ဒုင္ဒဒိုက္သြက္ဂကူ သက္က္ညိ

ဂ်ာေနဝ္ေခတ္ပ႙ု၊ ေလဿင္ (၅၅)၊ ဂိတုေသပ္ေတမ္ဗာ၊ ၂၀၀၉

ၐုိန္ရအဲမွာကီုေလဝ္ ကေမၜာန္အဲေကၜာန္သၸဏာလဝ္တံဂွ္ မွာေရာင္ အဲဂြံဟီုဒုင္ဝန္ဂွ္ ဝါတ္ေလာန္ကီုရ။ သတၱိဟြံမြဲေလဝ္ ဟီုဂြံရ။ ယဝ္ရအဲဟီု အဲမွာေရာင္မၢး ေကာန္ဂကူပ႙ုဓမၼတာတံ ဒုင္တဲအဲမာန္ ဟြံေသင္ရ။ အဲဂွ္ညးဂွ္ေရာဂွ္ ကာလအဲပုိက္တမ္ဂၜာဲ႐ုိဟ္ဂွ္ ဒဒွ္ရအဲ တုပ္သဿဟ္ကႝု ေကာန္ေငၛဟ္အာဒတုံေစွ္ ပႜဲဘာရသိမၿပဲ ဟုိတ္ႏူလဗုိတ္က်ာဂွ္ အဲတီေကတ္ရ။ လပအ္အဲေတံဂွ္ ဒှာဲဒတန္မိမအဲေၾတံ မိက္ဂြံ ကေလင္စုိပ္တဲု မိက္ဂြံကေလင္ပံင္ေကာံမံင္မြဲစြံကႝု ေဗာ္သြးအိန္ထံင္အဲရ။ ေဒံအဲမြဲပေရံပၜန္ဂွ္ သီုအာဒတုံေစွ္ ပႜဲဒှာဲကမၜတ္ ဒမၜမတာဏီရ။ မိမယာဲတအဲ ၐုိန္ရတိက္ လၸအ္ညာတ္အဲခုိဟ္ ကီုေလဝ္ ဆဂး ဍာ္ရမတ္ညး ဒးဓဇူေစွ္ဒဿံင္အ႐ုိဟ္တၛဲ ဒဿာႏူညးမမိက္ဂြံဆႝု အဲကႝုေဒံအဲရ။ ေမတၱာမိမဂွ္ ပေတာံၐတ္ဟြံမာန္ရေသင္ဟာ။ မိမအဲ ဗွ္သှာအဲကႝုေဒံအဲကၜးကၜးဂွ္ ျဇာဲကံင္ခ်ိဳတ္ဒွ္မာန္ရ။ အဲကႝုေဒံအဲ ခ်ိဳတ္အာဒွ္မာန္ေရာင္ဂွ္ေလဝ္ မိမအဲေထင္ေစွ္စုိတ္ ဒွ္မာန္ရ။ မြဲဘဝဏံ မိမအဲ ဟလႝုလေလဝ္ကလိဂြံ တသုိက္စုိတ္ဟြံမာန္ ဒဿာႏူညးတံ ဒးသာဲျခာကႝုေကာန္ဇာတ္တဲု ဒွ္လှီ လှာ္ရ။
''ယြံအၥာတၜရသိ ယဝ္ရတၜရသိ ျဂင္တီေကတ္ ဒွ္ဘဝမိမ အဲမာန္တဲု လဵဗစကႝုမာန္မၢး ဂလုိင္လႝုခုိဟ္ေရာ ဟြံတီရ။ တဲုပၜန္ ယဝ္ဖန္ကႝု အဲဂြံကေလင္ပံင္ေကာံကႝု မိမအဲကႝုေဒံအဲပၜန္မၢး ဂလုိင္လႝု ခုိဟ္ေရာဟြံတီရ။'' ဂလာန္ျမဵသာ္ဝြံ ေကာန္ေငၛက္ဂွ္ ျဂင္ပတီတၜရသိရ။ ယင္ဝြံဂွ္ ဒွ္ေလာကဓဝ္ရဟာ။ ဟုိတ္ႏူအလႝုအသ႘ပေရံ ပေရင္ဒုင္လ်ိဳင္ လၱဴညးဍဳင္ကြာန္တံ ဟြံမြဲဂွ္တဲု ညးဍဳင္ကြာန္တံ ဒးျဂိပ္ဒဵ စုိပ္ဍဳင္မၛး ဗီုညးကႝုညးအုိတ္ရ။ ေထာံေကၜံမိမေကာေဒံ သၛိဌာန္ျဒပ္ရတ္ကေမၜာန္ ေၾတံတံတဲု ဒဵလလဵဇုိင္အုိတ္ရ။ ပူဂႝုစုိပ္ဍဳင္ဇုိင္ဝုတ္ဒုိဟ္တံ ဗြဲမဂၜိဳင္ဂွ္ ဒွ္ဒဒုိက္စုိပ္ေကှာတ္ရ။ ဗှတ္ညိည မစုိပ္ဍဳင္ပလုိတ္ တတိယတံဂွ္ ဒွ္တသုိက္စုိတ္ရ။ ဘဝညးတံဂွ္ တုပ္သဿဟ္ကႝု ေကာန္ေငၛက္မဒး လဗုိတ္က်ာေမလံင္တဲု အာဒတုံေစွ္ ပႜဲဇေရင္ကမၜတ္ဒမၜမတာကႝု တၜပညာရသိကီုရ။ ၐုိန္ရညးတံ မမိက္ကေလင္ပံင္ေကာံကႝု မိမေကာေဒံ ညးတံ ျပဟ္ဟ္ကီုေလဝ္ ဟြံေလာဲသြာရ။ ရဲစုိပ္ဍဳင္ဒုတိယတံ ဗြဲမဂၜိဳင္ဂွ္ ဒွ္ဒဒုိက္စုိတ္ကာယဂၜိဳင္တဲု ရဲစုိပ္ဍဳင္ပလုိတ္တံ ဗြဲမဂၜိဳင္ဂွ္ ဒွ္ဒဒုိက္ စုိတ္ဂၜိဳင္ရ။
အဲဂွ္ ဒွ္သြးေလၵာဝ္ၐ႘ ဟ႘အာဟ႘ကၜဳင္ဂွ္တဲု ႏူဍဳင္ဇကုစုိပ္ဍဳင္ ဇုိင္ဝုတ္ဒုိဟ္ ႏူဂွ္ ကေလင္စုိပ္အာ ဍဳင္ပလုိတ္မြဲဍဳင္ရ။ ဗီုအဲကူခ်ပ္လဝ္ ပႜဲဘဝအဲတံဂွ္ ၐုိန္ရအာယုက္အဲစုိပ္ဒဿံင္ ဗဒÌပန္ေစွာ္ကီုေလဝ္ မုမြဲကီု ဟြံဒွ္ကၜဳင္ ကုအဲဏီရ။ ေကာန္ဂကူအဲ ေကုာံ ေကာန္ဍဳင္အဲတံဂွ္ကီု ဗြဲေတဿင္ေကာေဒံအဲကီုတံဂွ္ တုပ္သဿဟ္ဗီုအဲကီု ဗီုညးတံကူခ်ပ္လဝ္ ဘဝညးတံဂွ္ မုမြဲဟြံကတႝုဒွ္ကၜဳင္အုိတ္ရ။ ရန္တဿအ္အနာဂတ္ မုမြဲဒွ္ဍာံ ဂွ္ေလဝ္ ဟြံဂံင္ဟီုအုိတ္ရ။ ကာလပူဂႝု မေဆင္စပ္ကႝုဌာနမြဲမြဲတံ သဿာန္ကၜဳင္ ဂတဏံစွ္သှာံ မုမြဲမိက္ဂြံဒွ္ေရာဂွ္ အဲဂြံဟီုပတိတ္ဂွ္ အဲဂြဒဿံင္ ပႜဲစုိတ္ရ။
ဘဝအဲဂွ္ သြးေလၵာဝ္ၐ႘ေရာင္ ယဝ္အဲဟီုထၞးမၢး အဲဏံကႜဟ္ ဟြံေပင္ပုဟ္ဂွ္ ညးတံပေတွ္ေကတ္တဲု ခ်ဴစဿတ္သမၱီေကတ္ ပႜဲတှးလိက္ ညးတံ ဒွ္မာန္ေရာင္။ အဲဂွ္ ဂၜံင္ေကၜံဒဿံင္လၱဴဍာန္ေရာင္ ယဝ္ဟီုမၢးေလဝ္ ညးတံဟြံပေတွ္ေကတ္ရ။ ဗီုလႝုညးတံ ကေလင္ဟီုကႝုအဲမာန္ေရာဟီုေတွ္ ''ဍဳင္ပ႙ုဏံဂွ္ ဒွ္ဍဳင္အေခါင္အရာ ခုိဟ္မြဲဂွ္တဲု ၾယဵညးလႝုမြဲဟြံဟီု ႐ုန္ဂစာန္မၢး အံင္ဇှးအဝႝုရ။'' ကာလဂွ္ အဲမိက္ဂြံ ကေလင္ဟီုကႝု ညးတံဂွ္ တုပ္သဿဟ္ကႝုေကာန္ေငၛက္ အာဒတုံေစွ္ ပႜဲဇေရင္ဘာတၜရသိ မဟီုကႝု တၜရသိဂွ္ေရာင္။ ပႜဲသဿန္ပါင္အဲ ၐုိန္ရအဲဟြံဟီုပတိတ္ကီုေလဝ္ ပႜဲစုိတ္အဲေတံ ဗွ္ဗှဳဟ္ဒဿံင္ဂလာန္ဂွ္ေရာင္။ ဒဒွ္ဘဝအဲဂွ္ အဲရတီေကတ္ မာန္ေရာင္။ အရာအဲမိက္ဂြံဒွ္ဂွ္ မုမြဲကီု ဒွ္ကၜဳင္ဟြံမာန္ဂွ္တဲု စုိပ္ကၜဳင္ ဍဳင္ပလုိတ္ရ။ ဂတဏံေလဝ္ ဗီုအဲမိက္ဂြံဒွ္ဂွ္ ဒွ္ကၜဳင္ေလာဲေလာဲ ဟြံမာန္ရ။ ဂကူဇကု ဒွ္ဒဿံင္ဘဝဍိက္ဏီမၢး ဗီုဇကုမိက္ဂြံေကၜာန္၊ မိက္ဂြံဒွ္ တအ္ဂွ္ မုမြဲကီု ဒွ္ကၜဳင္ဟြံမာန္ရ။
ယင္ဝြံဂွ္ ဒွ္ဒဒုိက္ေဇှာ္ေဇှာ္မြဲေရာင္။ တသုိက္ကႝုဒဒုိက္ဂွ္ ေလာကဓဝ္ေရာင္ က်ာ္ၾတဲပ႙ုတြံလဝ္၊ ဒဒုိက္ေဇှာ္ႏူ ဒးသာဲျခာကႝု မိမသၛိဌာန္ဇကု မေသှံသှဵဂွ္ ဟြံမြဲေရာင္ဂွ္ အဲကူခ်ပ္ စုိပ္အာရ။ ပႜဲေကၜင္ကႜဟ္အဲေတံဂွ္ ေပင္ကဿိဳဟ္ဒဿံင္ကႝု ဓဝ္ေအာန္စုိတ္ ဒးသာဲ ျခာကႝုမိမရ။ မိမအဲ ယဲဒုိက္မၢး ညးဂွ္လြ႘လြတ္ေရာ။ မိမအဲဂွ္ အဲဟြံက လိဂြံ အေခါင္လြ႘လြတ္ဂွ္ ဒွ္အရာေဆာံေလင္ ေဇှာ္ေဇှာ္မြဲရ။ တ သုိက္ကာယဂွ္ အဲဟြံသၸဂ႐ုရ။ ဒဒုိက္စုိတ္ဂွ္ေဟင္ အဲသၸဂ႐ုရ။ ဒဒုိက္ ေကာန္ဂကူအဲ မမှဳံအပႜဲဍဳင္အဲဂွ္ အဲဗေၐက္ေကၜံ မတ္ရဟာ။ ဂၜာဲတသုိက္ဇကုဂွ္ ၐုိန္ရေလာဲအုိတ္အေစာန္ကီုေလဝ္ ဆဂး ဂၜာဲတ သုိက္ဂကူဂွ္ ဝါတ္အုိတ္အေစာန္ရ။ ဟုိတ္ႏူ ဂၜာဲတသုိက္ဂကူတဲု ဒွ္ဒဒုိက္ဂွ္ ဂပ္ဂဝ္ေထက္ကႝု ဒးမိပ္စုိတ္ရ။ ခ်ိဳတ္တိပုိင္ ဂ်ိဳင္သြက္ဂကူ သြက္ဍဳင္ညိ။ အၥာအဲတၜရသိ အလႝုအသ႘ ကဿိန္ဍဳင္တတိယတံဂွ္ အဲတင္ဂုန္ ဟြံအုိတ္ရ။ ဆဂး ယဝ္ရအဲဂြံအေခါင္ ကေလင္ပံင္ေကာံကႝု မိမအဲ ပႜဲဍဳင္အဲတုိပ္သုက္မာန္မၢး တသုိက္ဏံ ဒွ္တသုိက္ေဇှာ္အုိတ္ မြဲရ။
အရာအဲႏြံပဿိက္ေဇတ္တ္ဂွ္ လႈဲလွာ္ၾသန္ထဝ္ဟြံေသင္ ဓဝ္ျဇဟာန္ ေဗာ္သြး မိမအဲေရာင္။ အဲစုိပ္ဍဳင္ပလုိတ္ ဒှာဲဒတန္ တသုိက္ကာယတဲု ေကာန္ဂကူအဲ၊ ေကာန္ဍဳင္အဲဒွ္ဒဿံင္ဒဒုိက္ ညံင္ရဵေကာန္ေငၛက္ အာဒတုံ ပႜဲဒမၜမတာဂွ္မၢး မုဂံြေတဿင္ကုအဲေရာ။ အဲက်ာ္မြဲဓဝ္ လုပ္အာနိဗၺာန္တဲု သတ္တံမတ္ကၜက္ဒဿံင္ ပႜဲတရဵၾသဃသံသာဏံမၢး ဗႝုဟြံမိက္ေစွ္စိုတ္တဲု က်ာ္ၾတဲပ႙ု ႏူဘဝရသိ သုေမဓေတံ ဒုင္ကၜဳင္ဒဒုိက္သက္က္ သြက္သတ္တံ ဂြံစုိပ္နိဗၺာန္ရ ဟြံေသင္ဟာ။ တုပ္သဿဟ္ကႝု ကေဠမ္ဍာ္သာဲ မမှဳံပႜဲတှဳင္ ၐုန္ကီုရ ဟြံေသင္ဟာ။ ဒဒုိက္ေကာန္ဍဳင္ဇကု ေဇှာ္ေလာန္ဂွ္ နကႝုေဗာ္ သြးမိမဂၜးတိတံ ဗႝုရံင္ဟြံမိပ္တဲု အာဟီုကႝု မိမယာဲခြီဳ နအဖဂွ္ မိမယာဲခြီဳ သီုလက္ဏာပၜန္ရ။ ဓဇန္ေလာန္ေကြံရ ယာဲခြီဳေယ်။ ေကာန္ဍဳင္ပ႙ု မုဝိပက္ ဂြံေဇှာ္ဂလုိင္ဏံေရာ။ သဿိင္ေဗာဓိသတ္ ညံင္ရဵဆာန္ဍဴသတ္ အုိတ္အေစာန္ကီု သဿိင္ေဒဝဒတ္ နအဖဂွ္ေလဝ္ ဓဇန္လၱဴေကာန္ဍဳင္ ဇကု အုိတ္အေစာန္ကီုရ။ လလအ္သဿိင္ေဒဝဒတ္ နအဖတိဂြံငၛိတ္ဂွ္ ေကာန္ဍဳင္ကြာန္တံေလဝ္ ဗယီု (လမ်ီဳ) ၾကပ္အုိတ္ကီုရ။
''ယြံေကာန္စဵကၜဳင္ညိ၊ ကုိပ္ကၜာမိဟြံဂြံအာ ဘဝပရလုိက္ မတ္ပၜိဳတ္ဏီဂွ္ မိက္ဂြံဆႝုေကာန္ကႝုေကာန္စဵမိရ။'' ၐုိန္ရ မိမအဲ ဟီုကႝုအဲ နကႝုဖုင္ေလဝ္ အဲကေလင္စဵ ဟြံဂြံပုဟ္ဂွ္ေဟင္ ဒးကေလင္ဟီုသြဟ္ရ။ ''မုပေကာန္မိ ဒဒုိက္ဂြံေဇှာ္ဂလုိင္ဏံေရာ။ ဂလုိင္ဏံ ဂြံဒးၾကင္ေၾကာဝ္ ဒဿံင္ကီုရဟာ။ ဂြံနင္ဗြိဳက္လၱက္ေတွ္တဲု စဵစုိပ္သၛိ မိဖန္ကႝုဖအုိတ္''ၐုိန္ ရဟီုကီုေလဝ္ ဆဂး အဲဓ႐ုိက္ဒဿံင္ကႜိဳပ္လဿဳိန္ရ။ ဂလုိင္ဏံ ဂြံဒးသိင္သာကႝု ဘဝမှိဟ္မြဲဘဝကီုရသြံ။ ဇုဇဗဵလကၜာေတံ ၐုိန္ရညးေတံ ဒးစပုင္ဍာ္ကႝု ၐႝုကီုေလဝ္ ဆဂး ဂြံဒဵတိတ္ႏူဍဳင္ဟြံမြဲ၊ လဿဳဟ္မှိဟ္ေခတ္ဏံ ဒွ္ဒဒုိက္ ညိညဂွ္ ေထာံဍဳင္ေထာံကြာန္အုိတ္ရ။ ေဖက္ဒဒုိက္ေကြံရ။ သဿိင္ဗဿာအံင္ ေဇယ်ဗက္ဂစုိတ္ကမၜက္ကီုေလဝ္ ဇုဇဗဵလကၜာေတံ ညးတအ္ ေအင္ေကၜာဝ္တန္တဵမံင္ အၾကာႁဂိပ္ဂှိင္တဲု ဒုင္ကၜဳင္ဒဒုိက္အုိတ္ရ။ ညးတအ္သႜိဳက္ဆာန္ ဒှာဲတုိပ္သုက္ညးတံ ဗြဲမေလာန္ရ။ ဟြံဒုင္ဒဒုိက္မၢး ဟြံကလိဂြံတသုိက္ရ။ မင္ကႝုဍဳင္ျပံင္လွာဲတဲု ကေလင္စဵဍဳင္ဟီုဂွ္ ဒွ္မှိဟ္ မင္မံင္အေခါင္အရာေတဿင္ရ။ အလႝုညးတအ္ ညးတအ္ ဟြံေကၜာန္ ေကတ္တ္တဲု မင္ေကတ္ဂွ္ ဒွ္ေကာန္ဍဳင္ပေရံပေရံမြဲေရာင္။ ေကာန္ဍဳင္ဂွ္ စုိတ္ဓာတ္သဝ္မၢး ဍဳင္ဂွ္ဝြံ ကာလလႝု ဟြံတဵတက္ရ။ မှးတအ္ ဒဵတိတ္ ႏူဍဳင္ အခိင္လအ္အာမၢး ပ႙ုစုတ္ေထာံ စရင္မှိဟ္ေကၜံကႝု မှိဟ္ခ်ိဳတ္ ေရာင္။ စဵကၜဳင္တဲု ဒုင္ဒဒုိက္မြဲစြံညိ။ ဍိဳက္မြဲဂၜဳင္၊ ဒေယွ္မြဲဒြက္၊ သုင္ဍာ္မြဲပၛာန္မြဲျဗံက္ညိ။ မှးတအ္ဟီု အာကတ္ပညာဂးတဲု ဂြံပညာတဲုဂွ္ ဟြံကေလင္စဵကၜဳင္ဍဳင္၊ စှးဂွ္ ဂၜာဲကေမၜာန္ခုိဟ္ဟ္ အေတံတဲု စဿ႘ၾသန္ လုပ္ခုိဟ္ဟ္ သြက္ဘဝဂြံသုိက္သၜိင္ရ။ မှးတအ္ ဒွ္ေကာန္ဂကူမန္မၢး ဍဳင္လႝုစုိပ္ပ္ ဒွ္ဒဿံင္ဘဝဍိက္လဿိဳန္ေရာင္။ မှးတအ္ ဒွ္အာေကာန္ဍဳင္ မပၱံကႝုေသံတဲု သၸေကာန္ပှာန္ဍဳင္တံဂွ္ရ။ ဟြံဂံင္သၸ ေကာန္ပှာန္ပၜန္ဂတး ေကာန္ဂကူမန္ ဒဿာႏူၾသန္ဂိတုဟဿဲ ဘဝဟြံသိုက္သၜိင္ရ။ ယဝ္မှးတအ္ ေကၜာန္သၸအာဒဿံင္ ဗီုဗီုဂွ္ရမၢး ဍဳင္မန္ဂွ္ ကဝ္ၾကပ္တူေတံေလဝ္ ကေလင္ ကလိဂြံမာန္ ဟြံေသင္ရ။
ဂကူမန္ဂွ္ ကလိဂြံသရဏဂုန္ၐါ ကုိပ္ကၜာအုိတ္ ဒွ္ဂကူေ႐ွ္ေသွ္ သာသနာ က်ာ္ႀတဲၿဇိဳဟ္နက္အုိတ္ ဒွ္ဂကူပရးလဝ္ သာသနာက်ာ္ၾတဲ ပႜဲအာယွဒုိဟ္အဂှဲကီုေလဝ္ လဿဳဟ္ဏံ ဘဝယုတ္သဝ္ေလာန္၊ ယဝ္ ေကာန္ဂကူမန္တံ ဗက္ဒဿံင္ဍာ္သာ သြက္တသုိက္ပူဂႝုသဿးတဲု ဟြံဂံင္ဒုင္ ဒဒုိက္ သြက္ေကာန္ဂကူ ဂြံဗၜးၐးမၢး ဂတဏံ ဗၜိဳက္ေစွ္အာ ပႜဲဝဲခှံင္ ေခတ္တဿိ မေကာ္ခဵဂး ဂလဝ္ဗဵလာ္ေျဇေယွန္(Globalization) ဝြံေရာင္။ လၸၿပိဳင္ပညာ ညးသကအ္ညိဏီ၊ ကႝုဂံြၿပိဳင္ ညးဂွ္ဆာန္ဂကူ ဂၜိဳင္အုိတ္ညိ၊ ဒုင္ေစက္သြက္ဂကူဂၜိဳင္အုိတ္ညိ။ ဂၜဵျပးေတွ္ ကၜကိတ္၊ မိတ္ျပးေတွ္ ဒးဘဲေရာင္။ အေႏွန္ေကၜာန္ဒဿံင္ သြက္ပေရင္ျပံင္လွာဲ ဂြံကေလင္စဵဍဳင္ဂွ္ ဇကုဂွ္ တိတ္အာႏူဇုက္ဍာ္ဂွ္တဲု အာဇူေထာံၐုိဟ္ဟ္တဲု မင္ဒဿံင္အခိင္ စုိပ္ဇုိင္ၾသင္သဿးဂွ္ ဒွ္သမၜီဳပါပ စုိတ္ဓာတ္မယုတ္သဝ္မြဲမာန္ေရာင္။ သတၱိ ဗီုက်ာ္ၾတဲ ဒုင္ဒဒုိက္ သြက္ဂြံဟံင္ျပာ္သတ္ကၜးကၜး ႏူဘဝတၜရသိ သုေမဓေတံဟဿဲမၢး ဂြံေရွ္ေသွ္ကႝုကႜိဳပ္မာန္ဂွ္ ဂပ္ဂဝ္ဒးႁဇိင္စုိတ္ေရာင္။ မှိဟ္စုိတ္ဓာတ္သဝ္သဝ္ ဗီုဏံဂၜိဳင္ခႜင္ ဍဳင္ဂွ္ အာစုိပ္ဒဒုိက္ ဂၜိဳင္ခႜင္ရ။

ညးပၲဳိန္ထၞး - ေကာန္စဵထဝ္