နကုႝအခုိက္အလုိက္ ေသှာဝ္ဥပေဒဂၜးကဝ္ ေကၜာန္ဗဒွ္ေပဲါ႐ုဲမာဲေဗာ္ဇ႘တုဲ ဒက္ပတန္ အလုႝအသ႘ေရာင္ဂွ္ ေလဿင္ကေမၜာန္ ဓမၼတာ မြဲရ။ ညးဍဳင္ကြာန္တအ္ စုတ္ဆႏၵမာဲ နကုႝပေရင္သၜးပြးဗဗြဲဓဝ္ ေပဲါ႐ုဲစွ္ပူဂုႝ ကုႝ သၢဳတ္သြာတ္ အရာကိစၥပေရင္ဍဳင္ကြာန္ဂွ္ ဒွ္ဒ႘မဝ္ကေရၿဇ႘ေရာင္ ပံက္လဝ္အဓိပၸါယ္ရ။ ဗုီျပင္ဏအ္ရ သှာံ (၂၀၁၀) ဏအ္မၢး ေကၜာန္ဗဒွ္ေပဲါ႐ုဲမာဲတုဲ သကုိပ္ပှာန္ဗဿာတအ္ ဒက္ပတန္ ဒ႘မဝ္ကေရၿဇ႘ ''မှဳံကုႝ ေစဝ္ေပှာန္'' ေရာင္။ ဆဂး ဇဿာပ္ေကၜာန္ဗဒွ္ေပဲါ႐ုဲမာဲ ဂြံဒ႘မဝ္ကေရၿဇ႘ဟြံေသင္ရ။ ပေရင္ပုိင္ျခာသၜးပြး ေကုာံ ပေရင္မှံဳကုႝဂုန္ သိကၡာတအ္ ပဿိက္ေဇှာ္မံင္ေရာင္။
ကၜာဟြံဂြံေကၜာန္ ေပဲါ႐ုဲမာဲဂွ္ သၜးပြးပေရင္ဍဳင္ကြာန္ႏြံ/ဟြံမြဲ၊ ပေရင္ေရွ္ေသွ္ ေဗာ္ဒစုႝဒစးတအ္ ႏြံ/ ဟြံမြဲ၊ ညးမလုပ္ၿပိဳင္တအ္သုီဖအုိတ္ အေခါင္အရာအဆံင္တုပ္သဿဟ္ ႏြံ/ဟြံမြဲ၊ မှိဟ္တာလ်ိဳင္ ေကၜာန္ဗဒွ္ေပဲါ ႐ုဲမာဲတအ္ ကေမၜာန္ဗဗြဲဓဝ္ဂွ္ ေကၜာန္/ဟြံေကၜာန္၊ ညးစုတ္ဆႏၵမာဲသုီဖအုိတ္ စုတ္ မာဲဗၜးၐးႏြံ/ဟြံမြဲ၊ ဆႏၵမာဲစုတ္လဝ္ ေကုာံ သြဟ္ေပဲါ႐ုဲမာဲဂွ္ ည႘သဿဟ္ဟာ/ဟြံည႘သဿဟ္ဟာဂွ္ မှံဳပဿိက္ ဒးစဿ႘တ္ေရာင္။ အလုႝ အသ႘ဒက္ပတန္လဝ္ ေဗာ္ဇှးႏူေပဲါ႐ုဲမာဲဂွ္ ပစှးဗုီျပင္ပကင္ရင္ ဒပ္ပှာန္ ေကုာံ အဆံင္မှိဟ္တၜအဝုႝေရာင္ ႏြံရ။ ေသှာတ္ပေရင္ဍဳင္ကြာန္ ႐ုယွာဂွ္ သမၱီလဝ္ 'ေသှာတ္ေပဲါ႐ုဲစွ္တၜ အဝုႝ'ေရာင္။ ဍဳင္ေသင္ ကာပူဂွ္ ဒွ္ဍဳင္ဒ႘မဝ္ကေရၿဇ႘မြဲ ဟြံေသင္ရ။
ေကၜာန္ဗဒွ္ေပဲါ႐ုဲစွ္မာဲေဗာ္ဇ႘တုဲ အလုႝအသ႘ဒက္ပတန္လဝ္ဂွ္ ဗုီျပင္အၾကာေသှာတ္ဒ႘မဝ္ကေရၿဇ႘ ေကုာံ ေသှာတ္တၜအဝုႝတအ္ေရာင္ တၜပညာသိပၸံပေရင္ဍဳင္ကြာန္တအ္ ဆုႝဂဗလၛတ္လဝ္တုဲ သြက္ညးဍဳင္ ကြာန္ဗဿာတအ္ ကိစၥပဿိက္ေဇှာ္မြဲေရာင္ ေထင္ေကတ္ရ။ လက္သန္ေသှာတ္ ဒ႘မဝ္ကေရၿဇ႘ ေကုာံ ေသှာတ္ တၜအဝုႝတအ္ ပံင္ႏွဵတုဲ စကာကၜဳင္မံင္ ဗြဲမလံလရ။ တုဲကၜဳင္(၄၀) သှာံျပင္ ေတံရ ဍဳင္ဂမၜိဳင္ေကၜာန္ဗဒွ္ ေပဲါ႐ုဲမာဲေဗာ္ဇ႘တုဲ နကုႝေသှာတ္တၜအဝုႝ ေဒၢတ္စကာကၜဳင္ႏြံရ။ ဍဳင္ေသင္ ကာပူ ေကုာံ ဍဳင္မေလဝ္ယွာ တအ္ စကာသုင္ေစာဲဒဿံင္ ေသှာတ္ေပဲါ႐ုဲမာဲ တၜအဝုႝဏီဖုိဟ္ရ။ ပႜဲဍဳင္ ဏအ္ ေကၜာန္ဗဒွ္ေပဲါ႐ုဲမာဲဂွ္ သြက္ အလုႝအသ႘ ဂြံၿပံင္လွာဲ ဟြံေသင္ရ။
ႏူကုႝ ေသှာတ္တၜအဝုႝ ဍဳင္နဲကဲဂြံၿပံင္ေစၜာံတံ အတုိင္ပေရင္အာတ္မိက္ ပႜဲဍဳင္မၛးဍဳင္ ညံင္ရဵၿပံင္လွာဲ ေသှာတ္ဒ႘မဝ္ကေရၿဇ႘ ေကၜာန္ပေတာံၐးရ။ ေသှာတ္တၜအဝုႝဂွ္ ေျဂာပ္လဝ္ကုႝဒ႘မဝ္ကေရၿဇ႘ရ။ နကုႝ ဗုီျပင္ ဗေပင္လဝ္ ေပဲါ႐ုဲမာဲ၊ ပ႐ုိင္ဒစုႝဒစးတအ္ဂွ္ စကာသုင္ေစာဲ ဗြဲမဍိဳဟ္ေကက္ရ။
ေဗာ္ဒစုႝဒစး ေကုာံ ပ႐ုိင္ဟြံပၚပဲါ အလုႝအသ႘တအ္ဂွ္ ကုႝအေခါင္တန္ၾကန္တုဲ ဂေကာံဒစုႝဒစး ေကုာံ ပ႐ုိင္ ဇုီကပုိက္ဒးကုႝ ဂုန္ဖုႝပုိန္ျဒပ္ ဂေကာံမှိဟ္တၜအဝုႝတအ္မၢး ဖတုိက္ဖအးေကၜံေလပ္ရ။ နနဲသာ္ဏအ္ အလုႝ အသ႘ေျဂာပ္လဝ္ ဒ႘မဝ္ကေရၿဇ႘ဂၜိဳင္ကၜဳင္တုဲ စကာေသှာတ္တၜအဝုႝမံက္က္ဂွ္ေအာန္ကၜဳင္ရ။ အလုႝအသ႘ ပှာန္ဗဿာ စကာမံင္ေသှာတ္တၜအဝုႝ ဂွ္ေလဝ္ ညံင္အာယုက္ဂြံဂၜိင္ ဂစာန္ေျဂာပ္ဒဿံင္စှာံ ဒ႘မဝ္ကေရၿဇ႘ေရာင္။
အခုိက္အလုိက္ ေပဲါ႐ုဲမာဲအာယွဝြံ ဂေကာံမှံဳကုႝျဇဟတ္တအ္ သၸပကီုပရာပ္ကုႝ ဂေကာံၿပိဳင္ပၠာန္ကုႝ ဇကု ႏြံရ။ မဒွ္အာယုက္ ေသှာတ္ဒ႘မဝ္ေရၿဇ႘ႀကံင္အုိတ္ ပႜဲဍဳင္အိႏၵိယ်ဂွ္မွ စုိပ္ပႜဲရာသ႘ေပဲါ႐ုဲမာဲဂွ္မၢး ဂစုိတ္ကၜဳင္ မှိဟ္၊ သၸပကီုပရာပ္တံႏြံရ။ ဆဂး ဟုိတ္ႏူပေရင္ပကီုပရာပ္ေအာန္တုဲ ဟြံေစွ္ေသှာတ္ ဒ႘မဝ္ကေရၿဇ႘ ေရာင္ ဟုီဟြံမာန္ရ။ ေသှာတ္ပေရင္ဍဳင္ကြာန္ ဟဿဲကုႝဒုဟ္ဒဏ္ေမှတ္သရဂွ္ ဟြံမြဲဏီတုဲ ေသှာတ္ဒ႘မဝ္ ကေရၿဇ႘ ပေရင္ပကင္ရင္ ႏူကုႝညးစှးညးဍဳင္ကြာန္ မြဲအဆံင္ဂွ္ ဒးမင္ေက်ာဝ္ရံင္ ဒဿံင္ လဿိဳန္ေရာင္။
ဟုိတ္ဂွ္ရ ဒးအာတ္မိက္ ေကာန္ဍဳင္သၟာင္တအ္ ညံင္ဂြံေကာပ္ကာဲေပဲါ႐ုဲမာဲ ေကုာံ နကုႝဒွ္မှိဟ္လၛတ္ တအ္ေရာင္။ ဍဳင္ေကၜာန္ဗဒွ္ ေပဲါ႐ုဲမာဲေဗာ္ဇ႘ နကုႝဗုီျပင္ထၞးဂွ္မၢး ေဗာ္အလုႝအသ႘တအ္ရ ဂြံအံင္ဇှးရ။ ပႜဲဍဳင္ေသင္ကာပူ ဒှာဲအမာတ္(၉၅)တၜံကၜံဂွ္ ေဗာ္ဂြံအဝုႝတအ္ရ ဇှးဒဿံင္လဿိဳန္ေရာင္။ ပႜဲဍဳင္ကာန္ဗဝ္ဒ႘ယ်ာ ဂွ္ေလဝ္ ေဗာ္ညးဍဳင္ကြာန္ ေဟာန္သာန္တအ္ ထိင္ဒဝ္လဝ္ ဒှာဲအမာတ္ (၇၀) တဿံကၜံမာန္ရ။ သမတအ႘ ေဂ်တ္ေလဝ္ ဇဿာပ္ေကၜာန္ဗဒွ္ေပဲါ႐ုဲမာဲဂွ္ ဇှးဂြံကၜဳင္အဝုႝ (၂၀) သှာံျပင္ကၜဳင္ရ။ သမတ ေျဇမ္ဗာဗ႙ု ေရာ ဘာတ္မူဂါဗ႘ေလဝ္ နကုႝနဲကဲ ေပဲါ႐ုဲမာဲ ဂြံကၜဳင္အဝုႝအာဏာ (၂၀) သှာံျပင္ရ။
သမတေရာဘာတ္မူဂါဗ႘ဝြံ ဗုီျပင္က်ေဖါတ္ ပႜဲဍဳင္ဗဿာကုီ ဒက္ပတန္လဝ္ ဂေကာံညးဍဳင္ကြာန္ မၾကံၾက တုဲ သၸ ပကီုပရာပ္ကုႝ ဂေကာံမၿပိဳင္ကုႝ ဇကုဂွ္ ဒွ္မှိဟ္ယဿဳေဇှာ္မြဲရ။ ပေရင္ၿပိဳင္ပကာန္ဂၜိဳင္ကၜဳင္ ပႜဲေပဲါ႐ုဲမာဲ ခႜင္ ပေရင္ကေလင္ပၜန္တၜအဝုႝတအ္ ႀကံင္မၛိဳဟ္ကၜဳင္ခႜင္ရ။ ေသှာတ္တၜအဝုႝတအ္ အုပ္ဓ လုီလဝ္ မြဲကုႝမြဲ ဗုီျပင္ဟြံတုပ္ ညးသ ကအ္ရ။ ဍဳင္ပေရင္အုပ္ဓလုီတၜအဝုႝ ဟြံေလပ္ကုႝပညာ ေလဝ္ႏြံ၊ ဍဳင္တၜအဝုႝေလပ္ ပညာတအ္ အုပ္ဓလုီလဝ္ ေလဝ္ႏြံရ။ ဟုိတ္ဂွ္ရ ပႜဲေသှာတ္ပေရင္ဍဳင္ ကြာန္မြဲဂွ္ ေစွ္ကုႝေသှာတ္ဒ႘မဝ္က ေရၿဇ႘ဟာ ဟြံေစွ္ကုႝ ေသှာတ္ဒ႘မဝ ္ကေရၿဇ႘ဟာဂွ္ ဒးလၛတ္အာ ေထက္ေရာင္ေလဝ္ မှိဟ္လၛႝဳတအ္ညာတ္ ေကတ္လဝ္ရ။
ပႜဲေသှာတ္တၜအဝုႝမြဲေဗာ္ဂွ္ ပေရင္သၜးပြးဍဳင္ကြာန္ဟြံမြဲကုီေလဝ္ ပေရင္သ႘ကၜ႘ စပ္ကုႝကိစၥဂုန္ဖုႝ ပေရင္ဍဳင္ ဂွ္ လွဲလွဲလးလးႏြံေလပ္ရ။ ဥပမာ ပႜဲဍဳင္ၾကဳက္ဂွ္ ဒ႘မဝ္ကေရၿဇ႘ဟြံမြဲကုီေလဝ္ မှိဟ္တာ လ်ိဳင္ေဒသတအ္ စကာအဝုႝအာဏာ ဂြံႏြံဗဗြဲဓဝ္ ညံင္ဂြံေကၜာန္မာန္ဂွ္ ေကတ္ကၜဳင္အေရဝ္ႏြံရ။ ဂၜံင္တရဵအလုႝအသ႘ ဍန္ ေျဂက္ေစွ္တုဲ သြက္ဘဲဒဏ္မှိဟ္စလာပ္ဗဇဵဂွ္ ညးဍဳင္ကြာန္တအ္ ဒးဒုင္ ဒဿံင္ဂွ္ရ ႏြံကုႝၿပံင္လွာဲ ပေရင္ဍဳင္ ကြာန္ မပုိင္ျခာေကၜံ အဝုႝအာဏာဂွ္ ဍဳင္ၾကဳက္ထၞးမံင္သက္သ႘ရ။ ဟုိတ္ဂွ္ရ ဒဿာႏူေကၜာန္ဗဒွ္ ေပဲါ႐ုဲမာဲ ပေတာံဂွ္ ေကၜာန္သၸပေရင္ၿပံင္လွာဲဂွ္ စုိပ္တရဵဒွ္ ဂုန္ဖုႝဂၜိဳင္မံင္ ေရာင္ မိက္ဂြံသၢးရ။
ဂၜံင္တရဵပေရင္ထတ္ယုက္ အလုႝအသ႘ၾကဳက္ေလဝ္ ဍန္ေျဂက္ဆုတ္ေစွ္ဒဿံင္တုဲ လဿိဟ္မှိဟ္ၐုိတ္ ကဝက္ ဝ႘ယဲဟြံမာန္ဒွ္မံင္ဂွ္ ဗုီျပင္နဲကဲပေလဝ္ပေလတ္ဂွ္ စုိတ္ဒးလုပ္မြဲရ။ ပႜဲဍဳင္ၾကဳက္ဂွ္ ႏူကုႝ စစကာေသှာတ္ ပေရင္ပုိန္ျဒပ္ဗြဝ္ဖ်ာတုဲ ၾသန္ႏြံမွ ဝ႘ယဲမာန္ေရာင္။ မှိဟ္ႏြံကုႝၾသန္ ေကုာံ မှိဟ္တာလ်ိဳင္ အလုႝအသ႘တအ္ ရ ဝ႘ယဲမာန္တုဲ သဿာဗၛလဿိဟ္ ၐုိတ္(၇၀၀)ျပေကာတိကုိဋ္ျပင္ဂွ္ တုိန္႐ုင္ဂဥဲဳဟြံမာန္ရ။ ဒွ္ဒဿံင္ညံင္ရဵ ၾသန္ႏြံမွ ဂြံဂ်ိဳင္လမ်ီဳေရာင္။
ဟုိတ္ဂွ္ရ ဂေကာံကုႝကသပ္အလုႝအသ႘ သြက္ဂြံပေလဝ္ပေလတ္ ပေရင္ထတ္ယုက္ ေခတ္ဗြဝ္ဖ်ာ ဂွ္ဝြံ ပႜဲသှာံ(၂၀၀၅)ဂွ္ ပတုိန္လိက္ဒုင္စ႘ေရင္တုဲ ယဝ္ဟြံသၸဂ႐ုကုႝ ပေရင္ထတ္ယုက္ ညးဍဳင္ကြာန္ တအ္မၢး ညးဍဳင္ကြာန္တအ္ ကေလင္ပၚပဲါ ေဖ်ံကဝုအလုႝအသ႘ ဗြဲမသၠာတ္ျမဟ္ေရာင္ ဓမံက္ထၞး လဝ္ရ။ လက္ ကရဵဟြံ လအ္ဂွ္ သဇုိင္ေသှာတ္ပေရင္ထတ္ယုက္ ညးဍဳင္ကြာန္တအ္ တုိန္ဝ႘မာန္ဂွ္ စတုဲဓမံက္အာ႐ုပ္ရဵ ေရာင္ အလုႝ အသ႘ၾကဳက္ လေလာင္တရးရ။ မဒွ္အစ႘အဇန္ ေကာန္ဍဳင္ကြာန္ (၉၀)တဿံကၜံတအ္ ပြိဳင္ (၃)သှာံ ဝ႘ယဲမာန္ေရာင္။ ပႜဲေခတ္ဗြဝ္ဖ်ာဂွ္ ေကာန္ဍဳင္ၾကဳက္တအ္ ဂြံေကၜာန္ ကေမၜာန္မာန္ ဟုိတ္ႏူ ပေရင္ထတ္ယုက္ခုိဟ္ေရာင္။
ဣဏအ္ဂွ္ ႏူလက္ထက္ မဝ္ၿဇ႘တုန္ေတအ္ရ သဇုိင္ပေရင္ထတ္ယုက္ ညးဍဳင္ကြာန္တအ္ ဒုင္တာလ်ိဳင္ တုဲ ဝ႘ယဲဟြံ ဒးကုႝငၛဳဟ္မးရ။ ဟုိတ္ဂွ္ရ အလုႝအသ႘ၾကဳက္ ပတိတ္တမ္ၾသန္ဒဝ္လာ (၈၅၀၀၀) ျပေကာတိ ကုိဋ္တုဲ ဓမံက္ဒဿံင္ ေသှာတ္ပေရင္ထတ္ယုက္ ညးဍဳင္ကြာန္ရ။ ဟြံစကာ ဒ႘မဝ္ကေရၿဇ႘ ကုီေလဝ္ သၸဒဿံင္ ဂ႐ု ဂုန္ဖုႝပေရင္ ပုိန္ျဒပ္ ညးဍဳင္ကြာန္ေရာင္ဂွ္ ေကာန္မ်ဴေဏတ္ဍဳင္ၾကဳက္ ထၞးဏာသက္သ႘ရ။
နနဲသာ္ဂွ္ကုီ အလုႝအသ႘ပှာန္ဗဿာေလဝ္ ဒဿာႏူဒးေကၜာန္ေပဲါ႐ုဲမာဲ ေျဂာပ္ေသှာတ္ဒ႘မဝ္ကေရၿဇ႘ ပေတာံဂွ္ ကုႝ ကႜိဳပ္ကုႝ ပေရင္ညးဍဳင္ကြာန္တအ္ ဍိပ္ဍဵသာယ်ာတုဲ ေကၜာန္ဗဒွ္မၢး ဂြံကၜဳင္ပေရင္ထံက္ဂလာန္ ညးဍဳင္ ကြာန္တအ္ရ။ အလုႝအသ႘ေရွ္ေသွ္ အေခါင္အရာမှိဟ္ဝြံ ခုိဟ္ႏူကုႝအလုႝအသ႘ ႐ုဲစွ္လဝ္ကုႝ ေျဂာပ္လဝ္ ေသှာတ္ဒ႘မဝ္ကေရၿဇ႘တုဲ ဖံက္ပကဝ္ဒဿံင္ အေခါင္အရာမှိဟ္ဏီရ။
ရတ္သာ
ဂ်ာေနဝ္ေခတ္ပ႙ု ေလဿင္(၅၉)
September 2010
0 တၜ ဟီုဂလာန္ပၚပဲါလဝ္ ဒှာဲဏအ္ရ:
Post a Comment