တာလ်ိဳင္ပေရင္ဗၜးၐးဂကူဂွ္ ႏြံပႜဲညးဂွ္ေရာ

ကဿိန္ဍဳင္ပ႙ုဝြံ ေကာန္ဂကူေကာန္ဍဳင္အရင္ဂမၜိဳင္ တန္တဵမံင္စံင္ကၜဳင္ရ။ ကာလအတိက္ေတံဝြံ သဿိင္ညးကႝုညး၊ နန္ညးကႝုညး ေကင္ပုိင္ျပ႘ကၜဳင္လဝ္ကီုေလဝ္ အခိင္လဿဳဟ္ဝြံ အေခါင္အရာ ပေရင္ဗၜးၐး ဂကူဂွ္ ေဆာံေလင္ကၜဳင္သဿဝ္တဲ အလႝုအသ႘တၜအဝႝုပှာန္တံရ။ ဟုိတ္ဂွ္ရ တာလ်ိဳင္ပေရင္ဗၜးၐးဂကူ တန္တဵဒဿံင္ကႝု ညးဂွ္ေရာဂွ္ ေကာန္အိန္ ဂိၜဳက္ဂၜာဲခ်ဴေကွ္လဝ္ဂွ္ ပၱဳိန္ထၞးဏာရ။
(ဂ်ေနဝ္ေခတ္ပ႙ု ေလဿင္ (၅၁)၊ ဂိတုေဂ်ာန္ ၂၀၀၈)


(၁) ။ အရာဒက္ပၱန္ ပေရင္ည႘သာသဿဟ္သဿန္ ေကာန္ဂကူ

အပႜဲကႝု ကဿိန္ဍဳင္ပံင္ေကာံပ႙ုဝြံ ဂကူေကာန္ဍဳင္အရင္ မပၱံကႝု ကေခ်င္၊ ကေရင္ဍာဲ (ကယ်ာ)၊ ကေရင္၊ ေခ်င္(ေခ်န္)၊ မန္၊ ဗဿာ၊ ရေခင္၊ ေသံေကုာံ ဂကူဗြဲမဂၜိဳင္ တန္တဵမံင္ စံင္ကၜဳင္ဒဿံင္ရ။ လိက္ပတ္၊ ေယန္သှာင္၊ အခုိက္ကှာျပေဝဏ႘ ညးကႝုညး တန္တန္ၾကန္ၾကန္ ႏြံကၜဳင္ဒဿံင္အုိတ္ရ။ ကာလအတိက္ေတံမၢး ဍဳင္နန္ညး ကႝုညး၊ ပေဒသရာဇ္ သဿိင္ညးကႝုညး၊ အဝႝုအျခာ ပေရင္အုပ္ဓုပ္ညးကႝုညး ေကင္ႏြံကၜဳင္ဒဿံင္ဖၟိဳတ္ရ။ ဟုိတ္ႏူ ပေဒသရာဇ္ ဂကူဗဿာတအ္ ပၜံင္ၐးသၜဲကၜဳင္တိ သီဗတုိက္ေကတ္ နကႝုျဇဟတ္ပှာန္တဲု အေခါင္အရာသီုဖအုိတ္ ဒးေလင္ေဆာံကၜဳင္သဿးဟြံက မဒးမံင္ဘဝ သဿဝ္တဲညးတှဟ္ ကီုရ။ ဂကူဗဿာတအ္အဆက္ဆက္ ဟီုကၜဳင္ဒဿံင္ ဟုိတ္ႏူ သဿိင္အနဝ္ရထာ၊ ဗေယ်အ္နံင္ (ဘုရင့္ေနာင္)၊ အလံင္ဖယ်ာ (အေလာင္းဘုရား)တအ္ စန္ဒက္သီ ေဗၞာဝ္ကၜဳင္လဝ္ေဟင္ ေကာန္ဍဳင္အရင္ပ႙ုတအ္ ဂြံကၜဳင္ပေရင္ည႘သာ သဿဟ္သဿန္ေရာင္ ခ်ဴေကွ္ကၜဳင္ ဟီုဂးကၜဳင္အိုတ္ရ။ ဂလာန္ဏံ ကေလင္သၛ႘ဂၜိပ္ရံင္မၢး သြက္ဂြံဗၥာ ႏြံတဿာဂလုိင္ေဏာင္။ နကႝုပဿိက္ဆႏၵ ေကာန္ဍဳင္အရင္တအ္ေဟင္ စုိတ္တုပ္တဲု ပံင္ဖက္ကၜဳင္ဟြံေသင္ဂွ္ ဍာံဗြဲစဿတ္ရ။ နကႝုျဇဟတ္ပှာန္၊ လြဟ္လနက္၊ ဘပဠ၊ ပၜံင္ဗတုိက္ေကတ္တဲုမွ စန္ဒက္ကၜဳင္ လဝ္ေရာင္ ဟီုကၜဳင္မဒွ္ရ။ လၱဴပြဏံ ဍာံဟြံဍာံဂွ္ ဝင္တဲု ကၜဳင္ေတံ ထၞးမံင္သက္သ႘ သာဓကရ။

ၾယဵဂကူလႝုဒွ္ဒွ္ ႏြံပဿိက္မိက္ဂြံမံင္ ဍဳင္ညးကုႝညး၊ သဿိင္ညးကႝုညး၊ အဝႝုအျခာညးကႝုညး၊ အေခါင္ကံကုသႝု ဇကု ဇကုဖန္ဖက္ေကတ္ ဖအုိတ္ရ။ ညးဂွ္မြဲေလဝ္ ဟြံမိက္မံင္ ဘဝသဿဝ္တဲ ဂကူညးတှဟ္မြဲရ။ အပႜဲကႝုဒက္ပၱန္ ပေရင္ ည႘သာသဿဟ္သဿန္ ကဿိန္ဍဳင္ပၜန္ေလဝ္ ညံင္ေသၢာံသဿဟ္ရထကႝု အကာဲအရာ ေကာန္ဍဳင္အရင္တအ္ဂွ္ ဒးသၛ႘ဂၜိပ္တဲု ညံင္ဂြံေစ္ွေသှာတ္ဗၞတ္ မဒးဖန္ဇန္အာမၢး တန္ၾကန္ဗုိန္ဇဿအ္ ဍာ္ဇမၜိင္မာန္ေရာင္။ လၱဴေကာန္ဍဳင္ အရင္တအ္ ေဖ်ံဗီုဟြံဒး၊ ကဿာတ္လဒႝုအေခါင္အရာ ေကာန္ဂကူဗက္ဟြံဂတာပ္ ျပႆနာ ေကာန္ဍဳင္အရင္တအ္ မံက္ကၜဳင္မာန္ေရာင္။ စပ္ကႝုပေရင္ရုန္ဂစာန္ ဗၜးၐးဂကူညးကႝုညး ကတႝုဒွ္ကၜဳင္သဿးဟြံက ပှာန္အပႜဲဍဳင္ေလဝ္ ကတႝုဒွ္ကၜဳင္ဂွ္ ဂြံဆႝုကၜဳင္ နဇုိင္နတဲ ဒႝုလဿဳဟ္ဏီရ။ ဟုိတ္ႏူပှာန္ ကတႝုဒွ္ကၜဳင္ ဂၜိင္ေသၛာဲဂွ္ရ အရာဒက္ပၱန္ ဍဳင္ကြာန္ကီု၊ ပေရင္ပုိန္ျဒပ္တအ္ကီု၊ ပေရင္ၐုိဟ္လလံ ပႜဲဍဳင္ကီု၊ ေအဲျဇကၜဳင္ မဒွ္ရ။ ဂုဏ္ဖႝုပုိန္ဟာန္ ညးဍဳင္ကြာန္တအ္ေလဝ္ ေဆာံေလင္သုဥ္ျဂာံေစွ္ကၜဳင္ရ။

(၂)။ ပေရင္အုပ္ဓလီု ဂတာတဲကႝု အကာဲအရာ ဂၜးတိတၛဲဏံ

အကာဲအရာဂၜးတိ တၛဲဏံဝြံ နကႝုဂကူေဇှာ္မြဲ အုပ္ဓလီုလဝ္ဂတာတဲ လၱဴဂကူေဍာတ္တအ္တဲု ထိင္ဇဈာပ္ လဝ္ အေခါင္အရာ သၸညံင္ဂကူ ႏြံသဿဝ္တဲဇကု နဒဒွ္ ဗီုျပင္ဍိက္ဂွ္ ေခတ္ဟြံမြဲကၜဳင္ရ။ ညးဂၜးတိ ဗြဲမဂၜိဳင္တအ္ေလဝ္ ဟြံမြဲပဿိက္၊ ဟြံေစွ္ကၜဳင္ စုိတ္အုိတ္ရ။ ဂကူေဇှာ္၊ ဂကူေဍာတ္၊ ယုတ္ျပဲ၊ သၜဳင္သဝ္၊ အေရဝ္ဘာသာ၊ ေယန္သှာင္ အခုိက္ ကှာ၊ အရံင္ဖ်ဴန္ဇကု၊ လိင္၊ ၐုိန္ရပၚျခာဒဿံင္ကီုေလဝ္ မဒး ကလိဂြံအေခါင္ တုပ္သဿဟ္ညးသၠအ္ ဖအုိတ္ေရာင္။ အကာဲအရာ လုိက္ေလာက မျပံင္သၜာဲဒဿံင္လဿဳဟ္ဏံ သြက္ဂြံ ကမၜက္ေကၜံ ဂကူမြဲမြဲ လၸဟီုဏီ မပၱံကႝုသတ္တိရစၦာန္ မှဳံလဿိဟ္ေအာန္တအ္ ညံင္ဟြံဂြံ ေကၜံကၜက္အာ၊ နသဘာဝ တှံဆု၊ ျဂိဳပ္ဒႝု၊ ၐ႘ႂကင္တအ္ ညံင္ဟြံဂြံသုန္ျဂာံအာဂွ္ ညးတအ္သၸလြ႘ ရံင္စံင္မင္မြဲ ထိင္ဒက္ကၜဳင္ဒဿံင္အုိတ္ရ။ လၱဴအကာဲအရာ မကတႝုဒွ္ဒဿံင္တၛဲဏံဂွ္ ကရဵစးသၸဥေပကၡာ တဲု အလႝုအသ႘ဍဳင္ဗဿာ ေခတ္အဆက္ဆက္တအ္ ကမၜက္ ဒဿံင္ဂကူ ေကာန္ဍဳင္အရင္ဂမၜိဳင္ကီု၊ အလုံေကာန္ဂကူဖအုိတ္ ညံင္ဂြံဒွ္အာ ဂကူဗဿာမြဲဓဝ္မာန္ကီု၊ ေဖ်ံကၜဳင္ကုိန္အစ႘အဇန္ ေဇှာ္ ဍာ္ဇမၜိင္တဲု ေကၜာန္သၸဒဿံင္ရ။ သြက္ဂြံငၛိတ္ဂကူ ေဍာတ္ တအ္ဂွ္ နကႝုပေရင္ဍဳင္ကြာန္၊ ပေရင္ပိုန္ျဒပ္၊ ပေရင္အုပ္ဓုပ္၊ ပေရင္ပှာန္နာနာ၊ နဲၐတ္ၐတ္၊ နဲၾကံင္ၾကံင္ ဖန္ဖက္ကၜဳင္ရ။ နဲကဲသှဵဆီတအ္ေလဝ္ ေကၜာန္ကၜဳင္ဒဿံင္ ဗြဲမသကာတ္ျမဟ္ရ။ လၱဴပြမယုတ္မာပပ္ပ႘ ဗီုဏံဂွ္ နကႝုေကာန္ဍဳင္အရင္တအ္ အေခါင္အဝႝုဟြံမြဲကီု၊ မဒးဒုင္အုပ္ဓုပ္ကၜဳင္ နကႝုအဝႝု ဗြဲမ ေတင္ျဂတ္ကီုတဲု ဒုင္ဒဝ္စႝုဒှာ ဟြံမာန္ကီုရ။ လၱဴေကာန္ ဍဳင္အရင္တအ္ လညာတ္ပေရင္ဍဳင္ကြာန္၊ ပေရင္ပညာ၊ ပေရင္ဂကူ၊ ဍိဳန္လ်ဒဿံင္တအ္ဂွ္ ေကတ္အေခါင္ခုိဟ္တဲု ငၛိတ္ကၜဳင္ဂကူ၊ ကေမၜံကမၜက္ကၜဳင္ ဂကူ၊ လၱဴေကာန္ဍဳင္ အရင္ပ႙ု သုိက္သုိက္ရ။ ပူဂႝု၊ ခရွ္၊ ခဿ႘သင္ လညာတ္စ႘ကၜး ပႜဲအရာပေရင္ဍဳင္ကြာန္၊ ပေရင္ဂကူတအ္ ဆဝ္ဗၛဳဟ္စႝု ဒှာဒဿံင္ကီုေလဝ္ ဟုိတ္ႏူအဝႝုအျခာ ဟြံမြဲဂွ္ေဟင္ ပေရင္ စုိပ္တရဵေအာန္တဲု ဂကူမန္ပ႙ုဗြဲမဂၜိဳင္ ဗက္ေဇြာဝ္အတုိင္ ကုိန္အစ႘အဇန္ ငၛိတ္ဂကူဂွ္ေလဝ္ ဂြံဆႝုေကတ္ကၜဳင္ နမတ္ လဿဳဟ္ရ ဟြံေသင္ဟာ။

(၃)။ အကာဲအရာ ေလဿင္ဒဒွ္ ေကာန္ဂကူမန္ ပစၥဳပၸန္တၛဲဏံ

လက္သန္ေကာန္ဂကူမန္ပ႙ုဝြံ စုိတ္ဓာတ္ႏူတမ္ ဍိဳန္ၐတ္ယ်ႝဳလၢဴတပ္တးတဲု လၱဴဘာသာ၊ သာသနာတအ္ေလဝ္ လ်ဳင္ျဇဳင္သႜိဳက္မၜိဳက္ ဂၜိဳင္ကၜဳင္ဒဿံင္ရ။ ပဿိက္မိက္ဂြံမံင္စံင္ ၐုိဟ္ၐုိဟ္ၾသိဳဟ္ၾသိဳဟ္တဲု ပႜဲအရာေကၜာန္ ပေရင္ပုိန္ျဒပ္တအ္ ထမုင္ဇဲထတ္ဒဿံင္ရ။ ပႜဲအရာပေရင္ဍဳင္ကြာန္၊ ပေရင္အုပ္ဓုပ္တအ္ဂွ္ စုိတ္လုပ္စေအာန္တဲု သၸကၜဳင္ဥေပကၡာ ဂၜိဳင္ဒဿံင္ေရာင္ဂွ္ ညးမလၛတ္ပေရင္ဂကူမန္ ရဲဍဳင္သၟာင္လၛႝဳတအ္ ခါတ္အကာဲ ေဖ်ံကၜဳင္ေတဿာ္ႏြံရ။

လၱဴညးတအ္ ေတာ္ဆဂွ္ ဟြံေဗၜတ္ေကြံေကြံရ။ အကာဲအရာ နဇုိင္နတဲ ပႜဲဂကူမန္ပ႙ုဝြံ ကႝုလဝ္ဖ်ဳန္ကု လၸာ္ပေရင္ပုိန္ျဒပ္၊ လၸာ္ပေရင္ပူဂႝု ဂၜိဳင္တဲု လၸာ္ပေရင္ဂကူ၊ ပေရင္ဍဳင္ကြာန္တအ္ဂွ္ အရီုပုိတ္ကၜဳင္ဒဿံင္ရ။ သဇုိင္ ကဆံင္ဒဿံင္သၜဳင္ ေကၜံကၜက္အာ သှာံဗြဲမလအ္လကာဖာ သဿးဟြံက ဟ႘ကၜင္ျပးဇးဒဿံင္ အလုံဂၜးတိ ညံင္ရဵသြးေလၵါဝ္ၐ႘ ကီုရ။ ဒှာဲဍဳင္လႝုစုိပ္စုိပ္ ညးတှဟ္တးပဲါ ဟြံပၜဳပ္ဝုိင္ ဗြိဳင္ဂေကာံမှိဟ္ လၱဴဂကူဂ်ဴတအ္ရ။ ၐုိန္ဂ္ွေလဝ္ ဂကူဂ်ဴတအ္ ဟြံယွအ္စုိတ္ဓာတ္ ဍဳင္လႝုစုိပ္စုိပ္ အကာဲအရာလႝု ဒွ္ဒွ္ ညးတအ္ဗ္ွဗှဳဟ္ဒဿံင္ တိဍာ္မှဳံကႝုရွ္သာဍာ္သာဲ ဒှာဲက်ာ္ ကႝုလဝ္ပ်းဒုိဟ္လဿိဳန္ရ။ ကာလပှာန္ဂၜးကဝ္ အလန္ဒုတိယ (၁၉၃၉ - ၄၅)၊ ကတႝုဒွ္မံင္ ပႜဲဍဳင္ဂ်ာမဏ႘ေတံ ဖအးေကၜံ၊ ဂစုိတ္ေကၜံ ဂကူဂ်ဴတအ္ ဗြဲမဂၜိဳင္ေဂၜင္ရ။ ဍဳင္လၛႝဳလၛႝဳ မပၱံ ကႝုရယွာ၊ ျပင္ေသတ္၊ ပုိဝ္လာန္၊ ဟာန္ေဂရ႘တအ္ေလဝ္ ထေဍင္ဗက္ဗဒဵ ဂကူဂ်ဴတအ္ကီုရ။ ဟုိတ္ဂွ္ရ ဍဳင္ဂကူဇကု တန္တန္ၾကန္ၾကန္ ဟြံမြဲမၢး ဘဝေကာန္ဂကူဇကုေလဝ္ တင္ဒုင္လ်ိဳင္ဟြံမြဲ ေစွ္ကၜဳင္စုိတ္တဲု ပႜဲေဒသပါေလတ္ သတာင္ဂွ္ ဒက္ပၱန္ကၜဳင္ ဍဳင္ေအႆေရမြဲမာန္ ပၱိတ္ျဇဟတ္ ဂစာန္လြ႘ကၜဳင္ ဒႝုဂြံဂြံ ေပÌအံင္ဇှးရ။ အၾကာဍဳင္အာရာပ္ဂမၜိဳင္ ေကာံဗုိင္ဗတုိက္ပလီု နကႝုျဇဟတ္ပှာန္ နာနာသာ္ကီုေလဝ္ နကႝုစုိတ္ဓာတ္ မိက္ဂြံဒက္ပတန္ဍဳင္ ဗၜးၐးမြဲ ရန္တဿအ္ ခုိင္ဗုိန္ဒဿံင္တဲု ဒုင္ခ႘တဝ္ေစှဟ္ကၜဳင္မာန္ရ။ ဂကူဂ်ဴ မှဳံဒဿံင္ ဍဳင္သၟာင္တအ္ေလဝ္ နကႝုကာယ၊ နကႝုရုပ္ဝတၳဳနာနာ ရီုဗင္ထံက္ပင္ကႝုတဲု ေဇှာ္ပဿဝ္ကၜဳင္ျဇဟတ္ ဍဳင္ေအႆေရ ဂြံတန္တဵမာန္ရ။ ဂကူဂ်ဴတအ္ ဆာန္ဂကူဟီုဂွ္ ဆာန္မံင္ ကႝုပါင္သဿးဟြံေသင္ နဇိုင္နတဲ ဘုိင္ေကတ္တာလ်ိဳင္ ဒက္ ပတန္ကၜဳင္ေဟင္ရ။ ဍဳင္ေအႆေရမြဲ ဒွ္ကၜဳင္လၱဴဂၜးတိဏံ မံက္မံက္ဂတဝ္တဝ္ရ။ ဟုိတ္ဂွ္ရ ဍဳင္မြဲမြဲဂွ္ အာတ္ကႛာင္ ကေျမဲေကတ္သဿးဟြံဂြံ မဒးဂံင္သၜာဲကႝုဆီ၊ ပဠက္၊ လမ်ီဳတဲုမွ ဂြံမာန္ေရာင္ဂွ္ ဒွ္ကၜဳင္ခန္လၛတ္မြဲရ။

(၄)။ မန္ပ႙ု ပဿိက္ႏြံဒဿံင္ကႝု ဍဳင္မန္ဟာ

ဂကူမန္ပ႙ုဗြဲမဂၜိဳင္ဝြံ စုိတ္ဓာတ္လညာတ္ပေဒသရာဇ္ ႏြံကၜဳင္ဂၜိဳင္ေဂၜင္ဒဿံင္ရ။ စဿ႘စသဿိင္တၜ၊ အိန္ေဒဝတဵ ဇုိန္ဏွင္ကႝုေဏာင္ လၛႝဳဟီုတိတ္ လညာတ္ႏြံကၜဳင္ရ။ ၐုိတ္ ဇကုတႝုလဝ္ေဟင္ ဇကုဂြံရတ္ေရာင္ဂွ္ ခ်ပ္တဵစေအာန္ ဒဿံင္ေရာင္။ လညာတ္ညးမြဲသဿိင္ အဲမြဲဗုိလ္ဒွ္မံင္တဲု အရာဂြံပံင္ေကာံ ေကၜာန္အာဂွ္ ဒွ္ဝါတ္ၿဇဳိင္သန္ဒဿံင္ရ။ မိပ္ဒဿံင္ကႝုဍာ္ခၜိဳင္၊ ဒှာဲဇုိင္ဂၜဵဂၜိဳင္ရ။ ဍဳင္ဗၜးၐးဟီုဂွ္ ညးမြဲဓဝ္၊ မြဲဂေကာံဓဝ္ လြ႘ပရာလုပ္ေပဲါဗတုိက္ ဟြံဂြံရ။ ႏူညးမြဲ ဒႝုစုိပ္အလုံဂကူဖအုိတ္ ပၱိတ္လြ႘ေကၜာန္မွ ဂြံေလာဲသြာေရာင္။ နကႝုပါင္သဿး ႏြံပဿိက္ကႝုဍဳင္ နဇုိင္နတဲကေမၜာန္ ညးပဲါ အဲဓေလတ္မံင္မၢး အခိင္ဂၜိင္ေသၛာဲမံင္ဏီရ။ ႏြံပဿိက္ကႝုဍဳင္မန္ သၜးပြးဍာံဟာ။ စုိတ္ဓာတ္ဒပ္ဍဳင္မန္ ႏြံဒဿံင္ဂလုိင္လႝုေရာ။ လၱဴသဿာန္ဏံ ယဝ္ရဒးသြဟ္မၢး ညးလၛႝဳ နကႝုဥပဲါေဂတ္ေဂင္တဲု သြဟ္ကၜဳင္ဒဿံင္ရ။ လၛႝဳဟီုအခိင္ဟြံစုိပ္ဏီ။ အကာဲအရာ ဟြံကႝုဏီ။ ကဆံင္ၐုိတ္ဏံ ရေကၜာန္ စုိပ္တရဵဟြံမာန္ဏီ။ ညးကၜိဳဟ္ခၜင္စ႘ကၜးတအ္ ဟြံမြဲမၢး ေကၜာန္ဟြံဒွ္ဏီ၊ ဟီုသြဟ္ကၜဳင္ႏြံရ။ ညးတႝုတှံဆုေအာန္တဲု ညးစဿ႘စ သတ္ပဿဝ္ဇဝ္ပၠဵသဿး ဂၜိဳင္ေရာင္ ဂြံဆႝုေကတ္ရ။ အၥာပေရင္ဍဳင္ကြာန္မြဲတၜ ေကင္ဟီု ကၜဳင္ႏြံရ။ ၾယဵမှိဟ္မြဲ နကႝုျဒပ္ရတ္ထဝ္ၾသန္၊ သၛိတုိက္၊ ကၜအ္သြဝ္ဍိဳက္ေပင္မွ ပၱဵအိန္ထံင္မၢး ဆလအ္ေလဝ္ ဟြံဂြံဒွ္ ပၱဵရ။ သာ္ဂွ္ကီု ရုပ္ဝတၳဳဍိဳက္ေပင္မွ အရာစုိတ္ဓာတ္ ေကာံကေလာံမွ ေကၜာန္ပၜန္ဂတးေဏာင္ေတွ္ ဆလအ္မွ ဟြံဒွ္ေကၜာန္ပၜန္ဂတးရ ရဵသာ္ဝြံ ဟုီကၜဳင္ဂလာန္ႏြံရ။ ဍာံျပမံင္ရ။ ဂၜံင္တရဵ ပေရင္ဂကူဝြံ ဒွ္ကၜဳင္တရဵ ေလာဲသြာမြဲဟြံေသင္၊ အၾကာဒစုက္ဇလ အႏၱရာဲဂွ္ မဒးတတ္ထပၚအာေဏာင္။ တင္ဝါတ္ဂါတ္ခက္ခဲု နာနာတအ္ေလဝ္ ဒးဇုီကပုိက္ေဏာင္။ ျပသှာဇ႘ဇ႘ဒုိဟ္တအ္ေလဝ္ မဒးေသာင္ကဠးအာေဏာင္။ လၱဴဂွ္ေဟင္ စိန္ဝုန္ကၜဳင္တဲု ဂြံကၜဳင္ခန္လၛတ္ဆႝုဂဗ ပၱန္ငၛဳဟ္ မး ဟြံမာန္တအ္ေရာင္။

လညာတ္ပူဂႝုလၛႝဳ ဂတႏူဏံ ေပဲါဗတုိက္ရပ္လြဟ္ ဟြံစေခတ္ရ။ ညးဂမၜိဳင္ဟြံဒုင္တဲရ သာ္ဝြံ ညာတ္ကၜဳင္ရ။ ဆဂး ယဝ္ပ႙ုကေလင္ေတဿာ္ရံင္ဝင္ မကတႝုဒွ္မြဲဒျမိပ္ကၜာ ကာလဟြံဂြံပၱဳိန္ဝင္(မုိင္းမတင္မွီကာလ) ဒႝုစုိပ္ကာလ ပစၥဳပၸန္ဏံ နကႝုေပဲါဗတုိက္ ေပဲါပှာန္အဆက္ ဟြံပုိတ္ဏီရ။ ပေရင္ဓရ္ ၐုိဟ္လလံဟီုဂွ္ အခါရ လၱဴဂုန္ဖႝုပုိန္ဟာန္ ေကာန္ ဂကူဇကု ကိတ္ည႘ကၜဳင္မၢး ႏြံကၜဳင္မာန္၊ ယဝ္ရဒစႝုဒစးမံင္ကႝု ဂုဏ္ဖႝုပုိန္ဟာန္ ေကာန္ဂကူမၢး ပÌဟြံဗၜး မဒးလုပ္ဒဿံင္ ေပÌဗတုိက္ဏီရ။ ဂတႏူဏံေလဝ္ ဆက္တဲုႏြံကၜဳင္ဒဿံင္ဏီ။ ပႜဲေလာကဏံ ပေရင္ပြမဍႝဳဍိဳက္ ေရက္ကးေျဇာတ္ဆီႏြံမၢး ပေရင္ပၜန္ဂတးေလဝ္ ႏြံကၜဳင္ဏီေရာင္ဂွ္ ဒးဒွ္ဗြဲစဿတ္ရ။ ျဇဟတ္ဇကု ဟြံမြဲမၢး တက္က်ာပည႘ပညပ္ လၱဴစင္ ပေရင္ဍဳင္ကြာန္ေလဝ္ အေခါင္ဇကုကလိဂြံမာန္ ဟြံေသင္။ ညးဂမၜိဳင္ေလဝ္ သၸလဝ္သမၱီ ဟြံေသင္ရ။

ဟုိတ္ဂွ္ရ အကာဲအရာကဿိန္ဍဳင္ပ႙ုဏံ လၱဴအလႝု အသ႘တအ္ ပြမဟြံမြဲကႝုေသှာဝ္ နနဲတၜအဝႝု ဗြဲမေတင္ျဂတ္ အုပ္ဓုပ္ဒဿံင္တအ္ ညံင္ဂြံ တက္သရုိဟ္ေဖ်ံအာမာန္ကီု၊ ေကာန္ ဍဳင္အရင္တအ္သီုဖအုိတ္ ကဿာတ္လဒႝု အေခါင္အရာတဲု ဂကူညံင္ေသၢာံကၜက္ ဖႏွဵကၜဳင္ဆီတအ္ ဂြံမံက္ကၜဳင္မာန္ကီု၊ အရာဂြံဒက္ပတန္ဍဳင္မန ္ေဇတ္ေဇတ္ ဗြဲမသၜးပြး ဂြံမံက္ ကၜဳင္မာန္ကီုဂွ္ တာလ်ိဳင္ႏြံ သီုညးဖအုိတ္ရ။ တာလ်ိဳင္ႏြံ ေဗာ္ေကာန္ဂကူ ႏြံအပႜဲ၊ မၛးသဿး ဟြံေသင္ရ။ ဇဿာပ္ေကာန္ ဂကူမန္ပ႙ု တာလ်ိဳင္ႏြံဒဿံင္ေရာင္ဂွ္ မဒးစြံသတိေထက္ရ။ ငၛဳဟ္မးမှိဟ္ဟီုမၢး အၾကာကာလ ညးမတတ္ထပၚကၜဳင္ တာလ်ိဳင္ စုိပ္လၱဴပှးညးဂွ္ ၐုိတ္လႝုညးယုိက္ေဂၜင္လဝ္ကီုေရာ။ မဒးၐတ္ကှာတ္ကၜဳင္ နကႝုေပှာန္ရ။ ယဝ္ေကာန္ဂကူပ႙ု သီုဖအုိတ္ တဲည႘ကသုည႘ ရုန္ဂစာန္အာ ပေရင္ဗၜးၐး ေကာန္ဂကူမၢး ဗြဲစဿတ္ မဒးအံင္ဇှးေရာင္။ သှံင္ဗၜးၐးမြဲေဍာင္ လ်းတဿး လၱဴအကးေတံမာန္ေရာင္။ သဿိင္ၐုိပ္ထဝ္ ပဝ္ယာန္ ဒဿံင္ လၱဴဗလးအကးဂွ္ေလဝ္ ဂြံဆႝုေကတ္မာန္ေရာင္။ တရဵပဿိက္ေကင္ကာ ဟြံအာစုိပ္ဒတဲု ဟြံမြဲေရာင္ က်ာ္ၾတဲ တြံလဝ္ ႏြံကၜဳင္ဒဿံင္ရ ဟြံေသင္ဟာ။ ။