ဍဳင္လုႝရံင္ရံင္ ေပဲါဗိၱဳက္ညးဍဳင္ကြာန္ ပႜဲဂၜးကဝ္ဏအ္ ကတႝုဒွ္ဒဿံင္ ပႜဲသၨိဳင္ကြပ္မှိဟ္တအ္အုိႆုီဂွ္ ဟုိတ္ ႏူကုႝအေခါင္အရာ မတြံဂး အေခါင္ပ႙ုေဟင္ရ။ 'အေခါင္ပ႙ု' ဟုီဂွ္ ဟြံစိုပ္ကၜဳင္ပႜဲတဲပ႙ုပုဟ္မၢး ေပဲါဗၱိဳက္အ ေခါင္အရာပ႙ုဟုီဂွ္ ဗုီလုႝေလဝ္ တုဲဒွ္အာမာန္ ဟြံေသင္ပုဟ္ဂွ္ အခိင္တၛဲဏံ ဍဳင္အ႘ေဂ်တ္ဂွ္ ထၞးဒဿံင္သက္ သ႘ေပဲါအံင္ဇှးညးတအ္ လၱဴဂၜးကဝ္ဂွ္ ဂေကာံကုလသမဂၢကုီ၊ ညးဂၜးကဝ္တအ္ကုီဂွ္ အံသဝ္သၸကၜဳင္ အသဝ္ဂုဏ္ စဿတ္သမၱီကၜဳင္ ေပါဲအံင္ဇှးညးတအ္ ဍိဳက္ဍိဳက္ေပင္ေပင္ရ။ တုပ္ဗုီဂွ္ကုီ ညးဍဳင္ကြာန္မဒးမံင္ သဿဝ္ ေသှာတ္တၜအဝႝုပှာန္ဂမၜိဳင္ဝြံ ေကတ္ကၜဳင္ခန္လၛတ္ လၱဴေပဲါဗၱိဳက္အေခါင္အရာညးတအ္ ေကုာံ ေပဲါဗၱိဳက္ ဒ႘မဝ္ကေရၿဇ႘ ပႜဲဍဳင္ညးတအ္ရ။
ပႜဲဒုတိယဗြဝ္ကၜံ (၁၀)သှာံ ကု(၂၁)ဗြဝ္ကၜံဏအ္ဝြံ ဍဳင္အ႘ေဂ်တ္ဟုီဂွ္ ထၞးဏာသက္သ႘ ကုညးဂၜးတိ တအ္ ေသၢာံသၸအာအစာံ ေပဲါဗၱိဳက္ညးဍဳင္ကြာန္ဂွ္ ဒွ္ျဇဟတ္ပၱဴပၱိဳန္ သၨိဳင္ဒဿံင္ဒ႘မဝ္ကေရၿဇ႘သဿးဟြံက အေခါင္ဗၜးၐး ပ႙ုဟုီဂွ္ ဒးႏြံပႜဲေသၠံတဲပ႙ုေဏာင္၊ ပ႙ုေဟင္ဒးလုပ္ေပဲါဗၱိဳက္ သြက္အေခါင္ပ႙ုေဏာင္ဟုီဂွ္ ဒွ္ကၜဳင္ဝင္ခန္လၛတ္ မြဲက႑ သြက္ညးမလုပ္ဒဿံင္ေပဲါဗၱိဳက္ အေခါင္အရာ ေကုာံ ပေရင္ဒ႘မဝ္ကေရၿဇ႘ ပႜဲဍဳင္ညးတအ္ရ။ ဣဏံ ဂွ္ ဒွ္ျဇဟတ္ ေသၢာံပၱဴပတိုန္ သၨိဳင္ဒဿံင္ဒ႘မဝ္ကေရၿဇ႘ေဟင္ရ။
ဆက္တုဲပၜန္ ဗုီဍဳင္ေလတ္ဗ်ာ သၠဳတ္အာဖရိကေတံ ကတႝုဒွ္ဒဿံင္တၛဲဏအ္ဂွ္ ဣဏံေလဝ္ ဒွ္အရာ လုပ္ေပဲါ ဗၱိဳက္ သြက္အေခါင္အရာ ညးတအ္ေပင္ေပင္ရ။ ဟိုတ္ႏူကႜိဳပ္သကုိပ္ အလုႝအသ႘ပှာန္'ကာတာဝွ႘' ဟုီဂး ကၜဳင္ လိုန္ဗပိန္ကၜဳင္ ညးမအာတ္မိက္ အေခါင္အရာ (ညးမထၞးဆႏၵတအ္) နကုႝလြဟ္လနက္ ၐိုန္ရ ညးမအာတ္မိက္ အေခါင္အရာတအ္ ဒးဒုင္သၜးကၜဳင္လမ်ဳီ ပႜဲေပဲါဗၱိဳက္ညးတအ္ကုီေလဝ္ ဣဏံဂွ္ ဒွ္ အာဝင္၊ ဒွ္အာျဇဟတ္သြက္ေပဲါဗၱိဳက္ညးတအ္တုဲ ေပဲါဗၱိဳက္ညးဍဳင္ကြာန္၊ ေပဲါဗၱိဳက္ဒ႘မဝ္ကေရၿဇ႘ ပႜဲဍဳင္ ညးတအ္ စုႝတှံပိုတ္႐ုိဟ္ကှက္အိုတ္ တှးျပဟ္ကွ္ျဂာတ္ ေပဲါဗၱိဳက္ညးတအ္ဟုီဂွ္ တုဲဒွ္အာ ေလာဲေလာဲ ဟြံေသင္ရ။ ဟုိတ္ႏူဏံတုဲ တင္ဒတူလိုင္ ပေရင္ဍဳင္ကြာန္ညးတအ္၊ တင္အာတ္မိက္ အေခါင္အရာ ညးတအ္ဂွ္ ပုႝတုဲႀကံင္ဍဳဟ္ကၜဳင္ သြက္ေပဲါဗၱိဳက္ညးတအ္တုဲ နဲကဲစုင္ဗုီကိတ္ည႘ လုပ္အာေပဲါဗၱိဳက္ ပႜဲအနာဂတ္ ေလဝ္ ဒွ္မာန္ရ။
ဟိုတ္ႏူ'ကာတာဝွ႘' ေသာင္ကလးကၜဳင္ ျပသှာပေရင္ဍဳင္ကြာန္၊ တးပဲါကၜဳင္တင္အာတ္မိက္ ညးဍဳင္ ကြာန္ (ဝါ) ညးထၞး ဆႏၵတအ္ နကုႝလြဟ္လနက္တုဲ ဂေကာံကုလသမဂၢကုီ၊ ညးဂၜးတိတအ္ မပၱံကႝုဍဳင္ အေမရိကာန္၊ ဍဳင္ျပင္ေသတ္၊ ဍဳင္ဗ်ိတိန္၊ ဍဳင္ဂ်ာမန႘ ေကုာံ ဍဳင္မဆက္စပ္ဂမၜိဳင္ ကုႝကၜဳင္ အေရဝ္ ဟုီဂးကၜဳင္ သြက္ကံင္ၿဇ႘ကုလသမဂၢ ေသၢာံလုပ္ပေသာင္ ျပသှာမကတႝုဒွ္ဒဿံင္ ပႜဲဍဳင္ေလတ္ဗ်ာ ဝြံရ။ သၟာင္ႏူဂွ္ပၜန္ နကုႝျဇဟတ္ဓရုိဟ္နာနာ ကဿာတ္ဒှာပေရင္ပိုန္ျဒပ္၊ ကဿာတ္ဒှာအေခါင္အရာအာကၜဳင္ ညးမဆက္စပ္ ကုႝအလုႝအသ႘ပှာန္ 'ကာတာဝွ႘' မပၱံသာ္ဏံ ဓမံက္ကၜဳင္႐ုပ္ရဵ သြက္ဂြံရပ္စပ္အာ အလုႝ အသ႘ပှာန္ေလတ္ဗ်ာရ။ ဣဏံဝြံ ဒဒွ္ပေရင္ဍဳင္ကြာန္ ညးဂၜးကဝ္တအ္ ရပ္စပ္ဒဿံင္မဒွ္တုဲ ေပဲါဗၱိဳက္ညးဍဳင္ ကြာန္တအ္ေလဝ္ ဆက္လုပ္ဒဿံင္ေပဲါဗၱိဳက္ အေခါင္အရာညးတအ္ဖုိဟ္ဏီရ။
ပႜဲအရာလုပ္ေပဲါဗၱိဳက္ အေခါင္အရာပ႙ုဟုီဂွ္ မုဟုိတ္ဍဳင္ လၛႝဳတအ္ ကလိဂြံေပဲါအံင္ဇှးတုဲ ဍဳင္လၛႝဳ တအ္ဂွ္ ေပဲါအံင္ဇှး ဟြံကလိဂြံ မြဲသာ္ဏီ ဒးဒုင္ဝးပကဝ္ေထာံ တင္အာတ္မိက္ဇကုဂွ္ေရာ? ဒွ္ကၜဳင္ အရာတင္ သဿာန္မြဲ သြက္ဒးသ႘ကၜ႘ သၛ႘ဂၜိပ္ေပင္ေပင္ရ။ ေတာ္ရံင္အာကုႝ ဍဳင္ဗဿာ(ဍဳင္ပ႙ု)မၢး ကြးဘာ၊ ညးဍဳင္ကြာန္ ေကုာံ သဿာပေရင္ဍဳင္ကြာန္တအ္ လုပ္ကၜဳင္ဒဿံင္ ေပဲါဗၱိဳက္အေခါင္အရာ ပ႙ု၊ အေခါင္အရာဒ႘မဝ္ကေရၿဇ႘ သဿဝ္ေသှတ္တၜအဝုႝပှာန္ဟုီဂွ္ လဿဳဟ္မၢး ေပင္ကၜဳင္(၅၀)သှာံ ျပင္ကၜဳင္ရ။ မုဟိုတ္ပ႙ုဟြံကလိဂြံ အေခါင္ အရာပ႙ု၊ ဗၜးၐးသြက္ပ႙ုဏီေရာဂွ္ ဣဏံေလဝ္ ဒွ္တင္ဒးခ်ပ္ ဒးဂၜာဲသြဟ္ သြက္ပ႙ု ေပင္ေပင္မြဲရ။
တန္တဵကုႝ သဿာပေရင္ဍဳင္ကြာန္လၛႝဳတအ္ဟုီဂွ္ ဟိုတ္ေပဲါဗၱိဳက္ ဍဳင္ပ႙ု၊ ပဋိပကၡပႜဲဍဳင္ပ႙ု၊ ေသှာတ္တၜ အဝုႝ ပှာန္ဍဳင္ပ႙ု ဂြံအာယုက္ ေသၢာံဂၜိင္ေသၛာဲကၜဳင္ စုႝကုႝတၛဲဏံဂွ္ ဟုိတ္ႏူကုႝကႜိဳပ္သကုိပ္ ပေရင္အာကႜိဳပ္ ပႜဲပ႙ုဟြံမြဲဏီေဟင္ရ။ ယဝ္ဒးသဿာန္မၢး ကႜိဳပ္သကုိပ္ဟုီဂွ္ ကၜဳင္ႏူလုႝေရာ? ဒးကၜဳတ္ပၚတိတ္ကၜဳင္ ႏူကုႝ ဂေကာံမှိဟ္ပ႙ုေဟင္ရ။ ပေရင္အာကႜိဳပ္ပ႙ုဂွ္ ပ႙ုေဟင္ရဒးေရင္တၜဳင္ ဟြံေသင္ဟာ? သာ္ဝြံ တင္သဿာန္ တအ္ဏံ ထပ္မံက္တိုန္ကၜဳင္ရ။
ဒုင္သၨိဳင္လၱဴတင္သ႘ကၜ႘၊ တင္သၛ႘ဂၜိပ္သဿာပေရင္ဍဳင္ကြာန္လၛႝဳပၜန္ဂွ္ ဟုိတ္ေပဲါဗၱိဳက္ပ႙ု ဂြံဂၜိင္ေသၛာဲ ဂြံလအ္အာ စုႝကုႝအခိင္ဏံဂွ္ ဟိုတ္ပေရင္ ပံင္ေကာံအာကႜိဳပ္ အၾကာေကာန္ဍဳင္အရင္၊ အၾကာေကာန္ဍဳင္ အရင္ကုႝ ဂေကာံညးမလုပ္ဒဿံင္ ေပဲါဗၱိဳက္ဒ႘မဝ္ကေရၿဇ႘တအ္ လညာတ္ ေပဲါဗၱိဳက္ဟြံတုပ္သဿဟ္၊ သၸမဓါန္ကုႝ ဝါဒ မဟာဂကူတုဲ ဂြံသ႘ကၜ႘ဂတးဂတန္ဟုီဂးကၜဳင္ လညာတ္ပေရင္ဍဳင္ကြာန္ ဟြံမြဲတုဲ ေဍံဟြံဗဒွ္ကုႝ ဒတုဲဖုႝ သြက္ေပဲါဗၱိဳက္အေခါင္အရာပ႙ု ေကုာံ ေပဲါဗၱိဳက္ဒ႘မဝ္ကေရၿဇ႘ ေပင္ေပင္ရ။ ဟိုတ္ဂွ္တုဲ ပဋိပကၡ သၸမာန္ ဍႝဳဍိဳက္ မြဲဂေကာံကုမြဲဂေကာံ၊ မြဲေဗာ္ကုမြဲေဗာ္ ဗုီကၜာေတံ ဟြံဒွ္ကၜာေလဝ္ ပဋိပကၡလညာတ္သဘဵဓဝ္ ပေရင္ဍဳင္ကြာန္ဟုီဂွ္ စုႝကုႝတၛဲဏအ္ ဒိုပ္လုပ္ဒဿံင္အၾကာကႜဟ္ သဿာပေရင္ဍဳင္ကြာန္တအ္ဖိုဟ္ဏီရ။
ညးမခါတ္အကာဲသ႘ၛဂၜိပ္ စပ္ကုႝပေရင္ဍဳင္ကြာန္ ဍဳင္ပ႙ု တအ္ဟုီဂွ္မၢး ဍဳင္ပ႙ုဝြံ ဟိုတ္ႏူကုႝပေရင္ စသုင္ မံင္စံင္ ဒဒိုက္ညးဍဳင္ကြာန္တအ္ဂမၜိဳင္ ဒး႐ုန္ဂၥာန္ဒဿံင္ကုႝ ပေရင္ဗုင္ဂှဵတုဲ တုပ္တဵညံင္ရဵ ကဿာတ္ေထာံ အေခါင္အရာနကုႝကေမၜာန္ သြက္ဂြံခ်ပ္ပေရင္တှဟ္ဟ္ရ။ ဆဂး ၐိုန္ ဒွ္သာ္ဂွ္ ကုီေလဝ္ ဟုိတ္ႏူပေရင္ တအ္ဏအ္ ဆိုအ္ဗကၜဳင္ကုႝ ညးဍဳင္ကြာန္ ဂၜိဳင္ကၜဳင္တုဲ ညးဍဳင္ကြာန္တအ္ စုႝကုႝမံင္အာ အတိုင္ ဏံဟြံဂြံတုဲ ဒးလုပ္ကၜဳင္ေပဲါဗတုိက္အေခါင္အရာညးတအ္ သြက္ဂြံေကၜာန္ကေမၜာန္ ဗၜးၐး မဍိဳက္ေပင္ကုႝ အေခါင္အရာပေရင္ပိုင္ၿပ႘ပိုန္ျဒပ္၊ အေခါင္အရာ သဿာကေမၜာန္၊ အေခါင္အရာသဿာဗၛတအ္ ပႜဲကြပ္မှိဟ္ညးဍဳင္ကြာန္ ဍဳင္ပ႙ုဏအ္ ကတႝုဒွ္ကၜဳင္မာန္ရ။
မြဲလၸာ္ပၜန္ ကေလင္ရံင္ေကတ္မၢး ပေရင္႐ုန္ဂစာန္ ေပဲါဗၱိဳက္ အေခါင္အရာ သဿာကေမၜာန္ဍဳင္ပ႙ု ဟုီဂွ္ ႏူမြဲအခိင္လက္ထက္အလုႝအသ႘ ဖဆပလေတံမၢး အသိင္အလုိန္သဿာကေမၜာန္တအ္ကုီ၊ သဿာဗၛတအ္ကုီ လုပ္ကၜဳင္ေပဲါဗၱိဳက္ အေခါင္အရာညးတအ္ဂွ္ သၠာတ္ျမဟ္ဗြဲမေလာန္ရ။ ပေရင္အံင္ဇှးညးတအ္ေလဝ္ အခိင္ေတံမၢး ၐိုတ္ေထက္ႀကိဳက္ ကလိဂြံကုီရ။ ဆဂး စုႝေသှာတ္ပေရင္ဍဳင္ကြာန္ဍဳင္ပ႙ုမြဲ ဂြံၿပံင္သၜာဲအာဂွ္ ဟြံစိုပ္ဒတုဲရ။
ဟိုတ္ႏူအခိင္ေတံ ေပဲါဗၱိဳက္သဿာကေမၜာန္သဿာဗၛတအ္ကုီ၊ ကြးဘာတအ္ကုီ ဂြံကၜဳင္အသိင္ ညးဍဳင္ ကြာန္တအ္ေလဝ္ ေၾကပ္ျဂတ္ ဝါတ္က်ာတ္ကၜဳင္ဂၜိဳင္ခႜင္တုဲ ေပဲါဗၱိဳက္ညးဍဳင္ကြာန္ဟုီဂွ္ ပႜဲ(၁၉၈၈)ေတံ ကတႝုဒွ္အလုံဍဳင္မြဲရ။ ေပဲါဗၱိဳက္ဏံဝြံ ေပဲါဗၱိဳက္ညးဍဳင္ကြာန္ ပႜဲဍဳင္ပ႙ုမၢး ေဇှာ္အိုတ္မြဲေလဝ္ ဟုီစမာန္ ေပင္ေပင္ရ။ ဟုိတ္ႏူပေရင္ကလုိက္ကဿႝဳ အလုံမြဲဍဳင္ကတႝုဒွ္တုဲ ကြးဘာတအ္ကုီ၊ သဿတ္တအ္ကုီ၊ ျဇဟတ္ညး ခ်႘ဒရာင္ဒ႘မဝ္ကေရၿဇ႘တအ္ကုီဂွ္ ဂြံကၜဳင္အသိင္တုဲ ေစွ္ပေရင္စႏၵက္ ဆဝ္မၛဳဟ္ကၜဳင္ ညးဍဳင္ကြာန္တအ္ ညံင္ဂြံလုပ္ကၜဳင္ ေပဲါဗၱိဳက္ အေခါင္ပ႙ုတအ္ မြဲဂေကာံမြဲကေရာံရ။ သှာဲဒဵအလုႝအသ႘ ပှာန္တအ္ေလဝ္ ကၜိဳဟ္ကၜဳင္အကာဲအရာ ဒဒွ္ေဇတ္တ္တုဲ ပံင္ေတာဲအာတ္မိက္ကၜဳင္ အေခါင္ အရာညးတအ္ မြဲကေရာံညးဍဳင္ကြာန္တအ္တုဲ ရံင္ေကတ္ အခိင္တၛဲဏံမၢး တုပ္သဿဟ္ကုႝအကာဲအရာ ဍဳင္အ႘ေဂ်တ္ေပင္ေပင္ရ။
ၐိုန္ဂွ္ေလဝ္ ဗုီအ႘ေဂ်တ္တအ္ ဂြံကၜဳင္ေပဲါအံင္ဇှး ပႜဲေပါဲဗိၱဳက္ အေခါင္အရာညးတအ္ ဗုီတၛဲဏအ္ဂွ္ ပ႙ု ကလိဂြံဟြံမာန္တုဲ ညးမလုပ္ ေပဲါဗၱိဳက္တအ္ ေထာံကြာန္ဒဵၿဂိဳပ္၊ လၛႝဳစိုပ္ကၜဳင္ေဒသပယ်ႝဳ ေကုာံ ဍဳင္ဇိုင္ ဝုတ္ဒုိဟ္တအ္တုဲ ေဖ်ံကၜဳင္ဗုီျပင္ေပဲါဗၱိဳက္တဿိ နဗုီျပင္ေပဲါဗၱိဳက္ ရပ္လြဟ္ ပတဝ္အာကုႝ ေပဲါဗၱိဳက္ ေသာင္ကလး ပေရင္ဍဳင္ကြာန္လၱဴ ခုင္ရ။ သၟာင္ႏူဂွ္ပၜန္ ဟိုတ္ႏူအကာဲအရာ ပေရင္ဍဳင္ ကြာန္တုဲ ညးဍဳင္ကြာန္တအ္ ဒွ္ကၜဳင္ဒဒုိက္ ဒွ္ကၜဳင္ညးဒှာဲဝဲါလုီ ေကုာံ ပေရင္ၿပံင္ဒှာဲ မြဲဒၿမိပ္ေဒသပယ်ႝဳ၊ ဍဳင္ေသံ ေကုာံ ဍဳင္ဇိုင္ဝုတ္ ဒိုဟ္အိုတ္ရ။
ဟိုတ္ႏူျဇဟတ္ဓရုိဟ္ဂၜးတိကုီ၊ ျဇဟတ္ဓရုိဟ္ညးဍဳင္ကြာန္ ႏူေပဲါကလိုက္ကဿႝဳကုီ၊ အလုႝအသ႘ပှာန္ တအ္ ရန္ကုႝေသၢာံတက္ပလုီေကၜံ ဒဒွ္ဇကုလုိန္ဗပိန္လဝ္ ညးဍဳင္ကြာန္တအ္ နကုႝလြဟ္လနက္တုဲ လေလာင္ ၾတးကၜဳင္ (၁၉၉၀)ဝြံ ေကၜာန္သၸကုႝေပဲါ႐ဲုမာဲေရာင္။ ေဗာ္မလုပ္ၿပိဳင္ ပႜဲေပဲါ႐ဲုမာဲတအ္ အေခါင္ဒက္ ပတိုန္ေဗာ္၊ အေခါင္ေစွ္ ပေရင္စႏၵက္ ေကုာံ အေခါင္သ႘ကၜ႘ဟုီဂး ဗၜးဗၜးၐးၐးႏြံတုဲ သြဟ္မတိတ္ကၜဳင္ ႏူေပဲါ႐ဲုမာဲဝြံ ေဗာ္ဒ႘မဝ္ကေရၿဇ႘ေကာန္ဂကူ (NLD) ေကုာံ ေဗာ္ဒ႘မဝ္ကေရၿဇ႘ ေကာန္ဂကူေသံ (SNLD) တအ္ ဂြံဒှာဲဂၜိဳင္တုဲ ဇှး အာမာဲ ပုိတ္ပုိတ္သၠဳတ္သၠဳတ္ရ။ ဟုိတ္ဒွ္သာ္ဂွ္တုဲ ၐိုန္ရအလုႝအသ႘ပှာန္တအ္ ဒုင္ကအ္ပါင္လေလာင္ၾတးလဝ္ သြက္ေသၢာံေသၜာဲပအပ္ကုႝအဝုႝ ကုေဗာ္ဇှးမာဲဂွ္ ထၞးေကၜံဟုိတ္ပေရင္ ဂုီကၜီဳဍဳင္တုဲ ထပ္သီအဝုႝ ရပ္ေဖ်ံထံင္ ကုအမာတ္ညးဇှးမာဲတအ္ မဟြံမြဲကုႝဗဗြဲဓဝ္ေပင္ေပင္ရ။ ဣဏံဂွ္ ဒွ္ျပယာဲအလုႝအသ႘ပှာန္တအ္ ဗေဂတ္ေဝင္ဒဿံင္ ျပယာဲပေရင္ဍဳင္ကြာန္ လၱဴေဗာ္ဒ႘မဝ္ကေရၿဇ႘ ေကုာံ ေဗာ္ေကာန္ဍဳင္အရင္တအ္ရ။
ႏူကုႝအလႝုအသ႘ပှာန္တအ္ ထပ္သီေကၜံအဝုႝတုဲ ေဖ်ံကၜဳင္ဗုီျပင္ ပၚပရးကၜဳင္ ျဇဟတ္ဒ႘မဝ္ကေရၿဇ႘ ေကုာံ ေဗာ္ေကာန္ဍဳင္အရင္ ပႜဲဍဳင္မၛးဍဳင္တုဲ ထပ္ေဝင္ကၜဳင္ျပယာဲပှာန္ (ဝါ) ပေရင္ဍဳင္ကြာန္ရ။ ႏူဂွ္မြဲကဆံင္ အလုႝအသ႘ပှာန္တအ္ ထၞးဟုိတ္ကုႝ ပေရင္ညိင္ဝတ္ ပႜဲဍဳင္ေသၢာံႏြံတုဲ ကုႝကၜဳင္ဂၜံင္ ကုေဗာ္ေကာန္ဍဳင္ အရင္ မရပ္လြဟ္တအ္ ညံင္ေသၢာံေကတ္ပေရင္ေဒံါပန္ေပွာ္၊ ပေရင္ၐိုဟ္လလမ္ဍဳင္တုဲ ေဗာ္ ေကာန္ဍဳင္ အရင္တအ္ဂမၜိဳင္ ေကတ္ကၜဳင္တင္တုပ္စိုတ္ ပတဝ္အာကုႝ ဂၜံင္တရဵ ေသာင္ကလးျပသှာ ပေရင္ဍဳင္ ကြာန္လၱဴခုင္ရ။
အခိင္ကာလေကတ္ဒဿံင္ ပေရင္ဒိုဟ္ပန္ေပွာ္ဝြံ အလုႝအသ႘ ပှာန္တအ္ ရန္ကုႝေသၢာံေဖ်ံပရးေကၜံ ဒပ္ပှာန္ဇကု ပႜဲေဒသေကာန္ဍဳင္အရင္တအ္တုဲ ပံက္ကၜဳင္ကုႝကၜဳင္အေခါင္အရာ ေကၜာန္ပေရင္ ပိုန္ျဒပ္၊ ပရဝ္ဂ်က္ေဍာတ္တ္ေဇှာ္ေဇှာ္တုဲ သီကၜဳင္တိညးဍဳင္ကြာန္၊ သၸမာန္ဍႝဳဍိဳက္ကၜဳင္ကုႝ ညးဍဳင္ ကြာန္တအ္ သဿးဟြံက ေဗာ္ျဇဟတ္ေအာန္တအ္ဂွ္ နကုႝပေရင္ပှာန္ ပေရင္ဍဳင္ကြာန္ ေကတ္ေစဝ္ လၱဴတုဲ ဖန္ဖက္ ကၜဳင္ လၱဴေဗာ္မေကတ္လဝ္ေဒံါပန္ေပွာ္တအ္တုဲ အိုတ္ေကှာတ္ ေဗာ္ပလံင္ (PSLA) ပႜဲသှာံ (၂၀၀၅)ဂွ္ ဒးဒုင္ေဖ်ံေကၜံလြဟ္ ကုအလုႝအသ႘ပှာန္ရ။ တုပ္ဗုီဂွ္ကုီ ဗုီေဗာ္ကုိဝ္ကတအ္ေလဝ္ အလုႝ အသ႘ပှာန္တအ္ ထၞးဟုိတ္ ကုႝဂဥဳဲၐူမာဲတုဲ ႐ုပ္သီကၜဳင္ေဗာ္ညးတအ္ နကုႝျဇဟတ္ပှာန္ ျဇဟတ္ လြဟ္လနက္ရ။
အေခါင္အရာညးဍဳင္ကြာန္ (ဝါ) အေခါင္အရာေကာန္ဍဳင္အရင္တအ္ ၐိုန္ရအာတ္မိက္သ႘ကၜ႘ကၜဳင္လၱဴခုင္ မြဲကာလ ေဒံါပန္ေပွာ္ကုီေလဝ္ ေဗာ္လၛႝဳတအ္ဒုင္အဖ႘ အလုႝအသ႘ပှာန္ ဟြံမာန္တုဲ ဒးဒုင္eဍာက္ပလွ္ ဒးဒုင္ဝးပကဝ္ကၜဳင္ အေခါင္အရာဇကု ေကုာံ အေခါင္ အရာညးဍဳင္ကြာန္ဇကုတအ္ရ။ ဣဏအ္ဝြံ ဒဒွ္ဒးေကတ္ခန္လၛတ္ အခိင္ကာလ ပေရင္ေဒံါပန္ေပွာ္ေတံေပင္ေပင္ရ။
ဟုိတ္ႏူအလုႝအသ႘ပှာန္တအ္ ဖံက္ပကဝ္ကၜဳင္ အေခါင္အရာ ညးဍဳင္ကြာန္တအ္ကုီ၊ သၜဳင္ပတုိန္ငၛဳဟ္ ကေပါတ္ဖ်ာ၊ သၜဳင္ပတုိန္ငၛဳဟ္ ေကၜင္တအ္တုဲ ဇုီကပုိက္ကၜဳင္ကုႝ အေခါင္အရာညးဍဳင္ကြာန္တအ္ တုိက္ရုိက္တုဲ စုႝကုႝညးဍဳင္ကြာန္တအ္ ဒုင္အဖ႘ဟြံမာန္ ဒွ္ကၜဳင္ရ။ ပႜဲအခိင္ဂွ္ပၜန္ ကႜိဳပ္သကုိပ္ကြးဘာ(၈၈) ေမန္ကုိဝ္ႏုိင္တအ္ ေကတ္ကၜဳင္ ဒှာဲတုဲ လုပ္ကၜဳင္ေပဲါဗၱိဳက္ ဆဝ္မၛဳဟ္ကၜဳင္ညးဍဳင္ကြာန္တအ္ တိတ္ သၜာတ္ အာတ္မိက္ကၜဳင္ စပ္ကုႝအေခါင္အရာညးတအ္ ဂၜိဳင္ဂၜိဳင္ကုႝဝါတုဲ ေပဲါဗၱိဳက္ဝြံ ဓရုိဟ္ပတဝ္ အာကုႝ ေပဲါကလုိက္ကဿႝဳ ပႜဲသှာံ(၂၀၀၇)ဂွ္ရ။ ဆဂး အလုႝအသ႘တအ္ ပၚကေရက္ကၜဳင္ ညးထၞးဆႏၵတအ္ နကုႝ လြဟ္လနက္ တုပ္တုပ္ကုႝအခိင္(၈၈) ေလာန္ကၜဳင္ေတံဂွ္ရ ပေရင္ အံင္ဇှးဟုီဂွ္ ဟြံကလိဂြံရ။ ေပဲါဗၱိဳက္ဝြံ ႏူအခိင္ေလာန္ကၜဳင္ (၈၈) ေတံကုႝ (၂၀၀၇)ဏံ ဂြံကတႝုဒွ္ကၜဳင္ မြဲဝါပၜန္ဂွ္ သဿဝ္ေသှာတ္တၜ အဝုႝပှာန္ဏံ ဝါတ္ဂါတ္ေလာန္ေကြံရ။ ျဇဟတ္အခိင္ကုီ၊ ျဇဟတ္ၾသန္၊ ျဇဟတ္ကာယ အရာအိုႆုီဂွ္ ညးမခ်႘ဒရာင္ ဒ႘မဝ္ကေရၿဇ႘တအ္ ဒးေရင္တၜဳင္ ထၞလၻာ္ကၜဳင္ လၱဴပေရင္ဏံရ။
လဿဳဟ္ပၜန္ အလုႝအသ႘ပှာန္တအ္ ဒုင္သၨိဳင္လၱဴဂၜံင္တရဵ ပေရင္ဍဳင္ကြာန္ေဍံ (၇) တင္ဝြံတုဲ မြဲကဆံင္ တုဲမြဲကဆံင္ ဂံါကြာ္ကၜဳင္ဂွ္ စုိပ္ကၜဳင္ကဆံင္(၆) ဒက္ပတုိန္ပါလ႘မာန္ မဒွ္ရ။ လၱဴပါလ႘မာန္ မဒက္ ပတုိန္ဒဿံင္တၛဲဏံဂွ္ ဟုိတ္ႏူညးစှးအလုႝအသ႘ပှာန္တအ္ ဂြံလဝ္ၾသဇာဂၜိဳင္တုဲ ပေရင္ၿပံင္သၜာဲ ပေရင္ ဍဳင္ကြာန္ ပတဝ္အာကုႝ ဂၜံင္တရဵဒ႘မဝ္ ကေရၿဇ႘ဂွ္ ၐိုန္ရအလုႝအသ႘ပှာန္တအ္ ႀကီဳကုႝပါင္ဟုီဂးဒဿံင္ ကၜာေလဝ္ ညးစှးအလုႝအသ႘ဖအိုတ္တအ္ဂွ္ ကၜဳင္ႏူကုႝဒပ္ပှာန္ ေကုာံ က်ေဖာအ္တအ္ဖအုိတ္ရ။ မှိဟ္စဏံဂွ္ ဒွ္မှိဟ္ေျဇာတ္စလဝ္ ဆီေကၜင္ကႜဟ္ ညးဍဳင္ကြာန္တအ္ ႏူမြဲအခိင္ေတံ တုဲတုဲဒဿံင္ရ။ ပြမေသၜာတ္သၜာဲေကၜံကယ်ဳိင္ဂွ္ ဒွ္အရာၿပံင္သၜာဲေထာံ ေဒၢတ္စ႐ုိတ္ဟြံေသင္တုဲ တုပ္ညံင္ ဒမၜဳဒဿံင္မတ္ညးဍဳင္ကြာန္ ပႜဲလၱဴစင္ပေရင္ဍဳင္ကြာန္ရ။
မြဲသာ္ပၜန္ ၐိုန္ရညးစှးပါလ႘မာန္ေကာန္ဂကူ (ဝါ) ဒ႘မဝ္ကေရၿဇ႘တအ္ ရန္လဝ္သြက္ေသၢာံလုပ္အာ ေပဲါဗၱိဳက္ပႜဲပါလ႘မာန္၊ လြ႘ၐံင္စိုတ္ဓါတ္ ဗြဲမဂံင္သၠာကုီေလဝ္ အေခါင္ဂြံဒွ္ဂွ္ ေအာန္ေလာန္တုဲ တင္ပတုိန္ ထၞး ပႜဲပါလ႘မာန္အိုႆုီဂွ္ တန္တဵဒဿံင္ကုႝ တင္တုပ္စိုတ္ညးဂမၜိဳင္ ပေရင္ ပၚမာဲႏူညးဂမၜိဳင္ေဟင္ သဒး သၸစဿတ္သမၱီ ဒွ္တင္သၢဳတ္သြာတ္ တင္တုပ္စိုတ္ႏူညးစှးပါလ႘မာန္တအ္ရ။
ဟုိတ္ဂွ္တုဲ ေသၢာံလုပ္အာေပဲါဗၱိဳက္ ပႜဲပါလ႘မာန္ဂွ္ အေခါင္အရာ ေဍံေအာန္ေလာန္ ဟုီစမာန္ရ။ဆဂး ဗုီလုႝဒွ္ဒွ္၊ အကာဲအရာလုႝစိုပ္ပ္ ေပဲါဗၱိဳက္ပ႙ု၊ အေခါင္အရာပ႙ု ဂြံစိုပ္ကၜဳင္ေသၠံတဲပ႙ုဂွ္ ဥတုရာသ႘ၐိုန္ၿပံင္သၜာဲ မုဟ္က်ာၐက္ကသုီ၊ ကသုီစုိပ္ေဟမာန္ကုီေလဝ္ ဂၜံင္တရဵပ႙ုလးလဝ္ သြက္ေပဲါဗၱိဳက္ ဒ႘မဝ္ကေရၿဇ႘၊ အေခါင္အရာညးဍဳင္ကြာန္ပ႙ု၊ အေခါင္အရာေကာန္ဂကူပ႙ုဂွ္ ပ႙ုေဟင္တာလ်ဳိင္ႏြံတုဲ ပေရင္ပံင္ေကာံ အာကႜိဳပ္ေဇတ္တ္မြဲ ဗြဲမဍိဳက္ေပင္ကုႝ နကဲဗ်ဴဟာေပဲါဗၱိဳက္ ဗုီညးဍဳင္ကြာန္အ႘ေဂ်တ္တအ္ ကလိဂြံ ေပဲါအံင္ဇှးတၛဲဏံဂွ္ ပ႙ုေကာန္ဍဳင္အရင္၊ ေဗာ္ပေရင္ဍဳင္ကြာန္၊ ေဗာ္ဒ႘မဝ္ကေရၿဇ႘ ေကုာံ ျဇဟတ္သဿတ္၊ ျဇဟတ္ညးဍဳင္ကြာန္ တအ္ တံင္တဲဗန္ကအ္တုဲ အာတ္မိက္အာ အေခါင္အရာပ႙ုစုိအ္။ အေခါင္အရာပ႙ုဂွ္ ပ႙ုေဟင္ဒးပုိင္၊ ဒးႏြံပႜဲတဲပ႙ု၊ ပ႙ုေဟင္တာလ်ဳိင္ႏြံ သြက္ေသၢာံေဇှာ္ပဿဝ္အာ မဒွ္ရ။
ေကှဟ္ - ေစာနာဲ (ဂေကာံသဿတ္မန္လညာတ္တဿိ)
ဂ်ာေနဝ္ေခတ္ပ႙ု (ေလဿင္-၆၁)
September 2011
0 တၜ ဟီုဂလာန္ပၚပဲါလဝ္ ဒှာဲဏအ္ရ:
Post a Comment