စိုပ္ရးဍဳင္သၟာင္ ပၜထာင္မာန္ဟာ

သဿတ္မန္မေလပ္ပညာဍဳင္ပလိုတ္တံ ဇကုဇကုညးတံ ကုႝအခိင္ဂြံေကၜာန္ ပေရင္ဍဳင္ကြာန္မန္မာန္ဟုီဂွ္ ဒွ္အရာေလာဲသြာမြဲ ဟြံေသင္၊ ဂြံေဖ်ံစိုတ္ေကၜာန္ပေရင္ဍဳင္ကြာန္မန္ ျဇဳိဟ္ဟ္နက္က္ဂွ္ ဒွ္အရာဝါတ္ဂါတ္မြဲရ။ ပႜဲေသှာတ္ဒ႘မဝ္ကေရျဇ႘ဂးတုဲ အေခါင္သၜးပြးႏံြ၊ ဟြံေဗၜတ္ကုႝေသှာဝ္မၢး အတိုင္ဂှပ္စိုတ္ ေကၜာန္ပြမြဲမြဲမာန္ ကုႝဒွ္ကၜာရ အကာဲအရာဍဳင္တံဂွ္ အလုႝအလုႝေဍံ ဒက္ေျဂန္လဝ္ညးတံဂွ္တုဲ ဖန္ ဝါတ္မံင္ဂွ္ ဂြံလၛတ္ေကတ္ရ။ မန္စုိပ္ဍဳင္ပလိုတ္တံ ဂြံေကတ္တာလ်ဳိင္ သြာင္ပေရင္ဍဳင္ကြာန္ေဇှာ္ေဇှာ္ ခ်႘ဒရာင္ပႜဲဗြဳိင္ဂၜးတိ လွဲလွဲလးလးဂွ္ ဒွ္အရာေလာဲသြာမြဲဟြံေသင္၊ ညံင္ဂြံအာကႜဳိပ္ပေရင္ဍဳင္ကြာန္မန္ ညံင္ဂြံဒွ္ဇုတ္ဓရံင္၊ ဇုတ္ေဇှာ္ပေရင္ဍဳင္ ကြာန္မန္ဂွ္ ျပဳေျပင္ဖန္ဇန္ေလာဲဟြံေသင္ ၊ လဿိဟ္ေကာန္ဂကူမန္ မစိုပ္ဍဳင္ပလိုတ္တံဂွ္ ဟြံဂၜဳိင္ဂွ္တုဲ ပၚမိှဟ္တုဲဂြံခ်႘ဒရာင္ဂွ္ေလဝ္ ဒွ္အရာဝါတ္ဂါတ္မြဲရ။ မြဲလပၚပၜန္ဂွ္ ေဗာ္ပေရင္ဍဳင္ကြာန္မန္ အပႜဲဍဳင္မန္တံ ဗှတ္ဆဂလိုင္လုႝ ဓဝ္ပေတွ္ပဲႜညးတံ ႏံြမာန္ဂွ္ေရာ။ ရဲစိုပ္ဍဳင္ပလိုတ္တံဂွ္ ညးလၛဳႝတံ ဒဵကၜဳင္ႏူဘဲပေရင္ဍဳင္ကြာန္ ပေရင္ပၜန္ဂတးေလဝ္ ႏံြဗြဲမဂၜဳိင္ရ။
ေကာန္ဂကူမန္ မပဒတဵ ပႜဲဍဳင္ေဇှာ္ေမာဝ္ေတာတက္တုဲတုဲ (ဍဳင္ပလိုတ္)တံဂွ္ အတိုင္ညးဂမၜဳိင္ မတီလဝ္တုဲတုဲဂွ္ရ ယႈက္ထုဲကုႝကေမၜာန္ ပေရင္စသုင္မံင္စံင္မြဲလပၚ ပေရင္ပညာ(ဘာ)မြဲလပၚဂွ္တုဲ ဂြံေကၜာန္ၐိုတ္ေရင္တၜဳင္ ကေမၜာန္ဇကုသိဿက္မဂြံေကၜာန္တံဂွ္ ဒးေကတ္အခိင္ ဒးပၜံင္အခိင္ေလာန္ရ။ ေကာန္ဂကူမန္ မှဳံဝါသနာစိုတ္ ပႜဲပေရင္ ဂကူ၊ ပေရင္ဍဳင္ကြာန္ မစိုပ္ဍဳင္ပလိုတ္တံဂွ္ ရန္တဿံဝါသနာညးတံဂွ္ ဒးဒုင္ငၛိတ္လဝ္ ဒးဒုင္ဒက္ေျဂန္လဝ္ နကုႝအခိုက္ကှာ အေလံျပေဝ ဏ႘ဍဳင္တံဂွ္တုဲ မတုပ္သဿဟ္ကုႝသိဿင္ဂိတုရာဟု မရပ္ေကတ္လဝ္ကုီရ။ ကႜဳိပ္သကုိပ္ေကာန္ဂကူမန္ မေကင္ခ်႘ဒရာင္လဝ္ ပႜဲဍဳင္မန္၊ ဍဳင္ေသံတုဲ ယဿဳျပာကတ္ ဗှတ္ဆဒးရးတံဂွ္ စိုပ္ဍဳင္ပလိုတ္တုဲ မူဟိုတ္ညးတံ မတုပ္ သဿဟ္ကုႝသဿိင္ဂိတု မဒးဒုင္ရပ္ကုႝရာဟုေရာဟုီမၢး ဒဿာႏူဒးဒုင္တာဒှာ ေဆဝ္ဒဝ္လဝ္ နကုႝအေလံအခိုက္ကှာဍဳင္တံဂွ္ေရာင္။ ဂလာန္ေဝါဟာရ ပႜဲဘာသာေအန္ဂလိက္ Microwave Culture (အခိုက္ကှာျပေဝဏ႘ မာ္ကေရာဝိပ္) မကလိဂြံအဓိပဲါ ပႜဲဗတ္မန္ဂွ္ အခိင္ေအာန္ေလာန္ ဂြံဍဳန္တိုပ္သြက္ေကာန္ဇာတ္ ပႜဲေဗာ္သြးသၛိကဿိန္ဇကုဂွ္ဟဿဲတုဲ ရာန္နင္ ကေပါတ္စှစႏူဖ်ာတုဲ စုတ္စြံဂိုင္ေဒပ္လဝ္ ပႜဲကဠာဗဂံက္တုဲ ကာလ ၾကပ္စ ကေလင္စုတ္ ပႜဲကဠာဗဂုီစှစ (Microwave) ရ။ ယဝ္ရမိမ ၐါ ေကၜာန္ကေမၜာန္မၢး အခိင္ဂြံဆုႝရံင္စံင္ေကာန္ငၛာ္ ဂြံဍဳန္တိုပ္ပႜဲသၛိဟဿဲဂွ္ တုဲ ဒးေဒၢတ္ဗက္အခိုက္ ရာန္စှစတုဲ ဗဂုီ၊ ဟြံေသင္ကုႝဍဳန္တိုပ္ ပႜဲသၛိဇဿာပ္ တၛဲရ။
စိုပ္အာဍဳင္ပလိုတ္ ဒှာဲမဍဳိက္ေပင္ကုႝ႐ုပ္ဝတၳဳ႐ုပ္ဂွ္ ဟိုတ္ႏူဘာသာတုဲ ဒးကေလင္ကတ္လိက္ ဘာသာဍဳင္ ညးတံပၜန္ကုီ၊ ဒးေကၜာန္ကေမၜာန္ ဗြဲမဂၜဳိင္ကေမၜာန္ကာယ မၿဇဳိင္ေဍာင္ၐိုတ္အိုတ္ဇိုင္တဲကုီ၊ ဒးကေလင္ ဒက္ပတန္ ေဗာ္သြးသၛိကဿိန္ဇကုတိဿကုီ၊ ဒးဖအိုတ္အခိင္သြက္ပေရင္ပညာ ေကာန္ဇာတ္ဇကုဂမၜဳိင္ကုီ၊ လဿိဟ္ေကာန္ဂကူဇကုေအာန္တုဲ ခ်႘ဒရာင္ပေရင္ဂေကာံ၊ ပေရင္ဂကူမြဲမြဲသာ္ဂွ္ ဝါတ္ကုီ သာ္ဝြံဒးဆုႝဂဗတုဲ ဂြံေကၜာန္ပေရင္ဍဳင္ကြာန္ ေကာန္ဂကူမန္ သြက္ဂြံဗၜးၐးဂွ္ လၸဟုီဏီ ဂြံထိင္ဒက္မင္မြဲအာ ညံင္ဂေကာံမှိဟ္ညးတံ ဂြံတန္တဵခိုင္ဗိုန္အာဂွ္ ဒး႐ုန္ဂစာန္ဒဿံင္ တဿာကေလွ္ရ။ ညံင္ဂေကာံဂြံခုိင္ကၜဳိက္ ဗိုန္ဗတ္ဂွ္ ဒွ္အဓိကပေရင္ပတိတ္ ျဇဟတ္ညးတံဂွ္တုဲ ဂေကာံခိုင္ကၜဳိက္ တုဲေရာင္ ေကာန္ဇာတ္ညးတံ ေလပ္လိက္မန္၊ ေလပ္အေရဝ္မန္ဂွ္တုဲ ပေရင္ဍဳင္ကြာန္ေကာန္ဂကူဂွ္ ဗြဲပကၠတိ႐ုပ္ ဟေပၜာပ္ပႜဲကႜဟ္ညးတအ္ ဟြံဂတာပ္ရ။
ေဗာ္သြးေကာန္ဂကူမန္ မစိုပ္ဍဳင္ေဇှာ္ေမာဝ္ေတာတက္တံဂွ္ ဂြံေကာံကေလာံ ဆုႝဂဗညးသကအ္ မြဲမြဲအလန္ဟုီဂွ္ ဝါတ္ဂါတ္ေလာန္သန္၊ ဂြံဗေတာန္လိက္မန္၊ အေရဝ္မန္ ကုႝေကာန္ငၛာ္တံဂွ္ေလဝ္ ဝါတ္ဂါတ္ေလာန္သန္၊ ဇကုဇကုေကာန္ငၛာ္တံဂွ္ ဟြံေထင္ေဇှာ္ ပႜဲမိမေဍံတံ ဒဿာႏူအခက္အခုဲ ပေရင္အေရဝ္ လိက္ပတ္ဘာသာရ။ မိမတံဂွ္ ဟုီအေရဝ္ဍဳင္တံဂွ္ဟြံေလပ္၊ ဗွ္လိက္ဘာသာဍဳင္တံဂွ္ ဟြံေလပ္ဂွ္တုဲ ေကာန္ငၛာ္တံဂွ္ ညာတ္ကၜဳင္ပေရံ ပႜဲမိမေဍံတံရ။ ဂြံစန္ဒက္ေကာန္ငၛာ္တံဂွ္ ဂြံေ႐ွ္ေသွ္ဘာသာဇကုကုီ၊ ဂြံဒုင္တဲအခိုက္ကှာဇကုကုီ၊ ဂြံဗေတာန္ကြတ္ ဘာသာဇကု(ေဍံတံစိုတ္ဟြံလုပ္စ)ကုီဂွ္ ဗြဲပကၠတိ႐ုပ္ ဗြဲစဿတ္ေဍံဟြံဒွ္ကၜဳင္ရ။ ေဍံတံေကုာံရင္သၠံ ဟုီအေရဝ္ဘာသာဍဳင္တံဂွ္တုဲ ကာလဒးဆက္ေဆာံကုႝ ဇကု (မိမ)ေဟင္ ဟုီအေရဝ္မန္ (တတတံင္င္)အိုတ္ ရ။ အေရဝ္မန္ဂွ္ ၐိုတ္စပုင္သုင္ဍာ္ရ ဟုီဒးတုဲ ၿဇဳိဟ္ဟ္နက္က္ ဟုီဟြံဒးရ။ အကာဲအရာဝြံ ေဍံစ႘ပ်းမံင္ မိမၐါမတ္ပၜဳိတ္ ပကာဂစိုတ္တုဲမၢး ေဍံတံ ဂြံလုပ္ပႜဲဗြဳိင္ေကာန္ဂကူဇကုပၜန္ ဒွ္ဟြံ မာန္ရ။ ဒးဒုင္ငၛိတ္ကုႝေယန္သှာင္ ဂကူေဇှာ္ ေဇှာ္တံဂွ္ တုပ္သဿဟ္ကုႝဒးဒုင္ထပက္ဂစိုတ္ နကုႝ ဂဥဳဲဂမ္စိုတ္ မဟြံေသင္ကုႝ ဒက္ကြက္ဂစိုတ္ကံ နဇုက္ဂွ္တုဲ ၐိုန္ရဒးဒုင္ခ်ဳိတ္ ေအာန္ကုႝပ႐ိုက္ ေဝဒနာ(ဒုင္ဂိေလာဲသြာ) ကုီေလဝ္ ဆဂး ဒးဒုင္ဂစိုတ္ဂွ္ တုပ္သဿဟ္ဒဿံင္ေဟင္ရ။
ေကာန္ဂကူမန္ မစိုပ္ရးဍဳင္အေမရိကာန္တံ ၐိုန္ရလဿိဟ္မှိဟ္သုီဖအိုတ္ ဗဒဲါလၛီတုဲ ေကာန္ငၛာ္ႏံြဗြဲမဂၜဳိင္ကုီေလဝ္ ဇဿာပ္ပ္သှာံ ေဗၱာန္လိက္မန္ဟြံမာန္၊ ပႜဲရးေအန္ဒ႘ယ်ာနာဂွ္ ဟိုတ္ႏူခက္ခုဲကုႝ ဘာလက်ာ္ဒတန္ ဒှာဲဗ ေတာန္လိက္မန္ဂွ္တုဲ သှာံဏံဗေတာန္ဟြံမာန္ ဒးေဒံါလဝ္၊ တုပ္သာ္ဂွ္ကုီ ပႜဲရးအိုဝ္ဟာဲ အိုဝ္ဂွ္ေလဝ္ ဟိုတ္ႏူခက္ခုဲ ကုႝဘာလက်ာ္ (ေဗၱာန္ပႜဲဘာဟြံဂြံ)ဂွ္တုဲ ေဗၱာန္ဟြံမာန္၊ ေဗၱာန္မာန္ပၜန္ဂွ္ေလဝ္ ဗှတ္ေအာန္ေလာန္၊ ပႜဲရးတှဟ္ (နတ္ကေရာလာင္နာ) North Carolina တံဂွ္ေလဝ္ ဒဿာႏူဌာန္ဒတန္ဂြံ ေဗၱာန္လိက္မန္ဟြံမြဲဂွ္တုဲ ေကာန္ငၛာ္တံ ဟံြဂြံကတ္လၛတ္လိက္မန္ပၜန္ရ။ ဟိုတ္ႏူဂေကာံဟြံခိုင္ ဂြံေကာံဓ႐ုီညးသၠံလဿဳိန္လဿဳိန္ ဒွ္ဟြံမာန္ ေကာန္ငၛာ္တံဂွ္ ဟြံဂြံဗေတာန္လဝ္လိက္မန္ ႏူေဍာတ္တ္ေတံဂွ္တုဲ ေကာန္ငၛာ္တံဂွ္ ဂြံေလပ္လိက္မန္တုဲ ဂြံေသှံသှဵလိက္ပတ္မန္ဂွ္ေလဝ္ ဒွ္ဟြံမာန္၊ ဂြံေကၜာန္ပေရင္ဍဳင္ကြာန္ေကာန္ ဂကူဂွ္ေလဝ္ ဒွ္ဟြံမာန္၊ ဂြံဟုီအေရဝ္မန္ ခံင္င္ဂွ္ေလဝ္ ဒွ္ဟြံမာန္၊ ေကာန္ငၛာ္တံဂွ္ ဍာ္ဇမၜိင္အဓါန္ဂတေတံဂွ္ သဂြံေသၛာဲတိတ္အာႏူဗြဳိင္ ေကာန္ဂကူမန္ရ။ ေဍံဒွ္မာန္မြဲသာ္ဂွ္တုန္ ေကာန္ငၛာ္တံဂွ္ စိုပ္မြဲတၛဲ ေဍံတံခ်ဴဝင္ ပ႐ူ ပရာေကာန္ဂကူမန္ နဘာသာေအဂၤလိက္ကုီ ဘာသာဍဳင္ေဍံတံတန္တဵ ညံင္ညးဂၜးတိတံ ဂြံ တီေကတ္ ပ႐ူပရာေကာန္ဂကူမန္ရ။
ဍဳင္ေဇှာ္ေမာဝ္ေတာတက္တံဂွ္ ေကာန္ဍဳင္ညးတံ ကာလတိုန္ဘာဂွ္ ညးတံေကတ္လဝ္သြာင္ကေမၜာန္ ညးတံကတ္ လၛတ္ဂွ္တုဲ ကာလဘာတုဲမၢး ကေမၜာန္ဆက္စပ္ကုႝ ဘာသာကတ္လၛတ္ညးတံဂွ္ ညးတံလုပ္ ေကၜာန္အိုတ္ဂွ္တုဲ ဣဝြံဂွ္ ေကာ္ခဵစကေမၜာန္ ဂယိုင္လမ်ဳီညးတံ Professional job ရ။ ေကာန္ဂကူမန္ အာယုက္ေဇှာ္ အာေဖ်ံသဇိုင္ ပႜဲဍဳင္တံဂွ္ ေဝင္ႏူကေမၜာန္႐ုင္စက္ အဆံင္ သဝ္သဝ္တုဲ လုပ္ေကၜာန္ဂြံဟြံမာန္၊ ဒဿာႏူဇကု ဟြံေကင္ကတ္လၛတ္လဝ္ဘာသာ (ဘာသာစပ္ ကုႝကေမၜာန္)တံဂွ္ကုီ ဟြံေလပ္လိက္ပတ္အေရဝ္ ဘာသာညးတံကုီရ။ ယဝ္ရဆက္တိုန္ဘာတုဲ လုပ္အာလာင္မြဲမြဲမၢး ေကၜာန္ဂြံေကၜာန္မာန္ ကုီရ၊ ဆဂးဒးေကတ္ အခိင္၊ ယဝ္မှးအာယုက္ေဇှာ္တုဲ သဇိုင္ဘာသာဟြံခိုင္မၢး ဂြံဆက္ကတ္လၛတ္ပၜန္ဂွ္ ဂပ္ဂဝ္ဒးျဇဳိင္စိုတ္ရ။ ေကာန္ဇာတ္ဂၜဳိင္တုဲ ကေမၜာန္ဟြံေျပျပံင္မၢးေလဝ္ အကာဲအရာ ဂြံဆက္ကတ္လၛတ္ဂွ္ ေသၛာဲအာရ။ အကာဲအရာ ကတုႝဒွ္မံင္ဂွ္ဝြံ ဂြံဆုႝေကတ္မံင္ ဘဝေကာန္ဂကူမန္ ပႜဲကဿိန္ဍဳင္အေမရိကာန္တံ ဗြဲမဂၜဳိင္ဂွ္တုဲ ညးတံဒးဒုင္ဟုီ ပေတာံပတုပ္ကုႝ ရဲမန္ပႜဲဍဳင္မဟာဇ်ာဲ ပႜဲဍဳင္ေသံရ။ မန္စိုပ္ အေမရိကာန္တံ ကာလအာပတိုန္စာရင္ ကေမၜာန္မၢး ဗေပင္ဝွမ္တှးလိက္ကေမၜာန္ ဟြံ ေလပ္ေရာင္ဂွ္ ဒးဒုင္ဟုီပေတာံပတုပ္ ႏံြပၜန္ရ။ မှိဟ္ပလး မှိဟ္မြဲဂၜး ဝုတ္ဗၜာဲတံဂွ္ အေခါင္အရာကတ္ပညာ ႏံြဂၜဳိင္ႏူကုႝ ရဲႏံြကုႝေကာန္ဇာတ္ သမၻာတၜသၛိတံဏီရ။ ေကာန္ဂကူကေရင္မစိုပ္ ရးအေမရိကာန္တံဂွ္ လဿိဟ္မိှဟ္ဂၜဳိင္ ဗဒဲါကုႝကိုတ္ဂွ္တုဲ တှဟ္နဂြံထိင္ဒက္မင္မြဲ ေကာန္ဂကူညးတံ ညံင္ဟြံဂြံေကၜံကၜက္၊ ညံင္ဟြံဂြံဝိုတ္စ လက္သန္ေကာန္ဂကူညးတံဂွ္ ၐိုန္ရေလာဲသြာ ညိဒွ္မာန္ကၜာရ သြက္ေကာန္ဂကူလဿိဟ္ေအာန္ ပမာညံင္ရဵဂကူပ႙ုဂွ္ ေလာဲသြာေရာင္ဟုီ ဟြံမာန္ရ။ ဟိုတ္ႏူလဿိဟ္မှိဟ္ ေကာန္ဂကူ ညးတံဂၜဳိင္ဂွ္တုဲ ထိင္ဒက္မင္မြဲေလာဲသြာညိ၊ ဥပမာ ဝုတ္ဗၜာဲတံ ေစွ္ဒှာဲဝဲါကုႝ ဂကူညးတံေလာဲရ။ သြက္ဂကူပု႙ဂွ္ အကာဲအရာသာ္ဂွ္ ကလိဂြံေအာန္၊ ဟိုတ္ဂွ္တုဲ မန္ႏံြပႜဲဍဳင္ေသံ ေကုာံ ဇိုင္ပယ်ဳႝတံဟုီတဵ မှိဟ္ၾတံဳစဵႏူအေမရိကာန္မၢး တီကၜးမြဲဂွ္ စဵေကတ္ျဗဵ၊ ယဝ္ဒွ္သဿတ္ ျဗဵမၢး ဂြံစဵေကတ္ၾတံဳဂွ္ ဒွ္ဟြံေလာဲ ညးတံဒုင္ဟုီ သာ္ဂွ္ေလဝ္ ဟြံမာန္ကုီရ။ သြက္ညးတံဂြံ ဂၜာဲပြံင္ ဘဝညးတံဂွ္ အေခါင္အရာ႐ုဲစွ္မိှဟ္ၾတံဳ ဂကူညးတံ ေအာန္မံင္ရ။
ဂကူကေရင္တံဂွ္ ဟိုတ္ႏူလဿိဟ္ညး တံဂၜဳိင္ဂွ္တုဲ ကႜဳိပ္သကိုပ္ေကာန္ဂကူညးတံေလဝ္ ကတုႝဒွ္ကၜဳင္ေလာဲသြာ၊ ပႜဲမန္ပု႙ဂွ္ ကႜဳိပ္သကိုပ္သာ္ဂွ္ ဒွ္ကၜဳင္ဟြံေလာဲ ဗုီညးကုႝညး ကုႝကႜဳိပ္ညးသကံဟြံမြဲ၊ ဂြံထိင္ဒက္မင္မြဲဂေကာံ ဂကူဇကုဂွ္ သာတုဲဝါတ္အာရ။ ဟိုတ္ႏူကႜဳိပ္ သကိုပ္ေကာန္ဂကူမန္တံဟဿဲဂွ္တုဲ ဂေကာံမန္ ပႜဲရးကဿိန္ဍဳင္ အေမရိကာန္တံ မြဲရးကုႝမြဲရး ဗဂပ္ဖ်ပ္ညးသကံ ဟြံဂြံေကြံေကြံရ။ ပေရင္ည႘သဿဟ္ လုီလာ္ဒဿံင္ ဒုႝကုႝပည႘ပညပ္ ညးသၠံဟြံဂြံရ။ အကာဲအရာသာ္ဝြံ ပႜဲအဝ္သေၾတလ်ာေလဝ္ ဂြံလၛတ္ေကတ္ကုီရ။ သြက္ဂြံေကၜာန္ဗဿံက္႐ုပ္ရဵ ကေမၜာန္ေဇှာ္ေဇှာ္ကုီ ဒွ္အာအခက္အခုဲရ။ ေကာန္ဂကူကေရင္တံဂွ္ ဟိုတ္ႏူလဿိဟ္ေကာန္ ဂကူညးတံဂၜဳိင္ဂွ္တုဲ ညံင္အလုႝအသ႘အေမရိ ကာန္ ဂြံထံက္ဂလာန္ ပေရင္ကေမၜာန္ညးတံ မြဲမြဲသာ္ဂွ္ ကုႝျဇဟတ္ဓ႐ုိဟ္မာန္ကုီ ဒွ္ဂြံရ။ ဆဂး ျပဟ္ျပဟ္ဏံ ဟုီပ်းဒိုဟ္ဝါတ္မံင္ရ။
ျဇဟတ္ေကာန္ဂကူမန္ မၛးဍဳင္မန္ဂွ္ ဒွ္ျဇဟတ္ဇုတ္ဓရံင္ဟြံမာန္ေရာင္ဂွ္ သက္သ႘ဝင္ေတံ ထၞးကၜဳင္မံင္ ႏူမန္က်ဍဳင္တုဲ ဒဵလုပ္ဍဳင္ေသံရ။ ဒဵအာေသၛာဲကႜင္ ျဇဟတ္ဂွ္ဒွ္အာဇုတ္သကဲ မဟြံေသင္ကုႝ ဇုတ္ေဇှာ္ဂၜဳိင္ကႜင္ရ။ ေတှာဝ္ဒေတာဝ္ဨကရာဇ္မန္ လကၠရဵအိုတ္ နာဲမဝ္သုေအတ္ ဟိုတ္ႏူေဇှာ္ေဂါဝ္ပႜဲဍဳင္ေသံဂွ္တုဲ မုပကုႝပု႙ မာန္ဂွ္ေရာ။ ဍဳင္ေသံၾကပ္ဒဿံင္ ပယ်ဳႝစုက္ဒဿံင္ရဂွ္ ညးတံေကၜာန္ပၜန္ဂတး ပေရင္ဍဳင္ကြာန္ ေကာန္ဂကူမန္ ဟြံမာန္ဏီမၢး ယဝ္စိုပ္ဍဳင္ပလိုတ္ဂွ္ သာတုဲေကၜာန္ဟြံမာန္၊ ေလပ္ပညာကုႝဒွ္ကၜာရ ဂြံဒွ္ဒတုဲဖုႝ ေကာန္ ဂကူေဇှာ္ေဇှာ္ဂွ္ ဝါတ္ဒဿံင္တဿာဂလိုင္ရ။ ဆဂး ဟိုတ္ႏူသၸလဝ္ သုေတသနဟဿဲဂွ္တုဲ ဂြံဟုီခ်ဳိတ္ ခ်ိဳတ္ပၜဳိတ္တ္ ဗြဲမမှံဳကုႝတင္နင္ ဍာံဍာံျပျပဂွ္ ဟုီထံက္ထၞး ဟြံဂြံရ။
စိုပ္မြဲတၛဲ ကႜဳိပ္သကိုပ္ေကာန္ဂကူမန္ ႏူရးဍဳင္မန္ေတံ ကၜဳင္စိုပ္ပမာ ညံင္ရဵသှာံအာဏံ နာဲဟံသာ (ညးအုပ္ကာနာနာ ေဗာ္ဍဳင္မန္တိဿ) ေကုာံ နာဲကသုမန္ ဒါ႐ုိက္တာ ဂေကာံဒက္ပတန္အေခါင္အရာမိှဟ္ ပႜဲတိ ဍာ္ဍဳင္မန္ ကၜဳင္တိုန္သဘင္သ႘ကၜ႘ဂၜးတိ မြဲမြဲသာ္ဂွ္ ညးေဒသေကာန္ဂကူမန္ ပႜဲရးဍဳင္တံဂွ္ ဒုင္သဇိုင္ ဘုိင္စ႘ေရင္ျပဳေျပင္ကုႝ မြဲမြဲ သာ္မာန္၊ ဆဂး သှာံဏံ ဒဿာႏူ ကႜဳိပ္သကုိပ္ ေကာန္ဂကူမန္ ႏူဍဳင္မန္ေတံ ကၜဳင္စိုပ္ဟြံ မာန္ဂွ္တုဲ ေကာန္ဂကူမန္ ပႜဲရးဍဳင္အေမရိကာန္တံဂွ္ေလဝ္ ခ်႘ဒရာင္တိုန္သဘင္သ႘ကၜ႘ဂွ္ ဟြံမာန္ကုီရ။ ေကာန္ဂကူမန္ မစိုပ္ရးဍဳင္ အေမရိကာန္တံ ေကင္ေကတ္ကၜဳင္လဝ္ တာလ်ဳိင္ ပႜဲေဗာ္ဍဳင္မန္တိဿ ႏံြဗြဲမဂၜဳိင္၊ ညးတံေလဝ္ ဝါသနာပေရင္ဍဳင္ကြာန္ ႏံြဗြဲမဂၜဳိင္ရ။ ေကာန္ဂကူမန္ ပႜဲကဿိန္ဍဳင္အေမရိကာန္တံဂွ္ ဗလးကေမၜာန္ ညးတံ ဟြံဂြံဂွ္တုဲ တိုန္စိုပ္သ႘ကၜ႘ ပႜဲသဘင္သ႘ကၜ႘ ေကာန္ဂကူဂၜးတိဂွ္ ဟြံမာန္ရ။ သဘင္သ႘ကၜ႘ေကာန္ဂကူမန္ မေကၜာန္ဗဒွ္ ပႜဲတိဍာ္ေဗာ္ဍဳင္မန္တိဿ သှာံဏံဂွ္ေလဝ္ ဗလးညးစှး အာတိုန္စိုပ္ ဟြံမာန္ကုီရ။
ကႜဳိပ္သကိုပ္ ေကာန္ဂကူမန္ အပႜဲဍဳင္မန္တံ စဿ႘လဝ္မန္အေမရိကာန္ တှဟ္နဂြံခ်႘ဒရာင္ကုႝ ပႜဲဗြဳိင္ဂၜးတိဂၜဳိင္င္ဂွ္ ဗြဲပကၠတိ႐ုပ္ ဒွ္ကၜဳင္ဟြံမာန္ေကြံေကြံ ဂြံလၛတ္ေကတ္ရ။ ဂလိုင္လုႝဒးေကတ္အခိင္ပၜန္ေရာဂွ္ ပရဟ္ဟုီဟြံ မာန္ဏီရ။ ပညာေလဝ္ႏံြ၊ လညာတ္ပေရင္ဍဳင္ကြာန္ေလဝ္ႏ၊ံြ ၾသန္ေလဝ္ႏံြ၊ ဆဂးကေမၜာန္ဂွ္ ဒက္ေျဂန္လဝ္ဘဝညးတံ ပဲႜဇိုင္ကုႝကအ္ဂွ္တုဲ ခ်႘ဟြံဂြံ။ ဟြံေကၜာန္ကေမၜာန္မၢး ဒးဒုင္ပတိတ္ေထာံ ႏူကေမၜာန္သဿးဟြံက ဟိုတ္ႏူဝင္က ေမၜာန္လုီအာဂွ္တုဲ ဂြံထပ္ဂၜာဲကေမၜာန္တှဟ္ဂွ္ေလဝ္ ဝါတ္ဂါတ္အာရ။ အတိုင္'နာဲသက္ေလာန္' မဒွ္ေကာန္ေဗာ္ေၾတံ မဒွ္ညးမလၛတ္ဒဿံင္ လိက္ပတ္မန္ဗြဲေတဿင္ သုီခှံဒဿံင္အဘိဓာန္ မန္-ဗဿာေကင္ဟုီလဝ္ဂွ္မၢး ဂကူမန္ စိုပ္ရးအေမ ရိကာန္တံဂွ္ ဟိုတ္ႏူဒွ္ကဆံင္ရဲ ေကၜာန္က ေမၜာန္ (အလုပ္သမားလူတန္းစား)ဂွ္တုဲ ဂြံ ခ်႘ဒရာင္ေဇှာ္ေဇှာ္ ဗြဲေတဿင္ သြာင္ပေရင္ဍဳင္ ကြာန္ဂွ္ ဒွ္ဟြံမာန္ရ။
ဘဝေကာန္ဂကူမန္ မစိုပ္ဍဳင္တတိ ယတံဂွ္ ဒွ္ဘဝစိုပ္ဍဳင္သြဝ္ မှဳံကုႝတှံကဝ္သၜၿဗဳိက္ မြဲဟြံေသင္ ဆစိုပ္ဒဿံင္ဍဳင္ မှဳံကုႝအေခါင္အရာခိုဟ္ ေကၜာန္စၐိုဟ္ႀသဳိဟ္ ဂယိုင္လမ်ဳီဒးရး တၠံမရာင္ဆာဲမြဲ ၐိုန္ဂွ္ကုီေလဝ္ ဌာန္ဒတန္ဝြံ ဒွ္ဌာန္ဒတန္ငၛိတ္ကမၜက္ ေကာန္ဂကူမန္ မဟြံ ေသင္ကုႝ ဂြံဗဂုႝလဟုႝဘဝေကာန္ဂကူမန္မြဲ ဍဳင္မန္အနာဂတ္မြဲရ။ ဌာန္ဒတန္ဝြံ ဒွ္ဌာန္ ဒတန္ ညံင္ရဵမန္ဒဵလုပ္ဍဳင္ေသံမြဲဂွ္တုဲ ဗြဲအဓါန္ဂတ မျခာဟြံလံဂွ္ ''ေကၜံကုႝကၜက္'' ၐါေဟင္ ၾကက္မဒးဆုႝ ဗြဲစဿတ္ေရာင္။ ဂကူပု႙ မန္ဂွ္ ဟိုတ္ႏူဒးဒုင္ငၛိတ္ကမၜက္ ဗြဲေတဿင္နဗဿာ ကုႝေသံဂွ္တုဲ ၐိုန္ရမိှဟ္ၿဗဵမန္တံ ၐံင္ပတိတ္ နင္ေကာန္ငၛာ္မန္ ဗြဲမဂၜဳိင္ကုီေလဝ္ လဿိဟ္ေအာန္ေစွ္ကၜဳင္၊ တိဍာ္ေလဝ္ ကႜန္ေစွ္ကၜဳင္ ဇဿာပ္အရာ ဟုတ္ယုတ္ေစွ္ကၜဳင္မံင္ရ။ ဍဳင္မန္ ဟြံဗၜးၐးဏီမၢး တာဒှာေဆဝ္တာ ဗဒိုအ္ေကၜံ အႏၱရာဲ ႏူမသၸကုႝဂကူပု႙ဂြံကၜက္ ဂြံယုတ္သဝ္ ဟြံမာန္ရ။ ဍဳင္မန္ ဟြံမံက္ဂတဝ္ဏီမၢး ဘဝေကာန္ဂကူမန္တံေလဝ္ မံက္ဂတဝ္တိုန္ဟြံမာန္၊ ဍဳင္မန္ ဂြံဗၜးၐးဂွ္ေဟင္ ဂပ္ဂဝ္ဒးဂိုတ္ ဂစာန္ေထက္ေရာင္။
ပႜဲပ႐ိုင္ကဵဝဵဘာသာဗဿာ ခ်ဴဗဿံက္လဝ္ မသက္ဂတာပ္လအ္ ပႜဲလအိတ္ဂိတုအဝ္ေဂတ္ ဝြံဂွ္တုန္၊ သြက္ဂြံဒုင္႐ုဲစွ္ အမာတ္ပႜဲပြဳိင္ဍဳင္ မပၱံက်ာ္ထဝ္၊ ၐ႘ကေလင္ မဒွ္ၾသင္မုတၱမလပၚ ေတံဂွ္ ေဗာ္ပေရင္ဍဳင္ကြာန္မန္တိဿတံ ဖန္ဇန္ လဝ္ဟြံမြဲ၊ ဗတ္ရဒုင္႐ုဲစွ္ဂွ္ေလဝ္ ဇှးေကတ္မာဲ မာန္ဟြံေသင္၊ တိဍာ္ဂွ္ ေဍံတှဟ္ျခာတိတ္အာ ဒဿံင္ႏူပု႙ရ ဟြံေသင္ဟာ။ အယာံမာတ္ပႜဲဒှာဲပြဳိင္ ဍဳင္ဂကူမန္ႏံြဂၜဳိင္ဂွ္ေဟင္ရ လုပ္ဒုင္႐ုဲမာဲမာန္၊ ပႜဲသုီအလုံဍဳင္မန္ တြဳႝရးဍဳင္မန္ဂွ္ လုပ္ဒုင္႐ုဲမာဲ ဟြံမာန္၊ ယင္ဝြံ ဒွ္အရာပေရင္ဍဳင္ကြာန္ဗြဳိက္ တိဍာ္(ပထဝီႏုိင္ငံေရး) ျဇဟတ္ဍဳိန္ ပႜဲပု႙မြဲရ ဟြံေသင္ဟာ။ တိဍာ္ဍဳင္မန္ သုန္ေစွ္သုန္ေစွ္ မုေသွ္ဏီရေရာ။ ဒကာမန္တံ ျပံင္အာဍဳင္ လဂုင္၊ ဍဳင္ဗေဂါ၊ ဍဳင္တှဟ္ဟ္တံတုဲ လက်ာ္ မန္တံ ဂြံထိင္ဒကာမန္တံညိဂးတုဲ ဗက္တိုန္အာ သုိင္ဘာမန္ကုီ အိုတ္ေကှာတ္ ေကာန္ငၛာ္တံ ေဇှာ္ေဂါဝ္တိုန္ ဟုီအေရဝ္မန္ ဟြံေလပ္တုဲ ဒးဟုီအေရဝ္ဗဿာ၊ ဒးကုႝသ႘တြံဓဝ္ဗတ္ဗဿာရ ဟြံ ေသင္ဟာ။ ကာလေဖႜာတ္မၛဳႝပ႐ုိတ္ရ ေဖႜာတ္ ဗတ္မန္ လက္သန္တှဟ္တံ မုေသွ္ဏီေရာ။ ေကာန္ဂကူလဿိဟ္ ေအာန္ ပႜဲဂၜးတိတံ ဒးေကၜံကၜက္ကုီ လဿိဟ္ဒးေအာန္ေစွ္ကၜဳင္ဒဿံင္ ဒုႝကုႝကႜဳိပ္ သကိုပ္ဂၜးတိတံ ဒးကတုႝဒွ္ဓဝိင္ဂွ္ မုဟိုတ္ေရာ ဒဿာႏူဒးဒုင္ငၛိတ္ကုႝ ဂကူေဇှာ္ေဇှာ္တံရ ဟြံေသင္ဟာ။ အႏၱရာဲဒးဒုင္ငၛိတ္ကုႝ ဂကူေဇှာ္ေဇှာ္ ဗြဲေတဿင္ဗဿာတံဂွ္ ဂပ္ဂဝ္ဒးေဖက္ ႏူကုႝအံင္ေဇယ် ဂစိုတ္ကမၜက္ပု႙ဏီရ၊ ေဍံဂစိုတ္ကမၜက္ ဟြံကၜက္တုဲ ေဍံငၛိတ္ ကဠက္ေကတ္ပၜန္ေရာင္ဂွ္ လၸဝိုတ္ေကၜံအိုတ္ညိ။ ဍဳင္မန္ဗၜးၐး မံက္ဂတဝ္တိုန္တုဲမၢး ဂကူမန္ဟြံဒးဒုင္ငၛိတ္ ကမၜက္ ဟြံဒးေဖက္ကၜက္ေရာင္။ ။

ေကာန္စဵထဝ္
(ဂ်ာေနဝ္ေခတ္ပ႙ု ေလဿင္(၅၉)၊ ဂိတုေသက္ေတန္ဗာ၊ သှာံ ၂၀၁၀)