အနာဂတ္ဂတဍဳင္မန္ဂြံဗၜးၐးဂွ္ ေကာန္ဂကူမန္ သုီဖအုိတ္ ေလပ္ပညာ၊ ဟြံေလပ္ ပညာ ေသၢဟ္သြဟ္ႏံြ ကုႝၾကက္ျဂပ္၊ ဝါတ္ဒိုက္ ဟြံမြဲကုႝ ယႆပတ္ပိုန္ဟာန္၊ ၾတံဳျဗဵ ေဍာတ္ေဇှာ္တံ ဟြံ႐ုဲ ဂပ္ဝ္ဒးႏံြကုႝ လညာတ္ သမၱီမြဲသာ္ဂွ္တုန္ ''ဒုင္ဂိ၊ ဒုင္ဒဒိုက္၊ ဒုင္ေစက္၊ ဒုင္ခ်ဳိတ္၊ ဒုင္ဖအိုတ္ လမ်ဳီ တုဲ ေကၜာန္ေရင္တၜဳင္အာ သြက္ဍဳင္၊ သြက္ ဂကူ'' မဒွ္ရ။ လညာတ္ ဒုင္ဂိုင္ ေကတ္သာ္ ဝြံဂွ္ရ ေဍံခှံဗဒွ္ဏာ ဍဳင္မန္အနာဂတ္မာန္ေရာင္။ အခက္ အခုဲ ႏြံမံင္သာ္ေတံ သာ္ဏံ၊ အခိင္ ဟြံဒးရး ဏီ၊ သၛိဌာန္ဟြံေျပျပံင္ ဏီ၊ ေကာန္ဇာတ္ေဍာတ္မံင္ဏီ၊ ပညာဟြံစိုပ္ဒတုဲဏီ ဂလာန္ ေစာဒနာ မပတံသာ္ ဏံတံဂွ္ စြံလဝ္မြဲခဏညိ။ မုဂြံေကၜာန္ကုႝ သြက္ဂကူညိေရာ၊ မုဂြံေကၜာန္ကုႝ သြက္ဍဳင္ ညိေရာ ဂလာန္သာ္ဝြံ ဆဝ္မၛဳဟ္ဒဿံင္ ဂၜမ္စိုတ္ဇကု လဿဳိန္ကာလညိ။
အကာဲအရာလုႝစိုပ္ပ္ ဗၞတ္ဇကုကုႝဇကု ညံင္ဂြံဒုင္ဒဒိုက္ ေကၜာန္အာ သြက္ဍဳင္သြက္ဂကူဇကုမာန္ဂွ္ရ ပဿိက္ေဇှာ္ေရာင္။ ၐိုတ္ ဍေဟာဝ္စိုပ္ ညံင္ဂြံဒုင္ဒဒိုက္ေကၜာန္အာ သြက္ဂကူသြက္ဍဳင္ နကုႝ ေစတနာျပဲျပဲဂွ္ ဒွ္အဓိကရ။ ဒးမင္ေလပ္ပညာကၜာေရာင္၊ ဒးမင္ဍဳိက္ေပင္ကုႝ ပိုန္ျဂပ္ကၜာေရာင္ဂးတုဲ ယဝ္မင္မံင္သာ္ဝြံမၢး တုပ္သဿဟ္ကုႝဍဳိက္ျဇဳိင္ေဝင္ဂၜဳင္ရ။ ၐိုတ္သဿဟ္ရထမာန္ ကသုဟြံမြဲ နကုႝတဲေလဝ္ ဒးဒုန္အာဂွ္ေဟင္ရ။ ဇဿာပ္မိှဟ္ ဒးဒွ္ကႜဳိပ္သကိုပ္ေရာင္၊ ဇဿာပ္မိှဟ္ဒးဒွ္ေကာန္ပှာန္ ပၜန္ဂတးရပ္လြဟ္ေရာင္ဂွ္ေလဝ္ ဒွ္ဟြံမာန္ရ။ နကုႝလညာတ္ သမၱီဇကု ႐ုဲစွ္ေကတ္ကေမၜာန္ ဒွ္ဂုန္ဖုႝဂကူေဇှာ္ေဇှာ္မြဲတုဲ တှဟ္နဂြံဒုင္ဒဒိုက္ ေကၜာန္အာ ဂွ္ရ ပဿိက္ေဇှာ္ေရာင္။ မှး (နာဲ) ညံင္ဂြံ ဆာန္မန္ဂွ္ရ ပဿိက္ေဇှာ္၊ မန္ ညံင္ဂြံဆာန္မှး (နာဲ) ဂွ္ ပဿိက္ဟြံေဇှာ္ရ။ လၸရန္တဿံ ႏူဂကူ မြဲမြဲသာ္တုဲ ေကၜာန္ၐိုတ္အာညိ၊ ရန္တဿံသြက္ဂြံဂြံ ႏူဂကူ မြဲမြဲသာ္တုဲ လၸေကၜာန္ညိ၊ ဆာန္ဍဴဂကူ၊ ဍဳင္တုဲ နကုႝေစတနာျပဲျပဲ နကုႝဓဝ္ေအင္ဒုင္ေဇှာ္ေဇှာ္ ေကၜာန္ၐိုတ္ေရင္တၜဳင္ အာညိ။ သြက္အလုံ သတၱံအိုတ္သုီမြဲ က်ာ္ၾတဲပု႙ ဒုင္ဒဒိုက္ေကၜာန္ကၜဳင္မာန္ဏီမၢး သြက္ဂကူ မန္ဂြံဗၜးၐးမြဲဓဝ္ နာဲ/မှး ေကၜာန္ဒုင္ဒဒိုက္ ဟြံမာန္ဂွ္ ကုႝဒွ္ဟြံေထက္ရ၊ ေကတ္နဲကဲက်ာ္တုဲ ေကၜာန္ဟံင္ျပာ္အာဂကူမၢး ဂကူမန္ဂွ္ ဒးက ေလင္စိုပ္ အကာဲအရာ ဗုီဘဝေၾတံမာန္ေဟင္ရ။
ဗွ္လၛတ္ရံင္ဂလာန္သမတဒယွ္ အေမရိကာန္မြဲတၜ 'နာဲေဂ်ာန္ အာဖ္ကေနဒ႘'မၢး ''လၸေစာဒနာမံင္ကုႝ ဍဳင္ညိ၊ ေစာဒနာပဲႜဇကု သြက္ဍဳင္ဇကုညိ''အဓိပၸဲါဍံဂွ္ ႏူမဟုီကေရာတ္မံင္ ဍဳင္အေမရိကာန္ မုပကုႝ ဇကုမာန္ေရာဂွ္ နကုႝဇကုဂွ္ေရာ မုေကၜာန္ၐိုတ္ကုႝ ဍဳင္အေမရိကာန္မာန္ဂွ္ေရာဂွ္ ဂလာန္သာ္ဝြံ ကေလင္ သဿာန္ရံင္ကုဇကုညိ။ စပ္ကုႝအဓိပၸဲါဂလာန္ဝြံတုဲ ပႜဲကုႝလိက္အုပ္ဂ်ာေနဝ္ ပေရင္ဍဳင္ကြာန္ ဒယွ္မြဲကှပ္ မပတိတ္ဒဿံင္ေလဿင္ဂိတု ခ်ဴလဝ္ေဝါဟာရၐါမတုဲ ဟုီပေသာင္လဝ္ဂွ္ ဂြံဆုႝေကတ္ရ။ ညးၐါမဂွ္မုေရာေတွ္ sacrifice ကုႝ security မဒွ္ရ။ ဒုင္ဂိဒုင္ဒဒိုက္ဒုင္ခ်ဳိတ္ကုႝ ဂုီကၜဳီ မဒွ္ရ။ လၸရန္တဿံ သြက္ပေရင္ဂုီကၜဳီ ဘဝဇကုနာနာတုဲ ဒုင္ဂိဒုင္ဒဒိုက္သြက္ဂကူသြက္ဍဳင္ ညိ မိက္ဂြံသၢးသာ္ဂွ္ရ။ မင္ပတိတ္စမံင္ ပရဲဂကူဍဳင္ သဿးတုဲ နအလုႝဇကု ဟြံဒုင္ဒဒိုက္ ေကၜာန္သြက္ဍဳင္သြက္ဂကူမၢး ဂကူမန္ဂွ္ ဗှတ္ကာလ လုႝမြဲ ေဇှာ္တိုန္ႏူ အကာဲအရာ ဘဝလဿဳဟ္ဟြံမာန္ရ။ အရင္ဂြံေဍာတ္ ေစွ္အိုတ္ကၜက္ေစွ္အာသဿးရႏံြ၊ ဍဳင္မန္ဂြံဍဳိက္ေပင္ကုႝ ပေရင္ဂုီကၜဳီ နာနာသာ္မာန္ဂွ္ တန္တဵကုႝ အိုတ္အလုံေကာန္ဂကူမန္တံ ေကၜာန္ဒုင္ ဒဒိုက္ရ။ သြာင္ညးခံင္ ညးဒုင္အာဒဒိုက္၊ သြာင္ဟြံခံင္ဂွ္ ဘုိင္ကုႝအာ ျဇဟတ္ပံင္ေတာဲညးသကအ္မၢး ဍဳင္မန္ဂွ္ ေဍံဒးဍဳိက္ေပင္ကုႝ ဂုီကၜဳီ သာယ်ာေဟင္ရ။ ဂကူမန္တံ ဟြံေကၜာန္သြက္ဍဳင္မန္မၢး ဍဳင္မန္မတြံဂး ကဵမြဲေဍာင္ဂွ္ ၾယဵကာလလုႝမြဲ ကဵရာင္ေက်ဝ္ေက်ဝ္ေဂါဝ္ဝ္ ဟြံမာန္ရ။ ေကာန္ဂကူမန္၊ ေကာန္ဍဳင္မန္တံဂွ္ တုပ္သဿဟ္ကုႝ ဍာ္ဝဲဂွ္တုဲ ဍာ္ဝဲဂွ္ ခိုဟ္မၢး ကဵဂွ္ ဒးခိုဟ္ေဟင္ရ။
ယဝ္ပု႙သၸအဓိကကုႝ ပိုန္ျဂိဳပ္သဿး၊ ပေရင္ပညာသဿး၊ ပေရင္ သၛိဌာန္ ဂြံေျပျပံင္သဿးမၢး ကံကုသုႝဂကူပ႙ုဂွ္ ဒးေအဲျဇဍာံဍာံရ။ ဂကူပု႙ ဂြံေကၜံကၜက္ ဂြံဒးဒုင္ငၛိတ္မံင္ဂွ္ ဟိုတ္ႏူဟြံေကၜာန္သြက္ဂကူ၊ ဟြံဒုင္ ဒဒိုက္ သြက္ဂကူ၊ ဟြံဒုင္ခ်ဳိတ္သြက္ဂကူ ေကုာံ ဟြံႁဇိဟ္နက္ ပႜဲပေရင္ ကေမၜာန္ဂကူေလဝ္ ဒွ္မာန္ရ။ ဒုင္ဂိဒုင္ခ်ဳိတ္ ေကၜာန္ၐိုတ္ သြက္ဂကူ၊ သြက္ဍဳင္မၢးေဟင္ ဂကူပု႙ဗၜးၐးျပဟ္ဂွ္တုဲ (ဝါ) ေကၜာန္ပေရင္ ဍဳင္ကြာန္ ပေရင္ပၜန္ဂတးေဟင္ ဂကူ ဗၜးၐးတုဲ ေကၜာန္ေကင္ကာတှဟ္မၢး ၐိုတ္ မင္မြဲညံင္ဂကူ ဟြံဂြံ ေကၜံကၜက္ရဂြံ၊ တှဟ္နဂြံဗၜးၐးဂွ္ ဖန္ကုႝဟြံမာန္ရ။ တၜပညာဂကူပု႙ ေကၜာန္မံင္ပႜဲအလုႝအသ႘ပှာန္ဗဿာ ႏံြဗြဲမဂၜဳိင္၊ ပႜဲအလုႝ အသ႘ေသံေလဝ္ ႏံြဗြဲမဂၜဳိင္၊ ညးတံဂွ္ ဟြံဒွ္ဇုတ္ဓရံင္ ဂကူဂြံဗၜးၐးရ။ ပူဂုႝ ဂံင္ဒုင္ခ်ဳိတ္၊ ဂံင္ဒုင္ထံင္ ေကၜာန္ပေရင္ဍဳင္ကြာန္၊ ပေရင္ပၜန္ ဂတးတံဂွ္ရ ဒွ္မံင္ဇုတ္ဓရံင္ဂကူပု႙၊ ညးတံရ မင္မြဲသီ ဗေၐါဝ္ဒဿံင္သိကၡာ ေကာန္ဂကူပု႙ရ။ ပူဂုႝေကၜာန္ ပေရင္ဍဳင္ကြာန္ ၊ ေကၜာန္ ပေရင္ပၜန္ဂတး တံဂွ္ ဒွ္ညး ဒုင္ဒဒိုက္ သြက္ဂကူ၊ သြက္ဍဳင္ေဇတ္တ္ရ။ ျဇဟတ္တံဝြံရ ဒွ္ျဇဟတ္ေကတ္ကုႝ အေခါင္ အရာေကာန္ ဂကူပု႙ ဒွ္ျဇဟတ္ဖန္ဗဒွ္ သြက္ဂကူပု႙ ဂြံဗၜးၐးရ။ ျဇဟတ္ပေရင္ဍဳင္ကြာန္ ပႜဲေကာန္ဂကူမန္ပု႙ ေဇှာ္ေဇှာ္ ခိုင္င္ဗိုန္န္မြဲ၊ ျဇဟတ္ပေရင္ပၜန္ဂတး ေဇှာ္ေဇှာ္ခိုင္င္ဗိုန္န္မြဲ ႏံြမဂးေဟင္ ဖန္ဗဒွ္ကုႝ ပေရင္ဂုီကၜဳီဂကူပု႙ အနာဂတ္မာန္ ရ။ ဂြံစိုပ္ကဆံင္ ဝြံမာန္ဂွ္ ဇဿာပ္ေကာန္ဂကူမန္တံ ဒးဒုင္ဂိ၊ ဒးဒုင္ဒဒိုက္၊ ဒးဒုင္ခ်ဳိတ္ ေရာင္။ ဓဝ္ဒုင္ဂိ ဒုင္ဒဒိုက္ ဒုင္ခ်ဳိတ္ သြက္ဂကူဝြံ ယဝ္ေကၜံကၜက္အာမၢး တုပ္သဿဟ္ကုႝဗုီတိ ဂြံဒက္ပတန္ဍဳင္မန္ အနာဂတ္ မေကၜံဏွင္ အာကုီရ။ ဂကူပ႙ု ဒွ္ဒဿံင္ဍိက္ပၜက္ သဿးဟြံက သုီစိုပ္ဒဿံင္အဆံင္ အကာဲအရာ ၾကပ္ ေကၜံကၜက္ဂွ္တုဲ ပု႙ဒး ပတိတ္ျဇဟတ္ဂွ္ မြဲဆ၊ ၐါဆ၊ ပိဆေလဝ္ ဟြံဂြံ၊ ဒးဂစာန္ေကၜာန္၊ ဒးေကဿာန္ေကၜာန္ ေကြံေကြံေရာင္။
ေကှဟ္-ေကာန္စဵထဝ္
0 တၜ ဟီုဂလာန္ပၚပဲါလဝ္ ဒှာဲဏအ္ရ:
Post a Comment