ဂ်ာေနဝ္ေခတ္ပ႙ု၊ ဂလာန္ညးဒါန္လိက္ ေလဿင္ (၆၃) ၊ ဂိတု ေသပ္ေတန္ဗာ၊ သှာံ (၂၀၁၁)
ကဿိန္ဍဳင္ပ႙ုဝြံ ဂြံကၜဳင္ဗၜးၐး ႏူသဿဝ္တဲညးသၜဲတိ ပေဒသရာဇ္တံဂွ္ လဿဳဟ္မၢး ေပင္ကၜဳင္(၆၃)သှာံရ။ ပေရင္ဗၜးၐးကဿိန္ဍဳင္ဂွ္ ကလိဂြံ ပႜဲသှာံ(၁၉၄၈)၊ ဂိတုဂ်ာန္နဝါရ႘(၄)ဂွ္ မဒွ္ရ။ ကဿိန္ဍဳင္ပ႙ုဝြံ ၐုိန္ရကလိဂြံလဝ္ ပေရင္ဗၜးၐးကဿိန္ဍဳင္ ေပင္ကၜဳင္(၆၃)သှာံကီုေလဝ္ ပေရင္ဗၜးၐးေကာန္ညးဍဳင္ကြာန္ ေကုာံ ပေရင္ဗၜးၐးေကာန္ဂကူ ေကာန္ဍဳင္အရင္တံဂွ္ စႝုကႝုအခိင္တၛဲဏံ ဟြံဂြံဒုင္စသုိင္ဏီရ။ ၐုိတ္ ဂေကာံအလႝုအသ႘ပှာန္ သီလဝ္အဝႝု မြဲဂေကာံတံေဟင္ ထိင္ဒဝ္ဗေဂတ္ကၜဳင္အဝႝုတဲု ဒုင္စသုိင္ဒဿံင္ ပေရင္ဗၜးၐးကဿိန္ဍဳင္ ႏူမကလိဂြံလဝ္ ပႜဲသှာံ(၁၉၄၈)ေတံဂွ္ရ။
အလႝုအသ႘တၜအဝႝုပှာန္ အဆက္ဆက္တံ အုပ္ဓုပ္ကၜဳင္ကဿိန္ဍဳင္ နကႝုအဝႝုညးတံ (ဝါ) နပဿိက္ဆႏၵညးဍဳင္ကြာန္တံ ဟြံေသင္ဂွ္ စႝုကႝုအခိင္လဿဳဟ္ဝြံရ။ မြဲဒျမိပ္အလႝုအသ႘ပှာန္ အုပ္ဓုပ္ကၜဳင္ကဿိန္ဍဳင္ အခိင္ဗြဲမလအ္လတံဂွ္ ပေရင္ ကဿိန္ဍဳင္ ႐ုသံင္ကလုိက္ကဿႝဳ ႏြံကၜဳင္ ဗြဲမဂၜိဳင္ကီုရ။ ဟုိတ္သာ္ဝြံတဲု ပေရင္ၐုိဟ္ႂသိဟ္ ႏူသတ္ပဿဝ္ဇဝ္ပၠဵ ပေရင္ဗၜးၐး တံဂွ္ေလဝ္ ညးဍဳင္ကြာန္ပႜဲကဿိန္ဍဳင္ဂမၜိဳင္တံ ဟြံဂြံဒုင္စသုိင္ရ။ သၟာင္ႏူဟြံဂြံဒုင္စသုိင္ ပေရင္ၐုိဟ္ ႀသဳိဟ္သဿးဟြံက ပေရင္ဒးဒုင္ဖံက္ပကဝ္ အေခါင္အရာဂမၜိဳင္တံေလဝ္ ဒးဆႝုဂဗကၜဳင္ဗြဲမဂၜိဳင္ရ။ ဗြဲေတဿင္မၢး ေကာန္ဂကူေကာန္ဍဳင္အရင္တံ သာတဲုဒးဆႝုဂဗ ပေရင္ဖံက္ပကဝ္တံဂၜိဳင္ဏီရ။
အလႝုအသ႘တၜအဝႝုပှာန္တံဝြံ ဇဿာပ္ေပဲါထၞးဆႏၵ၊ ေပဲါအာတ္မိက္ညးဍဳင္ကြာန္တံဂွ္ ဟြံပေသာင္ကႝု နနဲၐုိဟ္ဟ္ႀသဳိဟ္ဟ္ (ဝါ) နေပÌသ႘ကၜ႘တက္က်ာညးသၠအ္ေရာင္ဂွ္ ဂြံဆႝုေကတ္ မပၱံပႜဲေပဲါထၞးဆႏၵ(၈၈၈၈) ေကုာံ ေပဲါထၞးဆႏၵခဿ႘သင္ေဖႜာတ္မၛႝဳ(၂၀၀၇)ဝြံရ။ နနဲပကီုပရာပ္ ဍႝဳဍိဳက္ေကတ္မာန္မြဲလၸာ္ေဟင္ ပေသာင္ကၜဳင္မံင္ဂွ္ ဂြံဆႝုေကတ္ရ။ သြက္ဂြံပေသာင္ ပေရင္ကဿိန္ဍဳင္ နနဲၐုိဟ္ဟ္ႂသိဟ္ဟ္ သ႘ကၜ႘တက္က်ာ ပည႘ပညပ္ညးသၠအ္တံဂွ္ ၐုိန္ရညးဍဳင္ကြာန္၊ ေဗာ္ပေရင္ဍဳင္ကြာန္ ေကုာံ ကႜိဳပ္သကုိပ္ပေရင္ဍဳင္ကြာန္ဂမၜိဳင္တံ ကႝုလညာတ္ပၜဳပ္ဂလာန္ကီု ေလဝ္ အလႝုအသ႘ပှာန္တံ ဟြံဓမံက္ကၜဳင္႐ုပ္ရဵ စႝုကႝုလဿဳဟ္ဏီဖုိဟ္ရ။
နဲကဲညးဂမၜိဳင္ ကႝုကသပ္အာတ္မိက္တံဂွ္ ဟြံေကၜာန္သၸဓမံက္႐ုပ္ရဵတဲု အတုိင္နဲကဲညးတံႏြံပဿိက္ သြက္ဂြံထိင္ဒဝ္အာ အဝႝု ဍာ္ဇမၜိင္မာန္ဂွ္ေဟင္ ဂၥာန္ေကၜာန္အာဒဿံင္ ေလဿင္ေလဿင္ရ။ ဟိုတ္ဒွ္သာ္ဂွ္ရ ပႜဲသှာံ(၂၀၀၈)ဂွ္ သၸဒတန္ဏာ သဇုိင္ေသှာဝ္ဥပေဒဒက္ပၱန္ဍဳင္ ဂေကာံညးတံခ်ဴလဝ္ဂွ္တဲု ပႜဲသှာံ(၂၀၁၀)၊ ဂိတုနဝ္ေဝမ္ဗာ(၇)ဂွ္ ေကၜာန္သၸဏာေပဲါ႐ဲုမာဲ အလုံမြဲကဿိန္ဍဳင္ပၜန္ရ။ ေပဲါ႐ဲုမာဲဝြံပၜန္ေလဝ္ အတုိင္ကႜိဳပ္သကုိပ္ပေရင္ဍဳင္ကြာန္ဂမၜိဳင္ ေကုာံ ဂေကာံဍဳင္သၟာင္ဂမၜိဳင္တံ အာတ္မိက္ဂွ္ အလႝုသ႘တၜအဝႝုပှာန္တံ မုေလဝ္ ဟြံဗက္ကၜဳင္မြဲသာ္တဲု "ေပဲါ႐ဲုမာဲဝြံ မဍိဳက္ေပင္တဵကႝု အေခါင္ဒ႘မဝ္ကေရျဇ႘ေရာင္'' ဂွ္ ဥဴဉာဏ္ေဝန္ ဟီုဏာပႜဲေကာံဓ႐ီုကုလသမဂၢရ။
ေပဲါ႐ဲုမာဲဝြံ အေခါင္ဒ႘မဝ္ကေရျဇ႘ ဍိဳက္ေပင္ဟာ/ဟြံဍိဳက္ေပင္ဟာဂွ္ ရံင္ေကတ္ကႝုပေရင္တာဒှာ အမာတ္လုပ္ႁပိင္႐ဲုမာဲ က်ိဳင္ကယ်ိဳင္ဂကူညးတံဂွ္မၢး တီကၜးကၜဳင္မာန္ရ။ အေခါင္အရာဇကုႏြံပဿိက္ဂွ္ ဇဈာပ္ေကမ္ညံင္ဂြံဂြံတဲု ဗက္တာဒှာဒဿံင္ အေခါင္အရာညးတှဟ္ ဂမၜိဳင္တံဂွ္ ဒွ္သဘဵဓဝ္ဒ႘မဝ္ကေရျဇ႘ ဟြံေသင္ရ။ ၐုိန္ရကႜိဳပ္သကုိပ္ပေရင္ဍဳင္ကြာန္တံ ဟီုဂးပၚပဲါမံင္ကီုေလဝ္ ေပÌ႐ဲုမာဲဂွ္ဝြံ အလႝုအသ႘ပှာန္တံ ေကၜာန္ဗဒွ္ဏာ အတုိင္လေလာင္ၾတးလဝ္ ပႜဲစဿတ္တၛဲ(၇)၊ ဂိတုနဝ္ေဝမ္ဗာ၊ သှာံ(၂၀၁၀)ဂွ္ရ။ ေကၜာန္သၸေပÌ႐ဲုမာဲ တဲုဗက္ဟြံဂတာပ္ ပေရင္႐ုကသံင္ ေပÌဗတိုက္ရပ္လြဟ္ စတဲုကတႝုဒွ္ကၜဳင္ရ။ ဣဏံဝြံ ေပဲါ႐ဲုမာဲအလႝုအသ႘ပှာန္ ေကၜာန္ဗဒွ္လဝ္ဂွ္ ပေသာင္ကႝုျပဒၵညာ ပေရင္ကဿိန္ဍဳင္ဂြံၐုိဟ္ႂသိဟ္ ဟြံမာန္ဏီေရာင္ဂွ္ ထၞးမံင္သက္သ႘ရ။ ပေရင္ကဿိန္ဍဳင္ဟြံ ၐုိဟ္ႀသိဳဟ္မၢး ပေရင္ဖံက္ပကဝ္ အေခါင္အရာတံေလဝ္ ေအာန္ေစွ္အာဟြံေသင္ရ။
ပေရင္ကဿိန္ဍဳင္ဟီုဂွ္ တန္တဵဒဿံင္ကႝု အလုံညးဍဳင္ကြာန္သီုဖအုိတ္ေရာင္။ နကႝုပဿိက္ဆႏၵဂေကာံဇကုတဲု ေကၜာန္သၸဏာမၢး ဟြံသၸစှးကႝု ညးဍဳင္ကြာန္ဂမၜိဳင္ မဒွ္ရ။ ေလဿင္ကေမၜာန္ေကၜာန္ဏာတံဂွ္ ဟြံသၸစှးကႝု ညးဍဳင္ကြာန္တံကီု၊ ဒစႝုဒစးမံင္ကႝု အေခါင္အရာ၊ ပဿိက္ဆႏၵ ညးဍဳင္ကြာန္တံကီုမၢး ျပဒၵညာပေရင္ကဿိန္ဍဳင္ ကတႝုဒွ္မံင္ဂွ္ ပေသာင္မာန္ဟြံေသင္ရ။ ပေသာင္ျပဒၵညာကဿိန္ဍဳင္ ဍာံဍာံ ေဇတ္ေဇတ္မၢး အေခါင္အရာညးဍဳင္ကြာန္ ဂမၜိဳင္တံဂွ္ ကဿာတ္တာဒှာေထာံ ဟြံဂြံရ။ ညးဍဳင္ကြာန္ဂမၜိဳင္တံ ညံင္ဂြံပါလုပ္ဂွ္ ဒးဖံက္ကႝုဂၜံင္ဍာန္ကီုရ။ ကဿာတ္တာ ဒှာေထာံ ဟြံဂြံရ။
ဟုိတ္ဂွ္ရ ပေရင္ၐုိဟ္လလံကဿိန္ဍဳင္ဂွ္ နကႝုအလႝုအသ႘ပှာန္ မြဲဂေကာံေဍာတ္ဓဝ္ေဟင္ ပေသာင္ဏာနကႝုပဿိက္ ဆႏၵညးတံဂွ္ တဲုဒွ္ၐုိဟ္ႀသဳိဟ္အာဟြံမာန္ရ။ ညးဍဳင္ကြာန္ဂမၜိဳင္၊ ေကာန္ဂကူေကာန္ဍဳင္အရင္ဂမၜိဳင္ ေကုာံ ကႜိဳပ္သကုိပ္ေဗာ္ပေရင္ဍဳင္ကြာန္ဂမၜိဳင္တံ အေခါင္တုပ္သဿဟ္ ပါလုပ္ပႜဲပေသာင္ျပဒၵညာ ပေရင္ကဿိန္ဍဳင္ ဟြံမြဲမၢး ပေရင္ၐုိဟ္လလံကဿိန္ဍဳင္၊ ပေရင္ဗၜးၐးေကာန္ဂကူေကာန္ဍဳင္အရင္ ေကုာံ ပေရင္ဗၜးၐးညးဍဳင္ကြာန္တံဂွ္ လအ္အာေသၛာဲအာေရာင္ဂွ္ ပတုိန္ထၞးဏာရ။
0 တၜ ဟီုဂလာန္ပၚပဲါလဝ္ ဒှာဲဏအ္ရ:
Post a Comment