လညာတ္ "ဂ်ာေနဝ္ေခတ္ပ႙ု" ေလဿင္ (၅၇)

ေလဿင္(၅၇)၊ ဂိတုမာတ္ခ်္၊ သှာံ ၂၀၁၀






လိက္ေသှာဝ္ဥပေဒေပဲါ႐ုဲမာဲဂွ္ လေလာင္ၾတးလဝ္ကုႝညးဍဳင္ကြာန္တအ္တဲုအာရ။ တၛဲေကၜာန္သၸေပဲါ႐ုဲမာဲဂွ္ ဟြံလေလာင္ၾတးလဝ္ဏီရ။ 'ဟြံဒွ္ဗဗြဲဓဝ္ပုဟ္။' 'ဟြံဗၜးၐးပုဟ္။' 'ေပဲါ႐ုဲမာဲဏအ္ ေပဲါလီေပဲါဠာန္။' 'ေပဲါ႐ုဲမာဲဏအ္ဂွ္ ညးဍဳင္ကြာန္တအ္ အာယုက္ဍိက္ပှာန္ သြက္ဂြံဂၜိင္ေသၛာဲေဏာင္။' မပၱံအေရဝ္ အဓိပၸါယ္ဗီုတအ္ဏအ္ မံက္တိတ္ကၜဳင္မံင္ အပႜဲဍဳင္ကီု၊ ႏူဍဳင္သၟာင္ကီု ဂြံမိင္မံင္ၾကပ္ကႝုဇဿာပ္တၛဲရ။ ေပဲါ႐ုဲမာဲ (၂၀၁၀) ဟီုဂွ္ ေကၜာန္ဗဒွ္သဿဝ္တဲ အလႝုအသ႘ပှာန္(နအဖ)မဒွ္ရ။ ရဲဂေကာံျဇဟတ္ လၸာ္ဒ႘မဝ္ကေရၿဇ႘တအ္ ဒစႝုဒစးတဲု သဿာပေရင္Çဳင္ကြာန္လၛဳႝ ႏြံမံင္လၸာ္လႝုအသ႘ဂမၜဳိင္ ေကုာံ ဂေကာံထံက္ဂလာန္ အလႝုအသ႘က်ေဖာအ္ဂမၜဳိင္တအ္ ထံက္ဂလာန္အိုတ္ရ။
ေကၜာန္သၸေပဲါ႐ုဲမာဲမၢး အလႝုအသ႘မဂြံလဝ္အဝႝုတအ္ရ ဒးအာကႜဳိပ္ေကၜာန္သၸကႝုမဒွ္ရ။ ေပဲါ႐ုဲမာဲမၢးဂွ္ သြက္ဂြံ႐ုဲစွ္ကႜဳိပ္သၠဳိပ္ ဇကုဒးဂှပ္စိုတ္မဒွ္တဲု ကႜဳိပ္သၠဳိပ္ပေရင္ဍဳင္ကြာန္ဂမၜဳိင္တအ္ လုပ္ဒုင္႐ုဲရ။ နဒဒွ္ဒုင္ယဿဳ ေဗာ္ပေရင္ဍဳင္ကြာန္ညးတအ္တဲု လုပ္ဒုင္႐ုဲစွ္ရ။ စႏၵက္မာဲႏူညးဍဳင္ကြာန္တအ္ သြက္မှိဟ္ပႜဲေဗာ္ညးတအ္ ဂြံဂြံဇှးမာဲဂၜဳိင္ရ။ အတိုင္ဏအ္ပ႙ုတအ္ ကၜဳိဟ္တီေကတ္ ဗြဲေယဘုယ်ဂြံမာန္ရ။
ေကၜာန္သၸေပဲါ႐ုဲမာဲေရာင္ဟီုမၢး မုအရာသာ္လႝုမြဲ ပဿိက္ေဇှာ္အိုတ္ေရာ။ ေသှာဝ္ဥပေဒေပဲါ႐ုဲမာဲဝြံ ဒွ္ပဿိက္ေဇှာ္မြဲတဲု ကဝ္မေယွန္ေကၜာန္ ဗဒွ္ေပဲါ႐ုဲမာဲတအ္ ဒးပတန္စြံသမာဓိ လၱဴေသှာဝ္ေပဲါ႐ုဲမာဲဂွ္တဲု ဒးမင္ရံင္ အရာဟြံဗဗြဲဓဝ္ ပႜဲအခိင္ပြိဳင္မေကၜာန္သၸမံင္ ေပဲါ႐ုဲမာဲတအ္ဂွ္ရ။ ကဿိန္ဍဳင္ (မှဳံေသှာတ္ဒ႘မဝ္ကေရၿဇ႘) ဗြဲမဂၜဳိင္တအ္မၢး ေသှာဝ္ေပဲါ႐ုဲမာဲ ဍဳင္ညးတအ္ဂွ္ ဒးဓဇက္ခ်ဴစုတ္တင္တုပ္စိုတ္ လၸာ္မှိဟ္အလႝုအသ႘(မဂြံလဝ္အဝႝုတဲုတဲု)ဂွ္ကီု သီုေဗာ္ပေရင္ဍဳင္ကြာန္ ဂမၜဳိင္တအ္ဂွ္ရ။ ယဝ္ခါရ ေကတ္တင္တုပ္စိုတ္ညးဂမၜဳိင္တဲု ခ်ဴဓဇက္ေသှာဝ္ ေကၜာန္သၸေပဲါ႐ုဲမာဲမၢး ျပဒၵညာ အခက္အခုဲ ေအာန္မာန္ရ။ ဗီုကဿိန္ဍဳင္ဗဿာမၢး ပႝုတဲုဒးေကတ္တင္တုပ္စိုတ္ ႏူကႝုေကာန္ဍဳင္အရင္ဂမၜဳိင္တအ္ရ။ ေကာ္ပေကာံမှိဟ္ဂမၜဳိင္တအ္တဲုမွ ေကၜာန္သၸ ပဿိက္ေကင္ကာကဿိန္ဍဳင္ဗဿာဂွ္ အလႝုအသ႘ပှာန္၊ ကႜဳိပ္သၠဳိပ္နအဖတအ္ ဟြံဒးစိုတ္ရ။ ညးတအ္မြဲကႜဳိပ္၊ မြဲဂေကာံေဍာတ္ဂွ္ေဟင္ ဒးဒွ္ညးအာကႜဳိပ္ သြက္ေကင္ကာကဿိန္ဍဳင္ဗဿာေရာင္ ေစွ္လဝ္စိုတ္ႏြံသာ္ဏအ္ရ။ အရာခ်ဴဓဇက္ေသှာဝ္ ဥပေဒသဇုိင္သှာ ံ(၂၀၀၈)ေတံဂွ္မၢး ပဿိက္ဆႏၵေကာန္ဍဳင္အရင္ ဂမၜဳိင္တအ္ အာတ္မိက္လဝ္တအ္ဂွ္ ဟြံဒုင္တဲသက္က္တဲု ဗီုညးတအ္ဒးစိုတ္ဂွ္ေဟင္ အလႝုအသ႘ပှာန္တအ္ ခ်ဴဓဇက္တဲုအာတဲု ေစှာန္ဟီုကႝုထံက္ ဂလာန္ လိက္အုပ္ေသှာဝ္ဂွ္ရ။ လဿဳဟ္ပၜန္ ေသှာဝ္ေပဲါ႐ုဲမာဲဂွ္ ခ်ဴဓဇက္လၸာ္ ညးတအ္ မြဲလၸာ္ဓဝ္ေဟင္တုဲ လေလာင္ၾတးတဲုအာပၜန္ရ။
အခိင္လဿဳဟ္မၢး ညးဍဳင္ကြာန္မှဳံပႜဲဍဳင္ဗဿာ ဗြဲမဂၜဳိင္တအ္ဂွ္ ဟြံဂြံတီေကတ္လဝ္ သဘဵဓဝ္ဒ႘မဝ္ကေရၿဇ႘ဂမၜဳိင္ဂွ္ကီု၊ အေခါင္အရာမှိဟ္ မဆက္စပ္ကႝု ဘဝညးတအ္ဂွ္ကီု ညးဍဳင္ကြာန္တအ္ ဟြံကၜဳိဟ္ေကတ္ဍဳိက္က္ေပင္င္ဏီရ။ လၱဴတင္ေဆာတ္ေယာင္ညးဍဳင္ကြာန္တအ္ဂွ္ အလႝုအသ႘တအ္ တက္ၿပဲတုဲ မေကၜာန္သၸဏာသာ္ဏအ္ဂွ္ေရာင္ ေလဝ္ ညာတ္ေကတ္ဂြံမာန္ကီုရ။ ေသှာဝ္ဥပေဒေပဲါ႐ုဲမာဲဂွ္ စႝုကႝုဟလိုင္ဏအ္ သၜဒေကဝ္ဒေစင္မံင္မြဲလၸာ္ေရာင္ဂွ္ သဿာပေရင္ဍဳင္ကြာန္ဂမၜဳိင္တအ္ ဟြံမိက္ေထင္လဝ္ကီုရ။ ၐိုန္ဂွ္ေလဝ္ အလႝုအသ႘ပှာန္တအ္ လေလာင္ၾတးတိတ္တဲု ကၜဳင္ဂွ္ဗက္ အကာဲအရာဝြံ ထၞးမံင္သက္သ႘ကႝု ဟိုတ္အလႝုအသ႘ပှာန္တအ္ ေကၜာန္သၸဟြံဗဗြဲဓဝ္ဂမၜဳိင္၊ ေပဲါ႐ုဲမာဲဝြံ ပေရင္သၜးပြးဟြံမြဲ မပၱံတင္ဟြံတုပ္စိုတ္ညးဂမၜဳိင္ ကတႝုဒွ္မာန္ရ။ ဗြဲေတဿင္ ေကာန္ဍဳင္အရင္ဂမၜဳိင္ ဟြံပေတွ္ေစွ္စိုတ္ကႝု ေပဲါ႐ုဲမာဲအလႝုအသ႘ပှာန္တအ္မၢး ဒဒွ္ရသႏၳာန္အလႝုအသ႘ပှာန္တအ္ မှဳံစိုတ္ယုတ္မာကၜိေငၛတ္ ပပ္ပ႘ဂမၜဳိင္ေရာင္ဂွ္ ညာတ္ကၜးေထင္လႝုကၜဳင္ရ။
ဂေကာံအလႝုအသ႘ပှာန္နအဖ(နဝတ)တအ္ဂွ္ ႏူကႝုေပဲါ႐ုဲမာဲ သှာံ(၁၉၉၀)ေတံ က်ကၜဳင္လဝ္မာဲ ေဇှာ္ကႝုျဇဟတ္ရ။ ေဗာ္ပေရင္ဍဳင္ကြာန္ ေအန္ေအဝ္ဒ႘ ညးမအာကႜဳိပ္(ေဒၚေအာင္ဆန္းစုၾကည္)ဂွ္ ဇှးလဝ္မာဲေဇှာ္ကႝုျဇဟတ္ရ။ ဟိုတ္ဂွ္ရ ေပဲါ႐ုဲမာဲ သှာံ(၂၀၁၀)ဏအ္ ညံင္ဂြံဂြံဇှးမာဲဂွ္ေဟင္ အလႝုအသ႘ပှာန္တအ္ ပၱိတ္မံင္ကသပ္၊ သုင္ေစာဲမံင္နဲဒမၜဳက္ ပြလစြံစိုတ္ယုတ္မာဂမၜဳိင္ဂွ္ေရာင္ ညာတ္ေကတ္ရ။
ဂြံညာတ္ကၜဳင္လဝ္ ေပဲါ႐ုဲမာဲ သှာံ(၁၉၉၀)ေတံ အလႝုအသ႘ပှာန္တအ္ လီဠာန္ကၜဳင္လၱဴအရာပအပ္အဝႝု ကုေဗာ္ပေရင္ဍဳင္ကြာန္ ေအန္ေအဝ္ဒ႘ဂွ္တဲု စႝုကႝုတၛဲဏအ္ ညးဍဳင္ကြာန္တအ္ စိုတ္ေထဲမံင္ဟြံေျပဏီရ။ အခိင္လဿဳဟ္မၢး အလႝုအသ႘ပှာန္တအ္ ေကၜာန္သၸပဿိက္မြဲမြဲမၢး ညးဍဳင္ကြာန္တအ္ ဟြံမိက္ပေတွ္သက္က္ရ။ အလႝုအသ႘ပှာန္ဆက္ႏြံမံင္ေရာင္မၢး ဂေကာံညးÇဳင္ကြာန္ကႝု ဂေကာံအလႝုအသ႘ပှာန္တအ္ဂွ္ ဒွ္အာသှလဿိဳန္ကာလ ေဟင္ရ။
ရံင္ကႝုရမ်ာင္ ႁမတမႛဝ္မံင္ လၱဴပၚပဲါေသှာဝ္ဥပေဒေပဲါ႐ုဲမာဲဂွ္တဲု ပၱိတ္ကိုန္တြံညးဇှးမာဲတအ္ဂြံမာန္ရ။ ညးဂွ္ဇှးေရာ။ အလႝုအသ႘ပှာန္တအ္ဂွ္ ပၜန္ရ ဇှးမာဲေရာင္။ ဂေကာံထံက္ဂလာန္အလႝုအသ႘တအ္ဂွ္ေဟင္ ဒးဂြံမာဲဇှးဂၜဳိင္ေရာင္ ဟီုဂြံရ။ မှိဟ္ေဍံကႝုေဍံ ေကၜာန္သၸေကတ္၊ ေဍံတအ္ကႝုေဍံတအ္ စုတ္မာဲေကတ္ သာ္ဏအ္ေဟင္ ညးဍဳင္ကြာန္တအ္ ညာတ္ရ။ ၐိုန္ရ အလႝုအသ႘ပှာန္တအ္ ဟြံဂြံဇှးေကတ္မာဲကီုေလဝ္ နကႝုအထံက္အ႐ုီ သဇိုင္ေသှာဝ္ဥပေဒ (၂၀၀၈)ဂွ္တဲု အလႝုအသ႘ပှာန္တအ္ ဇှးလဝ္မာဲ ဒှာဲကၜတ္ထဝ္ (၂၅) တဿအ္ကၜံတဲုတဲုေရာင္ဂွ္ ဒးခ်ပ္ဂြံသတိရ။ အရာဝြံ ဂြန္အလႝု အသ႘ပှာန္တအ္ေဟင္ မဒွ္ရ။ ၐိုန္ဒွ္အလႝုအသ႘ တက္ကယ်ဳိင္မှိဟ္ကီုေလဝ္ စိုတ္ဓါတ္ပှာန္ဂမၜဳိင္တအ္ဂွ္ ကၜဳင္ပေလွ္မံင္ အလႝုအသ႘ဂွ္ပၜန္ေဟင္ မဒွ္ေရာင္။
ေပဲါ႐ုဲမာဲ (၂၀၁၀) ဂွ္ ဟဿဲဗဗြဲဓဝ္ေရာင္။ ပေရင္သၜးပြး ဟြံမြဲေရာင္။ ေပဲါ႐ုဲမာဲဝြံ ဂုဏ္ဖႝုသြက္ေကာန္ဍဳင္ အရင္တအ္ဟဿဲရ။ သြက္ေကာန္ဂကူမန္ပ႙ုေလဝ္ ဟြံဒွ္ဂုဏ္ဖႝုရ။ ေပဲါ႐ုဲမာဲဝြံ သြက္ဂြံပေသာင္ပဋိပကၡ ပေရင္ဍဳင္ကြာန္ ပႜဲကဿိန္ဍဳင္ဗဿာဟြံေသင္ရ။ ေပဲါ႐ုဲမာဲဝြံ အလႝုအသ႘ပှာန္တအ္ ဆက္တဲု သြက္ဂြံပိုင္ၿပ႘အာ အဝႝုပေရင္ဍဳင္ကြာန္ နနဲမလုပ္ေသှာဝ္ေရာင္ ဂ်ာေနဝ္ ''ေခတ္ပ႙ု '' ညာတ္ေကတ္ရ။ ။