဲဗြဝ္စွ္သှာံျပင္င္တုဲ ေသၢာံကေလင္ဒက္ပၱဳိန္ ဓဝ္ပေတွ္ ဒုင္သဇုိင္လၱဴဏံတုဲ ပါင္ၾတင္အလုႝအသ႘ပှာန္ မပံက္ကုႝလဝ္ အခိင္ေတံဂွ္ သြက္ေကာန္ဍဳင္အရင္တအ္မၢး ပါင္ၾတင္ဒှက္ေလဝ္ ဟုီမၢးဟြံမွာရ။

လဿဳဟ္အကာဲအရာ ပေရင္ဍဳင္ကြာန္ဍဳင္ပ႙ု ရံင္ေကတ္ၐိုတ္မတ္ဇ်ွဟ္ဓဝ္မၢး ပေရင္ၿပံင္ သၜာဲမြဲ ေကတ္ကၜဳင္ဒှာဲဂွ္ ဗုီညးဗုီအဲ ဒုင္တဲထံက္ဂလာန္ကၜဳင္ လၱဴအလုႝအသ႘ 'တုင္ျဇဳင္'ရ။ ဆဂး ဒးဟုီကၜးကၜး မၢး လဿဳဟ္အလုႝ'တုင္ျဇဳင္'တိုန္ဂြံ ၾကပ္ေပင္ပြဳိင္မြဲသှာံဂွ္ ပေရင္ၿပံင္သၜာဲ ေသှာတ္ဗၞတ္ညးဂၜးတိတအ္ ဒုင္တဲမာန္ဂွ္ ေကၜာန္ဗဒွ္ကုႝ ဟြံမာန္ေပင္င္ရ။ ဆက္တုဲ ဒးဟုီပၜန္မၢး လၱဴအေခါင္အရာ ေကာန္ဂကူ ေကာန္ဍဳင္အရင္တအ္ မအာတ္မိက္ဒဿံင္ အေခါင္အရာ ေကာန္ဂကူ (ဝါ) ပေရင္တုပ္သဿဟ္ ေကာန္ဂကူအလုံအိုႆုီ ဟုီဂွ္ စုႝကုႝအခိင္တၛဲဏံ မုေလဝ္ ႐ုပ္ရဵေဍံ ဟြံမံက္ရ။ ေပဲါဗၱဳိက္လၱဴပါလ႘မာန္ ေတံ ညးစှးစၜတ္ထဝ္ ႏူေဗာ္ေကာန္ဍဳင္အရင္ ေကုာံ ဒ႘မဝ္ကေရၿဇ႘တအ္ ၐိုန္ရမဈာင္ထတ္ကုီေလဝ္ ပႜဲအရာေဖ်ံသၢဳတ္သြာတ္ဝြံ ဂြံဓမံက္႐ုပ္ရဵ မာန္ဂွ္ ဝါတ္ဂါတ္ေလာန္ေကြံရ။

ထံက္ရံင္မၢး ပြအလုႝအသ႘ ေကၜာန္ဒဿံင္တၛဲဏံဝြံ မၛးႏူေသၢာံေဖ်ံဗုီသ႘ကၜ႘ ပေရင္ဍဳင္ ကြာန္လၱဴခုင္ဂွ္ လၸဟုီဏီ လၱဴညးဟြံဒုင္တဲ လၱဴဝါဒဇကုတအ္ဂွ္ ညံင္ဂြံျပာဲေသၜက္အာ လေတင္ဆီ ပေရင္ေကာန္ဂကူ ညးတအ္ ျဇဟတ္ဂြံဍဳိန္တုဲ လးကၜဳင္မုက္ပှာန္ ဍဳိက္ကၜဳင္ကုႝ ျဇဟတ္လြဟ္ ထပက္ကၜဳင္ပှာန္ ကုေဗာ္ ေကာန္ဍဳင္အရင္တအ္ ႏူကေရင္စုိပ္ေသံ၊ ႏူေသံစိုပ္ကေခ်င္တဲု ျခာဟြံလအ္မၢး စုိပ္ကၜဳင္သၠဳတ္မန္ပ႙ု ေလဝ္ ဟုီမာန္ရ။ လၱဴျဇဟတ္အလုႝအသ႘ 'တုင္ျဇဳင္' ထပက္ပှာန္ဏံ ေဗာ္မရပ္လြဟ္ေကာန္ဍဳင္ အရင္တအ္ ၐိုတ္လုႝဒုင္ခ႘မာန္ေရာဂွ္ ဒွ္ကၜဳင္တင္ သဿာန္မြဲရ။ လၱဴဏံဒုင္ခ႘မာန္မွ လၱဴမူဒပ္ပံင္ေကာံ UNFC မေဖ်ံလဝ္တအ္ ဂြံဓမံက္႐ုပ္ရဵ မာန္ရ။

ဆဂး ေကာန္ဍဳင္အရင္တအ္ ေထက္ကုႝဒးစြံသတိ ေဇှာ္ကုႝျဇဟတ္မြဲဂွ္ ပါင္ၾတင္ ပေရင္ ဍဳင္ကြာန္ 'ဥဴတုင္ျဇဳင္' မြဲေပှာ္ေဍာတ္ဏံဝြံ လညာတ္ညးခ်ဴလိက္ဏံမၢး ဒွ္ပါင္ၾတင္ ဒှက္မြဲေဏာင္ဂွ္ ဂံင္ဟုီေပင္င္ရ။ ဆဂး လၱဴဏံၐိုတ္လုႝ ကႜဳိပ္သၠဳိပ္ေကာန္ဍဳင္အရင္တအ္ ႏူဒှက္ညး ဂြံဒွ္ဒှက္ဇကုတုဲ ၐိုတ္လုႝဂံင္ေဝင္ျပယာဲ၊ ဂံင္ပၱိတ္ပရဲလၱဴဏံဂွ္ ဣဏံေဟင္ ဒွ္ဂုဏ္ ဖုႝပေရင္ဍဳင္ကြာန္အဓိကရ။

ထံက္ရံင္ကုႝ လညာတ္ညးခ်ဴလိက္ဏံ ဟုီဂးလဝ္ဗြဲလၱဴေတံတဲု ပါင္ၾတင္ဝြံ ဒွ္ပါင္ ၾတင္ဒှက္မြဲ ေဏာင္ဂွ္မၢး ေထက္ကုႝဒးသၛ႘ဂၜိပ္အာ အကာဲအရာ ပေရင္ဍဳင္ကြာန္ မကၱဳႝဒွ္ဒဿံင္ ပႜဲအခိင္တၛဲဏံရ။ လၱဴေကာန္ဂကူေကာန္ဍဳင္အရင္တအ္ ဒက္ပၱဳိန္လဝ္ ဒပ္ပံင္ေကာံ UNFC ဂွ္ နကုႝအလုႝအသ႘ပှာန္ မတုဲကၜဳင္ေတံကုီ၊ အလုႝအသ႘'တုင္ျဇဳင္'ဏံကုီဂွ္ လၱဴဒပ္ပံင္ေကာံဏံမြဲ ဗုီလုႝဂြံရပ္စပ္အာ အေခါင္အရာ ေကာန္ဂကူတအ္ မအာတ္မိက္ဒဿံင္ မလုပ္ဒဿံင္ေပÌဗၱဳိက္တအ္ဂွ္ ဣဏံဂွ္ ဒွ္ဒဿံင္တင္ဆိုအ္ဗ အလုႝအသ႘ ဏံ မြဲက႑ကုီတုဲ ျပသှာဏံမြဲ ဟြံလုပ္ပေသာင္မၢး ေဍံတအ္ဂြံယုိက္အာမုက္မာန္ ကုညးဂၜးတိဏံမာန္ဂွ္ နပေရင္ဇုီကပုိက္မြဲ ဒွ္ကၜဳင္သြက္ေဍံတအ္ရ။ ဟုိတ္ဂွ္တုဲ လၱဴအကာဲအရာဏံ အလုႝအသ႘'တုင္ျဇဳင္' မြဲနဲမြဲဗုီ ဒးေဖ်ံဗုီ၊ ဒးရပ္စပ္အာေဏာင္ဂွ္ ဟြံဒးတံင္ခယ်ရ။

ဒုင္သဇုိင္လၱဴဝြံတုဲ လၱဴမူဒပ္ပံင္ေကာံ UNFC ဏံ ဂေကာံမပါလုပ္ဒဿံင္တအ္ ၐုိတ္ လုႝၿဇဳိဟ္နက္၊ ၐိုတ္လုႝေဒၢတ္ဗက္မာန္၊ ဓဝ္ပေတွ္ မြဲဂေကာံကုႝမြဲဂေကာံ ၐိုတ္ကဆံင္လုႝ ခုိင္ဗိုန္ ဒက္ပၱဳိန္လဝ္မာန္ေရာ ဂွ္ နပေရင္စမ္ၐတ္မြဲတုဲ အလုႝအသ႘ဏံ လးကၜဳင္မုက္ပှာန္၊ ထပက္ကၜဳင္ပှာန္ သၠဳတ္လၸာ္ေသံေဇှာ္ ေတံရ။ ႏူဂွ္ပၜန္ အသိင္ေပÌဗၱဳိက္ေတံ သၠာတ္ျမဟ္ျပးစိုပ္ကၜဳင္ သၠဳတ္ကေခ်င္တုဲ ေပဲါပှာန္ဍဳင္ မသၛိတ္ျဇဒဿံင္ မြဲဗြဝ္စွ္သှာံျပင္င္ဂွ္ စပၱံကၜဳင္ေပင္င္ရ။ ဆဂး ေပÌဗၱဳိက္ဏံေဟင္ ဖန္ဗဒွ္ကုႝ အေခါင္အရာ ေကာန္ဂကူမာန္ရ။

ေပဲါဗၱဳိက္ဏံဝြံ ၐိုန္ရအလုႝအသ႘ 'တုင္ျဇဳင္' ဏံ ေထင္ေကတ္ဗြဲအခိင္ေဂၜံေဂၜံ ႐ုပ္သီမာန္ ေဏာင္ ၐိုန္ဒွ္ကၜာေလဝ္ အေစာန္စရာဲ ျဇဟတ္နဲကဲနာနာသာ္ လၸာ္ေကာန္ဍဳင္အရင္ တအ္ေလဝ္ ဟြံတုပ္ကုႝ အခိင္တုဲကၜဳင္ေတံတုဲ ဂြံသိုဟ္ပလိုတ္ေကၜံ ေပဲါပှာန္ဏံဂွ္ ဟြံေလာဲ သြာရ။ မြဲသာ္ပၜန္ ဟုိတ္ႏူကုႝပဋိပကၡ ပေရင္ေကာန္ဂကူဏံတုဲ အလုႝအသ႘ပှာန္ဏံ ဂြိင္ေဖက္ ပေရင္ကလုိက္ကဿဳႝ ပႜဲဍဳင္ဏံ ကၱဳႝဒွ္ကၜဳင္ေဇှာ္ကုႝျဇဟတ္တုဲ နကုႝအလုႝအသ႘ဏံ ကုႝေစှာန္ ကုအလုႝအသ႘တြဳႝရးတအ္ ညံင္ေသၢာံဒက္ပၱဳိန္ ကမၼေယွန္ပေရင္ၐိုဟ္လလမ္ (Peace Commission) ကဆံင္တြဳႝရးတုဲ လေလာင္ၾတးကၜဳင္ ေဗာ္ရပ္လြဟ္ေကာန္ဍဳင္အရင္တအ္ မိက္ဂြံ သ႘ကၜ႘ ပေရင္ၐိုဟ္လလမ္မၢး ႏူကုႝအလုႝအသ႘တြဳႝရးမြဲကဆံင္ သ႘ကၜ႘မာန္ေရာင္ သာ္ဝြံ ဟုီဂးဏာရ။

လၸာ္ေဗာ္ေကာန္ဍဳင္အရင္လၛဳႝတအ္ ဗုီညးတအ္ဟုီဂးဒဿံင္မၢး နကုႝေဗာ္ေကာန္ဍဳင္ အရင္တအ္ ဒုင္သဇုိင္လၱဴတိဍာ္ ေဒသဇကုတုဲ ေသၢာံတက္က်ာကုႝ အလုႝသ႘တြဳႝရး ကဆံင္ တြဳႝရးဓဝ္ဂွ္ တုပ္တဵ ညံင္ရဵ ဝးပကဝ္ေကၜံဓဝ္ပေတွ္ ေဗာ္ေကာန္ဍဳင္အရင္တအ္ေဟင္ရ။ နကုႝ အလုႝအသ႘ဗဟုႝ ကဆံင္ေနပ်႘ဒဝ္ေဟင္ နကုႝဒပ္ပံင္ေကာံ ယူအာန္အာပ္ၿဇ႘ (UNFC) သၸစှးေကာန္ဍဳင္အရင္တုဲ သ႘ကၜ႘အာေဏာင္ဂွ္ ကႜဳိပ္သၠဳိပ္ေကာန္ဍဳင္အရင္တအ္ ဟုီဂးလဝ္ ဂၜဳိင္ကုႝဝါ ပႜဲဌာနပ႐ုိင္နာနာရ။ ထံက္ရံင္မၢး လၱဴလညာတ္ညးတအ္ မဟုီဂးဒဿံင္ဏံဝြံ ဒွ္လ ညာတ္ မဒးေကၜာန္ေထက္မြဲသဿးဟြံက ဂၜံင္တရဵေပှာ္တိတ္ သြက္အေခါင္အရာ ေကာန္ဂကူဂွ္ လၱဴဏံေဟင္ ဒးဒုင္သဇုိင္ရ။ ဆဂး ျခာ ဟြံလအ္မြဲသာ္ ႏူကုႝညးစှးအလုႝအသ႘ 'ဥဴအံင္တုိင္' (ဦးေအာင္ေသာင္း) တက္ကၜဳင္က်ာကုႝ ေဗာ္ဝ (UWSA)၊ တက္ကၜဳင္က်ာ ပႜဲဍဳင္က်ဳိင္တုန္ တြဳႝရးေသံေဇှာ္ (က်ဳိင္းတုံ၊ ရွမ္းျပည္နယ္) တုဲ ဂြံကၜဳင္ တင္တုပ္စိုတ္ ပြမေဒံါပန္ေပွာ္၊ ကေလင္ပံက္႐ုင္ဆက္ေဆာံ၊ ေသၢာံသ႘ကၜ႘အာ ပေရင္ကေမၜာန္ ေဖာအ္ေျဗဝ္ ပႜဲရးဝ ေကုာံ ဒပ္မြဲကုႝမြဲ ယဝ္တတ္ေကၜာံေဒသပယ်ဳႝဒှက္ ညးသၠအ္မၢး ညံင္ေသၢာံပၱဳိန္ ဂလာန္အာတ္အေခါင္ မပၱံသာ္ဏံ ဂြံကၜဳင္တင္တုပ္စိုတ္ရ။ ဣဏံဝြံ ဂြံကၜဳင္တင္တုပ္စိုတ္ကၜာအိုတ္ အၾကာအလုႝအ သ႘ကုႝ ေဗာ္ေကာန္ဍဳင္အရင္တအ္ရ။

ျခာဟြံလအ္ညိပၜန္ DKBA ေလဝ္ ေကတ္ကၜဳင္တင္တုပ္စိုတ္ကုႝ အလုႝအသ႘ဏံ သြက္ေသၢာံ ေဒံါပန္ေပွာ္တုဲ သြက္ေသၢာံပံက္အာ ႐ုင္ဆက္ေဆာံ ကုေဒသမဆက္စပ္တအ္ရ။ တုပ္ဗုီဂွ္ကုီ အလုႝ အသ႘ 'တုင္ျဇဳင္' ဗလးကၜဳင္ညးစှးကမၼေယွန္ ကဆံင္တြဳႝရးကုီ၊ ကဆံင္ဗဟုႝ ကုီ သြက္ေသၢာံဆုႝဂဗ တက္က်ာကႝု ေဗာ္ရပ္လြဟ္တအ္ မြဲေဗာ္ကုႝမြဲေဗာ္ တှဟ္ျခာရ။ ခါတ္ေကတ္အကာဲ လၱဴပေရင္ဆုႝဂဗ သ႘ကၜ႘ ဝန္ေဇှာ္ 'ဥဴအံင္ေမန္' ကုႝ ေသံ (RCSS/SSA) မၢး ေသၢာံဒက္ပတန္ ပေရင္ၐိုဟ္လလမ္ဂွ္မၢး အဓိကစဿတ္လဝ္ ကဆံင္ (၃) ကဆံင္ မဒွ္ရ။ လၱဴဏံဝြံ တဲကၜာအိုတ္မၢး ဒးေဒံါပန္ေပွာ္ကၜာေဏာင္၊ ေသၢာံသ႘ကၜ႘အာ စပ္ကုႝပရူဏံ ပႜဲလၱဴဍဳင္ေဇှာ္တြဳႝရး၊ ပံင္ေတာဲကုႝ အလုႝအသ႘တုဲ သြက္ေသၢာံ ခ်ဴဓဇက္အာ ပေရင္ေဖာအ္ေျဗဝ္ေဒသကုႝ ေကၜာန္ဗ ဒွ္အာ ပေရင္ဆုႝဂဗ ပႜဲေနပ်႘ဒဝ္၊ လၱဴဏံ ယဝ္ဂြံတင္တုပ္စိုတ္ ႏူေကာန္ဍဳင္အရင္မၢး ေသၢာံထပက္ အာစဿတ္တဲ ဂတမုက္ညးစှးစၜတ္ထဝ္တအ္တုဲ ပေရင္ေကၜာန္ဗဒွ္ ေပÌသ႘ကၜ႘ေပန္လုင္ မပၱံသာ္ဏံ ပါလုပ္ရ။

ဆဂး ဒုင္သဇုိင္ လၱဴတင္ပိတင္ဏံဝြံတုဲ ေတာ္ရံင္ေကတ္မၢး ၐိုန္ရဒွ္ေလဿင္ ပေရင္ ကေမၜာန္မြဲဒွ္ ကၜာေလဝ္ အခိင္အပိုင္ျခာ ဟြံမြဲမြဲသာ္ ေသၢာံဓမံက္ေကၜံ႐ုပ္ရဵကေမၜာန္ဏံ ဒွ္ဟြံ မာန္ရ။ တုပ္တုပ္ကုႝ ဗုီအခိင္ေတံပၜန္ရ ဟုိတ္ႏူဟြံမြဲကုႝ အခိင္ပိုင္ျခာတုဲ ပေရင္ေဒံါပန္ေပွာ္ဂွ္ ၐိုန္ရဓမံက္႐ုပ္ရဵမာန္ကုီေလဝ္ ေသၢာံဆက္ဂံါ ပေရင္ေသာင္ကလး ျပသှာပေရင္ဍဳင္ကြာန္ လၱဴ ခုင္ဂွ္ မုေလဝ္ဓမံက္ကၜဳင္႐ုပ္ရဵ ဟြံမာန္ရ။

လၱဴပါင္ၾတင္ ပေရင္ဍဳင္ကြာန္ မြဲေပှာ္ေဍာတ္ဏံဝြံ အလုႝအသ႘တအ္ သုင္ေစာဲကၜဳင္ နဲကဲနာနာ၊ ဍာ္ပလာဲနာနာတုဲ ဆုႝဂဗတက္ကၜဳင္က်ာ ကုေဗာ္ေကာန္ဍဳင္အရင္တအ္ဂၜဳိင္င္ ကုႝဝါရ။ လၱဴဏံဝြံ ေဗာ္ဟြံပါလုပ္ ပႜဲဒပ္ပံင္ေကာံ သဇုိင္မူ ယူအာန္အာပ္ၿဇ႘လၛဳႝတအ္ နပဏာမ ဒုင္တဲေကတ္ကၜဳင္တင္ တုပ္စိုတ္ ကုအလုႝအသ႘ေလဝ္ ႏြံကၜဳင္ကုီရ။ ယဝ္ခါရ ေဗာ္ေကာန္ဍဳင္ အရင္တအ္ ဟြံဒွ္မြဲျဇဟတ္ လၱဴမူဒပ္ပံင္ေကာံဏံမၢး ဓဝ္ပေတွ္ အၾကာေဗာ္ေကာန္ဍဳင္ အရင္တအ္ ျပာဲေလင္အာသဿးဟြံက လၱဴပ႙ုမလုပ္ဒဿံင္ ေပÌဗၱဳိက္အေခါင္အရာ ေကာန္ဂကူဂွ္ စုိပ္ကၜဳင္ပႜဲေသၠံတဲပ႙ု ဟြံမာန္ရ။ ပဋိပကၡပေရင္ ဍဳင္ကြာန္ ဒးပေသာင္တၛဲဏံ ပ႙ုညာတ္ေကတ္ကၜး ဒဿံင္ရ၊ ဇကုဒုင္ယံက္ဟာ ေဍံဒုင္ယံက္ဟာ ၐါဏံ ဒးဒွ္မြဲရ။ ဇကုဒုင္ယံက္ေတွ္ အေခါင္ဇကု ေလင္ ေဍံဒုင္ယံက္ေတွ္ ပေရင္ၿပံင္သၜာဲဍဳင္မြဲ ေဇှာ္ကုႝျဇဟတ္ ဒွ္ကၜဳင္မာန္ေဏာင္ ဒုင္ဂိုင္ ေကတ္ လၱဴစုိတ္ဓာတ္မူလ ဂံါကြာ္အာ ပႜဲပါင္ၾတင္ပေရင္ဍဳင္ကြာန္ 'ဥဴတုင္ျဇဳင္'ညိ။

ေကှဟ္ - ေစာနာဲ (ဂေကာံသဿတ္မန္လညာတ္တဿိ)

ဂ်ာေနဝ္ေခတ္ပ႙ု (ေလဿင္ - ၆၄)

December 2011