ပႜဲ ဂၜးကဝ္ပ႙ုဏံ သြက္အေခါင္အရာမှိဟ္ ကလိဂြံဍိဳက္က္ေပင္ေပင္တဲု သြက္ပေရင္မှိဟ္ ဂြံေဇှာ္ေမာဝ္တဵ တက္ ေဖာအ္ေျဗဝ္အာမာန္ဂွ္ နကႝုေသှာတ္ဒ႘မဝ္ကေရျဇ႘ေဟင္ ညးတံအုပ္ဓုပ္ေကာပ္ကာဲ ေရင္တၜဳင္ ကၜဳင္ ဍဳင္ညးတံအုိတ္ရ။ စပ္ကႝုပေရင္ျပဒၵညာနာနာသာ္ ၐုိန္ရေသာင္ကဠးဖအုိတ္ေကၜံ ဟြံမာန္ကီုေလဝ္ ျပဒၵညာေဇှာ္ ဂွ္ ညံင္ဂြံေအာန္အာ၊ ျပဒၵညာေဍာတ္ဂွ္ ညံင္ဂြံေကၜံအာ ညးတံေရင္တၜဳင္ ေသာင္ကဠး ကႝုမာန္အုိတ္တဲု စႝုကႝုလဿဳဟ္ပစၥဳပၸန္တၛဲဏံ ညးတံအုပ္ဓုပ္ကၜဳင္ ေသှာဝ္ဒ႘မဝ္ကေရျဇ႘ဏံရ။ ဍဳင္အိႏၵိယ၊ ဍဳင္ျဗိတိင္(UK)၊ ဍဳင္အေမရိကာန္၊ ဍဳင္အဝ္သေၾတလ်ာ၊ ဍဳင္မေလယွာ ကုဍဳင္ကေနဒါတံဂွ္ သုင္ေစာဲ ေသှာတ္ဒ႘မဝ္ကေရျဇ႘ေပင္ေပင္ဂွ္ ဂြံမိင္ေကတ္၊ လၛတ္ေကတ္မာန္ေရာင္။ ႐ွ္သာဒ႘မဝ္ကေရျဇ႘ ပႜဲေသှာတ္ ဒ႘မဝ္ကေရျဇ႘ႏြံဗီုလႝု ေကာန္ဍဳင္ကြာန္ညးတံ ဂြံဒုင္စသုိင္နတဲအုိတ္ရ။ ဟုိတ္ဒွ္သာ္ဂွ္ရ ဍဳင္ညးတံစဖဲသၟ႘တဲု မဒွ္ဍဳင္ေဖာအ္ေျဗဝ္တဲုတဲုမြဲေရာင္။ သြက္ေကာန္ဍဳင္ဗဿာပ႙ု ကုေကာန္ဂကူမန္ပ႙ု ေသၢာံကလိဂြံ ဗဟုသုတ စပ္ကႝုေသှာတ္ဒ႘မဝ္ကေရျဇ႘တဲု အဲညးခ်ဴလိက္ဏံ ပတုိန္ထၞးဏာ အတုိင္ဗြဲသဿဝ္ေတံေရာင္။ ဆက္တဲု ညးဗွ္လိက္တံ ဗၥစှသြက္ကႜဟ္မှိဟ္တံညိဂွ္ ဗြဲမဆာန္ကဿိန္ဆဝ္မၛဳဟ္ဏာရ။
ပႜဲဂၜးကဝ္ပ႙ုဏံ ဍဳင္ေဖာအ္ေျဗဝ္တဵတက္တံဗြဲမဂၜိဳင္ သုင္ေစာဲဒဿံင္ သဇုိင္ေသှာတ္ဒ႘မဝ္ကေရျဇ႘ ႏံြၐါ ဂကူေရာင္။ ဒ႘မဝ္ကေရျဇ႘ဝြံ ဒုင္သဇုိင္ဝါဒအေခါင္တုပ္သဿဟ္ ေသှာတ္ပေရင္ဍဳင္ကြာန္မြဲေဟင္ရ။ အလႝုအသ႘ကုညးဍဳင္ကြာန္၊ ညးဍဳင္ကြာန္ကုႝအလႝုအသ႘တံ ပြမဆက္ေစၜာံခုိဟ္ျပဲ၊ ည႘သဿဟ္ေဆင္စပ္ကႝု ေသှာတ္ဒ႘မဝ္ကေရျဇ႘တဲု ပြမထၞးကႝု ဂၜံင္တရဵမြဲေဟင္ေရာင္။ နကႝုေစဝ္ေပှာန္ဥပေဒခုိင္င္ ခါန္ကှက္ကႝု ကေမၜာန္ မဆက္စပ္ကႝု ဒ႘မဝ္ကေရျဇ႘ဟြံေသင္ရ။ အဓိကေဍံဂွ္ ပ႙ုညာတ္ေကတ္ ေသှာတ္ဒ႘မဝ္ကေရျဇ႘ ၐါသာ္ေရာင္။ ပါလ႘မာန္ဒ႘မဝ္ကေရျဇ႘၊ ဒ႘မဝ္ကေရျဇ႘သမတအုပ္ဓုပ္(ပၜတရဵ) မဒွ္ရ။ ပႜဲဂၜးကဝ္ပ႙ုဏံ ေသှာတ္ဒ႘မဝ္ကေရျဇ႘ၐါသာ္ဏံ ခုိဟ္ျပဲဒဿံင္တဲု ညးတံ ရပ္စပ္စကာ သုင္ေစာဲဒဿံင္အုိတ္ရ။
ေသှာတ္ပါလ႘မာန္ဒ႘မဝ္ကေရျဇ႘ဂွ္ ဍဳင္ (UK) ယူႏုိက္တိတ္ ေကန္ဒါန္(ေအဂၤလိက္)တံ သုင္ေစာဲဒဿံင္တဲု ေသှာတ္ဒ႘မဝ္ကေရျဇ႘ သမတအာကႜိဳပ္ပၜတရဵ(အုပ္ဓုပ္)ဂွ္ ဍဳင္အေမရိကာန္(USA) သုင္ေစာဲ ဒဿံင္တဲု ေထက္ကႝုေကတ္ဂုဏ္စရာဲေရာင္။ ပါလ႘မာန္ဒ႘မဝ္ကေရျဇ႘ကႝု ဒ႘မဝ္ကေရျဇ႘ သမတအာကႜိဳပ္ပၜတရဵဂွ္ ပ႙ုဆက္လၛတ္အာပၜန္ေရာင္။
ပါလ႘မာန္ဒ႘မဝ္ကေရၿဇ႘
ဍဳင္ဗြဲမဂၜိဳင္သုင္ေစာဲဒဿံင္ ပါလ႘မာန္ဒ႘မဝ္ကေရျဇ႘သၜဲသၜဲလး လးဂွ္ ဂြံဆႝုေကတ္ ပႜဲဂၜးကဝ္ပ႙ုလဿဳဟ္ေရာင္။ အပႜဲပါလ႘မာန္ဒ႘မဝ္ကေရ ျဇ႘ဝြံ ညးဍဳင္ကြာန္တံဗြဲမဂၜိဳင္ ႐ဲုစွ္ပတုိန္လဝ္ ညးစှးအမာတ္တံဂမၜိဳင္ဂွ္ ေကာ္ခဵစ 'ပါလ႘မာန္အမာတ္'အုိတ္ရ။ ႏူညးဍဳင္ကြာန္တံ နကႝုဆႏၵမာဲ အပ္ျပာပ္ကုအဝႝုအာဏာတဲု ညးစှးတံ ပံက္ဂေကာံကၜတ္ထဝ္ ညးဍဳင္ ကြာန္(ျပည္သူ႔လႊတ္ေတာ္)မာန္ေရာင္။ ပႜဲပါလ႘မာန္ ကၜတ္ထဝ္ညးဍဳင္ ကြာန္ဂွ္ ေဗာ္ပေရင္ဍဳင္ကြာန္ အဓိကႏြံ(၅/၆)ဂေကာံတဲု ေကာန္ဂေကာံ ေဗာ္ေဍာတ္တ္ညးတံ ပါလုပ္ကီုေရာင္။ တာလ်ိဳင္ပါလ႘မာန္ ကၜတ္ထဝ္ဝြံ (၁)ေဖ်ံသၢဳတ္သြာတ္ဂမၜိဳင္၊ (၂)ထၞးပ်းဥပေဒ (ျပဌာန္း) ကုသၸဒတန္(အတည္ျပဳ)၊ ခရိတ္သုင္ေစာဲညးဍဳင္ကြာန္တံကီု၊ အုပ္ဓုပ္ ေကာပ္ကာဲအာ ညးစှးဝန္ေဇှာ္ အလႝုအသ႘ဂမၜိဳင္ရ။ သကုိပ္ဝန္ေဇှာ္ကႝု ဝန္ေဇှာ္ဂမၜိဳင္တံဂွ္ ဒးကႝုသြဟ္ကုညးဍဳင္ကြာန္ တာလ်ိဳင္မႏြံတဲု ပါလ႘မာန္ကၜတ္ထဝ္ဝြံ ဒးကႝုသြဟ္ကုညးဍဳင္ကြာန္တံႏြံရ။ ပႜဲေသှာဝ္ ပါလ႘မာန္ဝြံ ညးမႏြံကႝုတာလ်ိဳင္ ကဆံင္သၜဳင္ဂွ္ ေကာ္ခဵစ ဝန္ေဇှာ္အုိတ္တဲု ကႜိဳပ္သကုိပ္ညးတံဂွ္ ေကာ္ခဵစ သကုိပ္ဝန္ေဇှာ္ရ။ အပႜဲပါလ႘မာန္ဂွ္ ေဗာ္ဂမၜိဳင္႐ဲုစွ္ပၱိဳန္ သကုိပ္ဝန္ေဇှာ္ေရာင္။ ကေမၜာန္ပါလ႘မာန္ေရင္တၜဳင္ တဲုဒွ္အာဂွ္ သြက္ဂြံဓမံက္႐ုပ္ရဵ ေကာပ္ကာဲအာမာန္ ခါန္ကှက္ ေဖ်ံဏာလ်ိဳင္ ကုဝန္ေဇှာ္ဂမၜိဳင္ရ။ ဝန္ေဇှာ္ဂမၜိဳင္တံဂွ္ ႏူညးဍဳင္ကြာန္တံ ႐ဲုစွ္ပတုိန္လဝ္ဟြံေသင္ရ။ ညးတံဂွ္ ဒးဒုင္ခါန္ကှက္ ေဖ်ံကႝုလဝ္ တာလ်ိဳင္အုိတ္ေရာင္။ သြက္ဂြံဘုိင္ေကၜာန္ကေမၜာန္ဂွ္ ဒး႐ဲုစွ္ဝန္ေဇှာ္ မႏြံသဿဝ္တဲဇကုရ။ ေဗာ္ပေရင္ဍဳင္ကြာန္ဂမၜိဳင္တံဂွ္ ဒက္ပၱန္ေဗာ္ ေဇှာ္ေဇှာ္ ယာယ႘ပံင္ေတာဲတဲု ဒတူလုိင္မာန္ေရာင္။ ဂေကာံအလႝုအသ႘ ပံင္ေကာံတံဂွ္ ၐုိဟ္ၾသိဳဟ္ေအာန္ရ။
ဟုိတ္ႏူဒက္ပၱန္လဝ္ကႝု ေဗာ္ဂမၜိဳင္ကီု၊ ဟုိတ္ႏူဖန္ဖက္ဟြံဒး ဖန္ဖက္ဟြံဂြံတဲု မဒးဒက္လဝ္ အလႝုအသ႘ပံင္ေကာံ (ၫြန္႔ေပါင္း အစုိးရ)တဲု အုပ္ဓုပ္ကၜဳင္လဝ္ဂွ္ရ ဍဳင္ဝြံ ဟြံညိင္ဝတ္ ဒွ္ေလပ္ေရာင္။ ပႜဲေသှာတ္ပါလ႘မာန္ဝြံ သကုိပ္ဝန္ေဇှာ္ဂွ္ အၾကာပါလ႘မာန္ကႝု ေဢာံကုိဋ္ ကဿိန္ဍဳင္ (ႏုိင္ငံဥေသ်ာင္)ဂွ္ စြံလဝ္ပေရင္ဆက္ေစၜာံမြဲ မႏြံေလပ္ေရာင္။ သြက္အဝႝုတာလ်ိဳင္ညးေတံ ဒုင္သစၥာပႜဲေဢာံကုိဋ္ ကဿိန္ဍဳင္တဲုမွ ကလိဂြံလဝ္ေရာင္။ ဟုိတ္ဂွ္ရ မှိဟ္ကဆံင္သၜဳင္ႏူ သကုိပ္ဝန္ေဇှာ္ မႏြံဏီေရာင္ မဒးထၞးပ်းလဝ္ရ။ ဗီုလႝုဒွ္ဒွ္ ႏူကႝုအခုိက္ကှာေယန္သှာင္ သုင္ေစာဲဒဿံင္ေဢာံကုိဋ္ကဿိန္ဍဳင္ ပႜဲကႝုေသှာတ္ ပါလ႘မာန္ ဒ႘မဝ္ကေရျဇ႘ဂွ္ ႏြံဒဿံင္ဇဿာပ္ဍဳင္ရ။ ဆဂး ပေရင္အုပ္ဓုပ္ေကာပ္ကာဲဍဳင္ဂွ္ ကၜတ္ထဝ္ ကုဝန္ေဇှာ္ဂမၜိဳင္ေဟင္ ဒးယိုက္ေဂၜင္ေကတ္တာလ်ိဳင္အုိတ္ရ။
တဿင္ဂုန္စရာဲ ပါလ႘မာန္ဒ႘မဝ္ကေရျဇ႘ဂွ္ ညးဍဳင္ကြာန္တံ ႐ဲုစွ္ပတုိန္လဝ္တုပ္တုပ္ကီု၊ ပါလ႘မာန္႐ဲုစွ္ကီု၊ ႐ဲုစွ္နကႝုဂေကာံ႐ုဲစွ္ကီု မဒွ္ရ။ စႏူကႝု႐ဲုစွ္ပတုိန္ သကုိပ္ဝန္ေဇှာ္တဲု ဗှတ္ဗၞတ္သှာဲဒဵကုညးေတံ ဒးဂဇအ္ ႐ုင္ေကၜာန္ကေမၜာန္ရ။ ပါလ႘မာန္ဂမၜိဳင္ ဟြံဒးဂှပ္ကႝု ပေရင္ကေမၜာန္ သကုိပ္ဝန္ေဇှာ္မၢး နကႝုမာဲ သၢဳတ္သြာတ္တဲု ႏုက္ပတိတ္ဂြံရ။
ဒ႘မဝ္ကေရျဇ႘သမတအာကႜိဳပ္ပၜတရဵ(အုပ္ဓုပ္)
သှာတ္ဒ႘မဝ္ကေရျဇ႘သမတအာကႜိဳပ္ပၜတရဵဝြံ သမတဂွ္ အဝႝုအာဏာကဆံင္သၜဳင္တဲု ဗြဲမသၜဲလးႏြံရ။ သမတဝြံ မဒွ္ညးေဇှာ္ ပႜဲဂေကာံအလႝုအသ႘သဿးဟြံက သီုမဒွ္ကႜိဳပ္သကုိပ္ေဇှာ္ကဿိန္ဍဳင္တဲု ဒးယိုက္ေဂၜင္တာလ်ိဳင္ သုီၐါဂကူရ။ ယင္တံဂွ္ (၁) ဒက္ခှံဥပေဒ ေဖ်ံမူ ဝါဒအပႜဲဍဳင္ ကုမၛးဍဳင္(ဍဳင္သၟာင္)၊ ဒးသၸဒတန္ဥပေဒအေျပာံ ညးဟြံ သၸဒတန္လဝ္ဂွ္ သုင္ေစာဲအဝႝုဗ႘တဝ္(ဗ႘တုိအာဏာ)တဲု ပÌတးေထာံ ဂြံေရာင္။ ပႜဲဍဳင္သမတ အာကႜိဳပ္ပၜတရဵဂွ္ ေကာန္ဍဳင္ကြာန္တံဂမၜိဳင္ သြက္သမတဇကုဂွ္ နကႝုဇကု အေခါင္စုတ္မာဲႏြံရ။ နဲကဲဏံဝြံ ကႜိဳပ္ သကုိပ္ညးတံဂွ္ ပူဂႝုလႝုမြဲ ဟီုတုိက္႐ုိက္မာန္ရ။ သမတေဇှာ္ဝြံ အာယုက္သမတ ညံင္ဂြံေပင္ ဒးယိုက္ေဂၜင္ ေကတ္အာတာလ်ိဳင္ ေပင္ေပင္ေရာင္။ ပႜဲဂေကာံ အလႝုအသ႘ဂွ္ ပၚျခာလဝ္(၃)ကဆံင္ရ။ (၁) ဂေကာံဒက္ပတန္ဥပေဒ၊ (၂) ဂေကာံခါန္ကှက္ ပၚတာလ်ဳိင္၊ (၃) ဂေကာံ မေဆင္စပ္ ကႝုေသှာဝ္ဓဝ္တံ မဒွ္ရ။ ဥပေဒဂမၜိဳင္ ဟြံဒးကႝုေသှာဝ္ (ဝါ) ဒးကႝုေသှာဝ္ဂွ္ ဒးစမ္ၐတ္ေဖ်ံသၢဳတ္သြာတ္ရ။ ယဝ္ခါရ သဇုိင္ ေသှာဝ္ဥပေဒဂမၜိဳင္ ဟြံကိတ္ည႘ ကုပေရင္အုပ္ဓုပ္ကဿိန္ဍဳင္ ေဖ်ံသၢဳတ္ သြာတ္မၢး အေခါင္လွာဲစွ္ ဂေကာံခ်ဴဓဇက္ ေဆင္စပ္ကႝုဥပေဒဂွ္ဂြံရ။ ဂေကာံဏံဝြံ ႏူသမတေဇှာ္႐ဲုစွ္ခါန္ကှက္လဝ္တဲု ႏူဂေကာံ ခ်ဴဓဇက္ ဥပေဒတံ မဒးသၸဒတန္ေရာင္။
ဂုဏ္စရာဲေတဿင္ ပႜဲေသှာတ္ဒ႘မဝ္ကေရျဇ႘ သမတအာကႜိဳပ္ ပၜတရဵဂွ္ မွာဇန္ညးဍဳင္ကြာန္တံ ႐ုဲစွ္ကႝု မာဲတုပ္ပ္၊ မြဲဒျမိပ္ဓဝ္ သြက္သမတ ညးယိုက္ေဂၜင္တာလ်ိဳင္ အဝႝုပတန္ေသှာဝ္ကႝု အဝႝုပကင္ရင္ဍဳင္ရ။ သမတဝြံ ေဢာံကုိဋ္ဍဳင္ေလဝ္ဒွ္၊ ကႜိဳပ္သကုိပ္ ဂေကာံအလႝုအသ႘ေလဝ္ မဒွ္ရ။ ေကာန္ဍဳင္ေကာန္ကြာန္တံ ႐ဲုစွ္သမတတုိက္႐ုိက္ ညံင္ရဵ႐ဲုစွ္ပတုိန္ ေဢာံကိုဋ္ကဿိန္ဍဳင္ရ။ သကုိပ္ဝန္ေဇှာ္ဟြံမြဲ၊ ကေမၜာန္ဝန္ေဇှာ္ဖအုိတ္ဂွ္ ပံင္ေတာဲတဲု ေရင္တၜဳင္အာရ။
ပႜဲေသှာတ္ဒ႘မဝ္ကေရျဇ႘ သမတအာကႜိဳပ္ပၜတရဵဂွ္ (၁) ႐ဲုစွ္ပတုိန္သမတ၊ (၂) ဒက္ခှံအလႝုအသ႘၊ (၃) အဝႝုသမတ၊ (၄) ေတဿင္ဂုန္စရာဲေသှာတ္ ေကုာံ (၅) ပြမတင္ေဆာတ္ေယာင္တံဂမၜိဳင္ပါရ။ ဥပမာ -ေသှာတ္ဒ႘မဝ္ကေရျဇ႘ သမတအာကႜိဳပ္ပၜတရဵဂွ္ ပ႙ုဂြံဆႝုညာတ္ေကတ္ ကဿိန္ဍဳင္အေမရိကာန္ (USA)ရ။ ေသှာတ္ပါ လ႘မာန္ ဒ႘မဝ္ကေရျဇ႘ဂွ္ ပ႙ုဂြံညာတ္ေကတ္ ဍဳင္ျဗိတိင္ (UK) ယူႏုိက္တိတ္ေကန္ဒါန္ရ။
ေကာန္ဍဳင္ဗဿာ ကုေကာန္ဂကူေကာန္ဍဳင္အရင္ဂမၜိဳင္တံ တတ္ေကၜာံကၜဳင္တရဵဒ႘မဝ္ကေရျဇ႘ ပႜဲဍဳင္ဗဿာ အတိက္ကႝုပစၥဳပၸန္ဂွ္ ဂြံဆႝုလၛတ္ေကတ္ အတုိင္ဗြဲသဿဝ္ဏံမာန္ေရာင္။
(၁၉၄၇) ခ်ဴဓဇက္ေသှာဝ္ဥပေဒသဇုိင္ ဒက္ပၱန္ဍဳင္ေသှာတ္ ဒ႘မဝ္ကေရျဇ႘ေရာင္ လေလာင္ၾတးကၜဳင္ အၾကာေကာန္ဍဳင္ကြာန္တံရ။ ဟုိတ္ဒွ္သာ္ဂွ္ရ (၁၉၄၈) ၾတဵႏူဂြံအေခါင္ဗၜးၐးတဲု ပႜဲကဿိန္ဍဳင္မန္ ဗဿာပ႙ု ေကင္သုင္ေစာဲကၜဳင္ ေသှာဝ္ဒ႘မဝ္ကေရျဇ႘(ပါလ႘မာန္) ႏြံကၜဳင္ရ။ ညးဍဳင္ကြာန္ကဿိန္ဍဳင္ဗဿာလၛႝဳတံ ဟြံဒးစုိတ္ေသှာတ္ဒ႘မဝ္ကေရျဇ႘(၄၇)တဲု တိတ္ႁဂိပ္ရပ္လြဟ္ ဗတိုက္သ႐ုိဟ္ကၜဳင္ အလႝုအသ႘ ဒ႘မဝ္ကေရျဇ႘ဂွ္ ရ။ ေကာန္ဂကူေကာန္ဍဳင္အရင္ဂမၜိဳင္တံေလဝ္ ဒှာဲညးကုညး၊ ေဒသညး ကုညး လုပ္ကၜဳင္ေပဲါဗတိုက္ ကုအလႝုအသ႘ဒ႘မဝ္ကေရျဇ႘ (လက္ထက္ ဥဴႏု)ရ။ (၁၉၆၂)ဂွ္ သကုိပ္ပှာန္ 'ေနေဝန္' သီေထာံအဝႝုတဲု လးဏာ ဂၜံင္တရဵ 'ျမန္မာ့ဆုိ႐ွယ္လစ္လမ္းစဥ္ပါတီ'တဲု စႝုကႝုစုိပ္(၁၉၈၈) မဒွ္ရ။
ေကာန္ဍဳင္ဗဿာဂမၜိဳင္ ဟြံဒးစုိတ္၊ ကႜဳဟ္ေမၜံေသှာတ္တၜ အဝႝုပှာန္တဲု ထၞးဆႏၵလုပ္ကၜဳင္ေပÌဗတိုက္ အေခါင္ဒ႘မဝ္ကေရျဇ႘ အလုံဍဳင္ဗဿာတဲု (၁၉၉၀)ဂွ္ ေကၜာန္သၸကႝုသဘင္ေပÌ႐ဲုမာဲ ေသှာတ္ဒ႘မဝ္ ကေရျဇ႘ကီုေလဝ္ ဟုိတ္ႏူသကုိပ္ပှာန္တံ ဟြံမိက္ကႝုဒှာဲ ကု'ဒဝ္အံင္သာန္သုက်႘' တဲု ဆက္ရပ္လဝ္ အဝႝုအာဏာပှာန္ပၜန္ရ။ (၁၉၉၇)ဂွ္ အလႝုအသ႘ပှာန္(နအဖ)တံကႝု ဂေကာံရပ္လြဟ္ေဒံါပန္ေပွာ္တံ ပေရင္ဆက္ေဆာံခုိဟ္ကၜဳင္တဲု ဍဳင္ဝြံ ေဖာအ္ေျဗဝ္တဵတက္ကၜဳင္ ႏြံကီုေလဝ္ ဒှာဲလၛႝဳသီုဒးဒုင္သီတိကၜအ္၊ ဒးဒင္ပ်ဲပ်ာံ၊ ဒးဒုင္သၸေကာန္ျဗဵ၊ ဒးဒုင္စုတ္ထံင္ႏံြဒဿံင္တဲု စႝုကႝုလဿဳဟ္ ပေရင္ဖံက္ပကဝ္အေခါင္အရာ မှိဟ္ ႏြံဒဿံင္ေရာင္။ ဒုင္သဇုိင္ကႝုေသှာဝ္ဥပေဒ(၂၀၀၈)တဲု ပႜဲသှာံ(၂၀၁၀)ဂွ္ ႐ဲုစွ္ေပဲါ႐ဲုမာဲ ေသှာတ္ ဒ႘မဝ္ကေရျဇ႘ဗဿာရ။ ဟုိတ္ဒွ္သာ္ဂွ္ရ သြက္ေကာန္ဍဳင္ဗဿာ ကုေကာန္ဂကူမန္ပ႙ုတံဂွ္ တၛဲဏံပႜဲကဿိန္ဍဳင္ပ႙ု သုင္ေစာဲပါလ႘မာန္ဟာ? သုင္ေစာဲသမတဟာ? (ဝါ) သီုၐါသုင္ေစာဲတဲု ဆက္အာ တရဵဟာဂွ္ ဆက္လၛတ္ဂၜိဳက္ဂၜာဲအာ နဇုိင္နတဲ သီုညး ဂမၜိဳင္စုိအ္ဂွ္ ဗတိုက္ဖေအာဝ္ဏာရ။
ေကှဟ္ - သုခ
0 တၜ ဟီုဂလာန္ပၚပဲါလဝ္ ဒှာဲဏအ္ရ:
Post a Comment