ဂုဏ္ဖႝုညးဂွ္ေရာ

မှိဟ္ပ႙ုတန္တဵမံင္ပႜဲလိုက္ဏံဝြံ ပေရင္ကေမၜာန္ ေဆင္စပ္ ကႝုပူဂႝုကီုဒွ္၊ အိန္ထံင္ဇကုကီုဒွ္၊ ဂေကာံဇကုကီုဒွ္ ဒးဓမံက္႐ုပ္ရဵတြႝဳမၢး မဒးပၱိတ္တမ္႐ုိဟ္ ပြမဒးဒုင္ ေစက္ မပၱံကႝုဍာ္ဓတ္ကာယ်၊ လဿိဟ္မၾသန္၊ အခိင္ မှဳံကႝုငၛဳဟ္မးတံ သီုဖအုိတ္ရ။ အရာကေမၜာန္လႝုဟြံဟီု ကတႝုဗဒွ္ ေကၜာန္ေရာင္ ေဖ်ံလဝ္စုိတ္သႏၶိဌာန္မၢး ဂြံဒုင္စ႐ွ္သာေဍံဂွ္ ႏြံမံင္ၐါ သာ္ေဟင္ရ။ ပြမဒွ္ဂုန္ဖႝုကႝု ဟြံဒွ္ဂုန္ဖႝု၊ ခုိဟ္ကႝုပေရံတံ မဒွ္ရ။ ပႜဲအရာဗီုျပင္ဓမံက္႐ုပ္ရဵပၜန္ လၛႝဳဒုင္ဒဒုိက္ခႏၶကာယ်တဲု ေကၜာန္ၐုိတ္ေရင္တၜဳင္ အာေလဝ္ႏြံ၊ လၛႝဳဒုင္ေစက္ပၱိတ္လဿိဟ္မၾသန္တဲု ေကၜာန္ၐုိတ္ေလဝ္ႏြံ၊ လၛႝဳေထာံကေမၜာန္ ပူဂႝုဇကု၊ အိန္ထံင္ဇကုတဲု အခိင္ႏြံကႝုငၛဳဟ္မးဇကုဂွ္ ဖအုိတ္ေကၜံတဲု ေရင္တၜဳင္ကၜဳင္ လတူပေရင္ကေမၜာန္ေလဝ္ ႏြံကီုရ။ ရန္တဿံပ႙ုဝြံ ပေရင္ကေမၜာန္ပ႙ု ညံင္ဂြံတဲုဒ္ွ ေျပျပံင္အာၐုိဟ္ဟ္ႀသိဳဟ္ဟ္ကီု၊ သြက္ညးဂမၜိဳင္ ဂြံဒုင္စဂုန္ဖႝု သတ္ပဿဝ္ဇဝ္ပၠဵ ႐ွ္သာပေရင္ကေမၜာန္ပ႙ု ဒုင္လဝ္ဒဒုိက္နာနာတံရ။
''မိက္ဂြံဒွ္တသုိက္ ဒးဒုင္ဒဒုိက္'' မအေရဝ္ဏံဝြံ ညးတၜ ပညာမန္တမၜာကၜာေတံ ေကင္ေဝတ္ေဗၱာန္စြံကၜဳင္လဝ္ အၾကာဂကူမန္ပ႙ု မြဲအဆက္ကႝုမြဲအဆက္ရ။ မုရဵကေမၜာန္လႝုဒွ္ဒွ္ ဟြံဒုင္ဒဒုိက္မၢး တသုိက္သုခေဍံ ဂြံဒုင္စသုိင္ေလာဲေလာဲဂွ္ ဟြံမြဲရ။ ပႜဲအရာ ဒုင္ဒဒုိက္ေစက္ခႏၶကာယ်၊ လဿိဟ္မၾသန္၊ အခိင္ႏြံကႝု ငၛဳဟ္မးတဲု ေကၜာန္အာကေမၜာန္ မြဲမြဲဟီုဂွ္ ကေမၜာန္ဂကူ အလႝုေရာ၊ ဗီုျပင္အလႝုေရာ။ ကေမၜာန္ပ႙ုေကၜာန္ဒဿံင္ဏံဝြံ ဒွ္ဂုန္ဖႝုသြက္ ညးဂွ္ေရာ၊ သြက္ဂကူအလႝုေရာ။ စြံမာတိကာ တင္သဿာန္နာနာတဲု ကူခ်ပ္ပၚပÌ ေဖ်ံအာအစ႘အဇန္ ေလဿင္ေလဿင္မာန္မၢး သာတဲုခုိဟ္ေရာင္။ ရန္တဿံဇကုအာလဝ္ကႜိဳပ္တဲု ေကၜာန္လဝ္တံဝြံ ပစၥဳပၸန္ဏံ ဆဒုင္ယဿဳ ခုိဟ္မြဲေဟင္၊ ပေရင္ကေမၜာန္ဇကု ေကၜာန္လဝ္တံဝြံ သြက္အနာဂတ္ ဒွ္ကၜဳင္ဂ်ိ၊ ဒစုက္ဇလသြက္ဂကူဇကုကီု၊ ဒွ္အႏၱရာဲသြက္ဂကူကီုမၢး ဂုန္ဖႝု ဇကုေကၜာန္လဝ္ ပႜဲဝင္မြဲဒျမိပ္ဂကူဂွ္ ဟြံဒွ္ဂုန္ဖႝုဂကူဇကုမၢး ၐုိတ္ဒုင္ လဝ္ဒဒုိက္ဂွ္ ဒွ္အာအေဟာသိကံ သီုဒးဒုင္ဗ်ိစဵပကကႝု ညးဂမၜိဳင္ေလပ္ရ။
ပ႙ုကေလင္ပံက္ေက်ာဝ္ဝင္ လၛတ္သၛ႘ဂၜိပ္အာ လၸာ္ပရင္ပညာ မြဲက႑ ပႜဲကဿိန္ဍဳင္ပ႙ုစုိအ္။ ပႜဲကဿိန္ဍဳင္ပ႙ုဏံဝြံ ႏူကႝုလက္ထက္အလႝု အသ႘ပှာန္ 'ေနေဝန္' သီေကတ္အဝႝု ႏူကႝုသကၠရာဇ္(၁၉၆၂)၊ ဂိတုမာတ္(၂)တဲု စႝုကႝုအခိင္လဿဳဟ္ ဟီုစဂြံ ကဆံင္ပေရင္ပညာဍဳင္ပ႙ုဝြံ ဂြံတဵတက္အုိတ္အေစာန္ဂွ္လၸဟီု ဆႏြံကႝုယဿဳ ဂြံတဆိပ္အၾကာ ဂြံဒုင္ယဿဳ ႏြံကႝုတန္ေဟင္ရ။ ဗြဲမေအာန္ ပႜဲဂေကာံဗြိဳင္ေကာန္ညးတာလ်ိဳင္ အလႝုအသ႘ပှာန္တံေဟင္ ကဆံင္ပညာစုိပ္တရဵ အေခါင္ခုိဟ္ကလိဂြံရ။ ဆဂး ပေရင္ဗဟုသုတကီု၊ ပေရင္လညာတ္ကုီ၊ ပေရင္လၛတ္ဂၜိဳက္ဂၜာဲကီု ဟုိတ္ႏူဒးဒုင္ကဿာတ္လဒႝုလဝ္ နာနာသာ္တဲု သြက္သဿတ္တံဂြံစုိန္သၠဳီ စႝုကႝုေကှာတ္ေထာဋ္ဟုီဂွ္ ဒွ္ကၜဳင္ဟြံမာန္ရ။ ပေရင္ပညာအလႝုအသ႘ပှာန္ ဝြံ ဟုိတ္ႏူအေခါင္ဒ႘မဝ္ကေရျဇ႘ ဗၜးဗၜးၐးၐးဟြံမြဲတဲု ဆအယာံမာတ္ ဒးဒုင္စကာခုိဟ္ သြက္အလႝုအသ႘ပှာန္ေဍံတံ ဂြံဒွ္ဂုန္ဖႝုေဟင္ ႁပေျပင္ လးလဝ္ဂၜံင္တရဵ ပေရင္ပညာရ။
ညးဍဳင္ကြာန္ ပႜဲကဿိန္ဍဳင္ပ႙ုဏံဗြဲမဂၜိဳင္ 'ျမေျဇင္ၾကပ္ကႝုဇကုဂွ္ ဗီုဒးေဖက္မံင္ကီု' မှိဟ္ရပ္ျမေျဇင္တံ လးလဝ္ဂၜံင္တရဵ ပေရင္ပညာဂွ္ ေလဝ္ ေထင္ေဇှာ္ေ႐ွ္ေသွ္ ထုိင္သးပတုိန္စရာဲ ကုညးတံရ။ ပႜဲတိဍာ္အလႝု အသ႘ပှာန္အုပ္ဓုပ္ ေျဂာပ္ဓလီုလဝ္ဂွ္ ဇဿာပ္အလုံကြာန္ဟြံ႐ဲု၊ ကြာန္ ေကာန္ဍဳင္အရင္လႝုဟြံ႐ဲု၊ ဂကူလႝုဟြံ႐ဲု၊ ညံင္ဂြံဗဒွ္ဘာ အလႝုအသ႘ေဍံဂွ္ ေဍံကႝုကၜဳင္ျဇဟတ္ဓ႐ုိဟ္ နာနာသာ္ကီု၊ သီုကုႝဘာပၠတ္ေပၠင္ ကုအၥာဘာ ေဍံတဲု ကႝုေစွ္စႏၵက္ ခှံဗဒွ္ဘာအလႝုအသ႘ေဍံ ဇဿာပ္ဒှာဲရ။ တင္ရန္တဿံ အလႝုအသ႘ပှာန္ဝြံ အလုံကဿိန္ဍဳင္ပ႙ု ဒွ္ဘာအလႝုအသ႘ပှာန္မၢး ဘာသာေဍံ ဒးစုိတ္၊ ကြတ္ေဗၱာန္ေဍံဒးစုိတ္၊ ဝင္ပဿိက္ၐုိတ္ေဍံဒးစုိတ္ ေဖ်ံစကာေဗၱာန္ တက္ပၜဳပ္စုတ္ ပႜဲကႜဟ္ ေကာန္ငၛာ္သဿတ္တံတဲု ညံင္ဂြံပါလုပ္ လၸာ္ေဍံတံဂွ္ ေစှာန္ပဿိင္ဟီုပႛဳင္ ၾတးကၜဳင္ဝါဒမဟာေဍံ အတုိင္ပဿိက္စုိတ္ေဍံတံရ။ ေကာန္ငၛာ္ေကာန္ဍဳင္အရင္ မဒးမံင္ဘာေဗၱာန္ပညာ ပႜဲဘာအလႝုအသ႘ ပှာန္တံဝြံ လညာတ္ဗဟုသုတ ပႜဲေကၜင္ကႜဟ္ေဍံတံ သမၱီအေထင္ေဇှာ္ကႝု အလႝုအသ႘ပှာန္ေဟင္တဲု သြက္အနာဂတ္ အလုံေကာန္ဍဳင္ အရင္သီု ဖအုိတ္ ညံင္ဂြံဒွ္အာ မဟာဝါဒဂကူေဍံ စႏၵက္ပၜတရဵလးကၜဳင္ ဂၜံင္တရဵ ပေရင္ပညာေဍံတံရ။
နဒဒွ္ဍာံမြဲ ေသၢာံပံက္ထၞးမၢး ပႜဲဗြိဳင္စက္ယာႏၱရာေရင္ပညာ အလႝုအသ႘ပှာန္ ဒ႘ေဗၢတ္မံင္ဂွ္ ေကာန္ဂကူမန္ မှဳံတန္တဵဒဿံင္ (တိဍာ္ပၜန္ ဂတးဗၜးၐးဟြံေသင္) သဿဝ္ေကာပ္ကာဲေဗာ္ပံင္ေတာဲကႝု အလႝုအသ႘ပှာန္ ပႜဲဗြိဳင္ခ႐ုိင္သဓီု၊ ပြိဳင္ဍဳင္ကအ္ၾကိက္၊ ကြာန္မပါလုပ္လၛႝဳတံဝြံ ဘာအလႝုအသ႘ပှာန္ ဟြံမြဲေလဝ္ႏြံရ။ ပႜဲတိဍာ္ကြာန္မန္ ဘာအလႝုအသ႘ ဟြံမြဲဂွ္ ဒွ္ဂုန္ဖႝုသြက္ဂကူပ႙ု မြဲစေရက္မြဲဂကူ (မြဲဒကုတ္မြဲဒကဵ)ကီုရ။ ဘာအလႝု အသ႘ပှာန္ ဟြံကတႝုဒွ္ခႜင္ အနာဂတ္ သြက္ ေကာန္ဍဳင္အရင္ပ႙ု ဒးဒုင္ဍႝဳဍိဳက္ သက္သာကၜဳင္၊ မဇဂကူမန္ပ႙ုေလဝ္ ဟြံဒးဒုင္ေျဂာပ္ ဓလီုကႝုေဍံကီု၊ အေရဝ္၊ ေယန္သှာင္၊ အခုိက္ကှာပ႙ုေလဝ္ ဟြံဒးဒုင္ထၸက္ကၜိဳက္ ပႜဲဂကူပ႙ုတဲု စုိတ္ဓာတ္ဆာန္ဂကူပ႙ုေလဝ္ ဗုိန္ခုိင္ေကဿာန္ဓေရာန္ကၜဳင္ရ။ ပေရင္စုိတ္ဓာတ္ဆာန္ဂကူပ႙ု မံက္ကၜဳင္အၾကာဂကူမန္ပ႙ုဂၜိဳင္မၢး ပႜဲဝင္ပၜန္ဂတးမန္ပ႙ု အေဃာ ဂစာန္မံင္ အေခါင္ဗၜးၐး ဗီုဗီုဏံဂွ္ ဒွ္ဂုန္ဖႝုေဇှာ္ကႝုျဇဟတ္ရ။ ဆဂး ညးအုပ္ဓုပ္ကြာန္လၛႝဳ (ဗြဲမေအာန္) လညာတ္ဟြံသၜဲလး ရံင္ေဂၜံေဂၜံကႜန္ကႜန္ သြက္ပစၥဳပၸန္၊ ယဿဳဇကု၊ ဂေကာံဇကု ဂြံခုိဟ္ေဟင္ ေကတ္ကသပ္ ကႝုညးလ်ိဳင္ ပႜဲေဗာ္လၛႝဳတဲု ကြာန္မန္လၛႝဳ၊ ညးဍဳင္ကြာန္လၛႝဳ ဟြံညာတ္လဝ္အနာဂတ္ သြက္ဂ်ိဇလ ဂကူမန္ပ႙ုမြဲသာ္ နတဲနဇုိင္ျဒဟတ္ဇကုကႝုဇကု (ကုိယ္ထူကုိယ္ထ အစုိးရမူလတန္းေက်ာင္း) ေကၜာန္ဗဒွ္ဘာ အလႝုအသ႘ပှာန္ တန္မူလ ႏြံကၜဳင္ဒဿံင္ရ။ ေဍံဟြံသုိင္ထံက္ပင္မြဲသာ္ အလႝုဇကု၊ ေကာန္ဂကူမန္ဇကု သၸမှိဟ္ ေစတနာ၊ ညးတၜထံက္ပင္ ပေရင္ပညာအလႝုအသ႘ဗဿာဒုင္ယဿဳတဲု ေရင္တၜဳင္ကၜဳင္ေလဝ္ႏြံရ။
ေသၢာံဒွ္ဘာမြဲမြဲဂွ္ ကဆံင္တန္မူလမၢး ဒးဖအိုတ္ၾသန္ ေအာန္အုိတ္ကၜံကုိဋ္ျပင္ေရာင္။ ၾသန္တံဂွ္ဝြံ ႏူကႝုအလႝုအသ႘ပှာန္တံ ထံက္ပင္နင္ ဟြံေသင္ရ။ ႏူကႝုဍာ္ဓတ္ညးဍဳင္ကြာန္ ပဠက္ႏူေကှင္ေဇြာဝ္ေစွ္ စုိပ္ေဢာံဇုိင္တဲု ပေကာံပေကဝ္လဝ္ ဟြံဂံင္စသုင္၊ ဟြံဂံင္ထံက္ပင္၊ ဟြံဂံင္သၸကုသႝု သြက္ဇကုမြဲသာ္ အတုိင္ညးေဇှာ္အုပ္ ဓုပ္ကြာန္တံ ဗက္မြဲသၛိေအာန္အုိတ္ မသုန္ဠက္၊ လၛႝဳမြဲကုိဋ္ တန္တဵကႝုလဿိဟ္သၛိေအာန္ဂၜိဳင္တဲု ပေကာံပေကဝ္ ၾသန္သြက္ဂြံေဇှာ္ ျဇဟတ္သှ ခှံဗဒွ္ဘာအလႝုအသ႘ပှာန္ရ။ ညးဍဳင္ကြာန္လၛႝဳ စုတ္ၾသန္ဟြံမာန္ကီု၊ အၥာဘာမန္၊ အၥာျဗဵမန္ စုတ္ၾသန္ဟြံမာန္တံဂွ္ အာတ္အ႐ီုအဗင္ သ႘ကၜ႘ကႝုညးတာလ်ိဳင္ေဗာ္ပြိဳင္ဍဳင္တံတဲု ဘုိင္ေသာင္ကလး၊ လၛႝဳစႝုကႝုဓရတ္စကာစုတ္ၾသန္ နအဓမၼေလဝ္ႏြံရ။
ညးဍဳင္ကြာန္လၛႝဳ သီုဒးပံင္ထဝ္ဇက္အိက္ၾသန္တဲု ဒးစုတ္ကၜဳင္ႏြံရ။ ဒဒွ္ဗီုဗီုဏံဂွ္ ဇဿာပ္ကြာန္မန္ ေကၜာန္ဗဒွ္ဘာ အလႝုအသ႘ပှာန္ ျဒဟတ္ဇကုကႝုဇကု (အစုိးရမူလတန္းေက်ာင္း) ဂြံဆႝုမံင္လဿိဳန္ရ။ ကြာန္လၛႝဳလၛႝဳဗက္ဂြံၾသန္ကီု၊ ထၞဳတ္လဝ္လဿိဟ္ၾသန္ေအာန္တဲု ဘာဟြံတဲုႏြံကၜဳင္ရ။ ညးအုပ္ဓုပ္ကြာန္တံ ကေလင္ေကာ္ေကာံဓ႐ီုတဲု ကေလင္ ဗက္တဿိေလဝ္ ႏြံကီုရ။ ကာလဘာ ဇကုသုိင္လဝ္ တဲုဒွ္အာမၢး သီုကႝုသၸသၻင္ စ႐ုိဟ္ဍာ္ဘာ ပေကာံဗက္ၾသန္ ညးဍဳင္ကြာန္တံတဲု လိင္ေပÌဇာတ္ သီုကႝုေကၜာန္သၻင္စ႐ုိဟ္ဍာ္ ဘာတန္မူလ မိပ္မိပ္ၿဇိပ္ၿဇိပ္ရ။
ပႜဲသှာံ(၂၀၀၉ ၊၂၀၁၀)ဏံဝြံ ဟိုတ္ႏူအသိင္အလုိန္ ပေရင္ပုိန္ျဂပ္ဂၜးကဝ္ ခ်႘ဒရာင္ဂရံက္ဂ႐ုိက္ ျပံင္လွာဲကၜဳင္ဂွ္ ဍဳင္ေသံေလဝ္ ဒးဒုင္ဇီုကပုိက္ကီုတဲု ညးဍဳင္ကြာန္မန္ဂမၜိဳင္ ေကၜာန္စမံင္ပႜဲ ဍဳင္ေသံဗြဲမဂၜိဳင္ ဟုိတ္ႏူပေရင္ပါတ္သပတ္ (ၸအစစပဵရတ) ဟြံခ်ိဳတ္ပၜိဳတ္တဲု ဌာန္ညးကုညး ကေလင္စဵကၜဳင္ကြာန္ဇကုရ။ ဇဿာပ္ကြာန္မန္ ၾသန္ေၾကပ္ျဂတ္ခက္ခဲုကီု၊ ငၛဳဟ္ဖ်ာနာနာေလဝ္ကႜင္ကၜဳင္၊ ဗြဲေတဿင္ငၛဳဟ္သၛဳေလဝ္ကႜင္ကၜဳင္၊ ဆဂး ငၛဳဟ္မးဍာ္ဓတ္ သဿာကေမၜာန္ ဟြံပႝုတုိန္တဲု ၾသန္လုပ္ကႝုၾသန္တိတ္ ဟြံကိတ္ည႘တဲု ပေရင္စသုင္မံင္စံင္ ေၾကပ္ျဂတ္ကၜဳင္ရ။ ဟုိတ္ဂွ္ရ ပေရင္ထံက္ပင္ဟီုဟီု၊ ပေရင္ဒးစုတ္ၾသန္ ေကၜာန္ဗဒွ္ ဘာလႝုအသ႘ဟီုဟီု၊ ေသၢာံစုတ္မာန္ဂွ္ ဒွ္ကၜဳင္တင္ဝါတ္ဂါတ္အုိတ္ရ။
ဗီုဂေကာံအုပ္ဓုပ္ကြာန္မန္ပ႙ုကီု၊ ညးဍဳင္ကြာန္မန္ပ႙ုကီု၊ ညးလ်ိဳင္ေဗာ္မန္လၛႝဳ၊ ဂေကာံမန္လၛႝဳကီု ကႝုျဇဟတ္ေကၜာန္ဗဒွ္ဒဿံင္ ဘာအလႝုအသ႘ပှာန္ဂွ္ မုညးတံညာတ္ဂုန္ဖႝု သာ္လႝုေရာ မိက္ဂြံတီေကြံေကြံရ။ ဒွ္မာန္မြဲသာ္ဂွ္ ရံင္ကႝုကြာန္ညးတှဟ္ ဘာအလႝုအသ႘ႏြံ၊ ကြာန္ဇကုဟြံမြဲတဲု ေကာန္ဇာတ္ဇကု ဒးမံင္ဘာကြာန္ညးတှဟ္ ဒးအာတရဵေသၛာဲျခာဂွ္မြဲတင္၊ မိက္ဂြံေလပ္လိက္ ဘာသာအလႝုအသ႘ပှာန္မြဲတင္၊ စရာဲကြာန္ဇကု မှဳံကႝုဘာအလႝုအသ႘ပှာန္တဲု ကာလအလႝုအသ႘တံ ေဂတ္ေဝင္ကြာန္ဇကု ေဍံတံေသၢာံအေထင္ေဇှာ္ ထုိင္သးကြာန္ဇကု မြဲတင္ကီုေရာင္ ညာတ္ရ။
စပ္ကႝုပေရင္ပညာ အလႝုအသ႘ပှာန္တဲု လညာတ္အၥာဘာပန္တၜ ပတုိန္ထၐးလဝ္ဂွ္ ''လဿဳဟ္ကြာန္ပ႙ုသုိင္ဗဒွ္ဘာ အလႝုအသ႘ပှာန္ တန္မူလျဒဟတ္ဇကုကႝုဇကု (ကုိယ့္ထူကုိယ္ထ) ဝြံ ဇဿာပ္သၛိဒးစုတ္ၾသန္၊ သၛိအၥာဘာမန္၊ အၥာျဗဵမန္ေလဝ္ ဒးစုတ္ၾသန္ကီုရ။ သုိင္ဘာဂွ္ သြက္ပေရင္ပညာ ေကာန္ငၛာ္တံ ဂြံတဵတက္ဂွ္ သက္ဟီုဟြံမြဲ၊ မိက္ဂြံစုတ္ၾသန္ ကႝုဘာ ဒွ္ျပဟ္ျပဟ္ရ။ ဆဂး ေကာန္ငၛာ္မန္ပ႙ု မံင္ဒဿံင္ဘာပ႙ုသုိင္လဝ္ နကႝုဍာ္ဓတ္ေကာန္ဂကူ မန္ပ႙ုကီုေလဝ္ ဟုိတ္ႏူဒုင္လဝ္ယဿဳ ဒွ္မံင္ဘာအလႝုအသ႘ပှာန္ (အစုိးရမူလတန္းေက်ာင္း)တဲု လိက္မန္ပ႙ုမြဲဘာသာဂွ္ မြဲတၛဲမွဂၜိဳင္အုိတ္ ၐါအခိင္ေဟင္ ဂြံအေခါင္ ေဗၱာန္ရ။ ျပဟ္ျပဟ္ဏံ လလအ္ဘာဂြံတဲု လိက္မန္ပ႙ုေၐတ္ေဗၱာန္အာ အၾကာေဍံတံဂြံရ။ ဘာသုိင္ဒွ္တဲု ၐုိတ္ပိပန္သှာံ ႏူကႝုအလႝုအသ႘ပှာန္ ေဍံတံ လေလာင္ၾတးဒွ္အာဘာေဍံ ဒတန္မၢး ေဍံေဖ်ံနင္အၥာဘာေဍံ၊ အၥာျဗဵေဍံ၊ သီုဂအုပ္ဘာေဍံတဲုမၢး အေခါင္အရာ အၥာဘာမန္ပ႙ု ေသၢာံေဗၱာန္လိက္မန္ ပႜဲအၾကာအခိင္ဘာေဍံဂွ္ ဒွ္ကၜဳင္ခက္ခဲု မာန္ေရာင္ အဲညာတ္ေကတ္ရ။ ဒွ္သာ္ဂွ္မၢး ဂကူမန္ပ႙ုဖအုိတ္ၾသန္ ကႝုကၜံကုိဋ္တဲု သုိင္ဒဿံင္ဘာ(ကုိယ့္ထူကုိယ္ထ) အလႝုအသ႘ပှာန္လဿဳဟ္ဂွ္ ဒွ္ဂုန္ဖႝုညးဂွ္ေရာ။ သြက္ဂကူမန္ပ႙ု ဟြံေသင္ဂွ္ အနာဂတ္ဂတေတံ ပေရင္ဍဳင္ကြာန္ျပံင္လွာဲမၢး ပ႙ုအၥာဘာမန္တံကီု၊ ဂေကာံညးေရင္ တၜဳင္သုိင္ခှံဘာကီု၊ ညးအုပ္ဓုပ္ကြာန္လဿဳဟ္ကီု၊ ညးလ်ိဳင္ေဗာ္လဿဳဟ္ကီု ဟြံခ်ိဳတ္အာ ေသွ္တဵမံင္ဏီမၢး ဂြံဆႝုေကတ္႐ွ္သာ ညးတံဒုင္လဝ္ ဒဒုိက္တြႝဳရ။ ဒွ္ဓဝ္ဆာန္ဍဴေအာန္စုိတ္ လတူညးတံေကြံေကြံရ။ စှးဒးသုိင္ခှံဘာအလႝုအသ႘ ျဒဟတ္ဇကုကႝုဇကုဂွ္ ယဝ္ခါရ ထံက္ပင္ သုိင္ေထာံဘာေကာန္ဂကူမန္ပ႙ုမၢး ၐုိတ္လႝုေကာန္ဂကူမန္ပ႙ု ထုိင္သးပတုိန္ဂုန္စရာဲ ဟြံတီရ။ ေအာန္စုိတ္ေကြံေကြံရ'' ရဵသာ္ဝြံ ပံက္လဝ္ႂသိဟ္ ပတုိန္ထၐးကၜဳင္လဝ္ ဂလာန္ႏြံကၜဳင္ရ။
ကေလင္သၛ႘ဂၜိပ္ အလုံခ႐ုိင္သဓီုပ႙ုဝြံ ဘာေကာန္ဂကူမန္ဟီုဂွ္ ႏြံဒဿံင္မူစိဘာေရာ။ ယဝ္ဒး႐ုိဟ္လဿိဟ္မၢး ဘာတန္မူလေကာန္ဂကူမန္ ကြာန္လွာဂံါ ႏြံအၾကာကြာန္ကေရင္ဂွ္မြဲဘာ၊ ဘာတန္မူလေကာန္ကူမန္ ကြာန္ကြိက္ေကာေဒံဂွ္မြဲဘာ၊ ဘာဖက္ေဆာတန္သၜဳင္ ေကာန္ဂကူမန္ ကြာန္ကအ္ဝါန္ဂွ္မြဲဘာ အပံင္ႏြံဆပိဘာေဟင္ရ။ မုဟုိတ္ ကြာန္မန္ႏြံဒဿံင္ သဿဝ္တဲခ႐ုိင္သဓီု ဟြံခှံကတႝုဗဒွ္ ဘာေကာန္ဂကူမန္ ဇကုေရာ။ ပႜဲဘာေကာန္ဂကူမန္ဇကု ဘာသာလိက္မန္ဒးေဗၱာန္ဂွ္ ဟြံမြဲပဿိက္ဟာ၊ အံင္ႏူဘာေကာန္ဂကူတဲု ဟြံဂြံတဆိပ္အၾကာဟာ၊ ဘာေကာန္ဂကူမန္ဂွ္ ေၐတ္အၾကာဂကူမဟာဝါဒ႘ အလႝုအသ႘ပှာန္ဟြံ မာန္ဟာ၊ ကြးဘာႏြံပႜဲဘာေကာန္ဂကူတံဂွ္ ဂြိင္ေဖက္စုိတ္ဓာတ္ဆာန္ဂကူ ကတႝုဒွ္ဂၜိဳင္တဲု ဂိြင္ေဖက္လဿိဟ္ျဇဟတ္ ဒပ္ပှာန္ဗၜးၐး ေကာန္ဂကူပ႙ုဂၜိဳင္တုိန္ဟာ၊ ဘာေကာန္ဂကူပ႙ုဂၜိဳင္တုိန္မၢး စုိတ္ဓာတ္ဆာန္ ဂကူပ႙ုဂၜိဳင္တုိန္ဂွ္ ဟြံမြဲပဿိက္ဟာ၊ ဟုိတ္ႏူပံက္ဘာေကာန္ဂကူပ႙ုတဲု ညးအုပ္ဓုပ္ကြာန္တံကီု၊ ညးဍဳင္ကြာန္မန္လၛႝဳ၊ အၥာဘာမန္တံကီု၊ ဂြိင္ေဖက္ဒးထံင္ဟာ (ဟြံေသင္) ဒွ္ဓဝိင္ အလႝုအသ႘ပှာန္တံ ေထင္ဂးရဲ သပုန္ပၜန္ဂတးတဲု ဗက္ရပ္ထိင္ဒဝ္ သၸခက္ခဲုၐုင္တက္ဟာဂွ္ မိက္ဂြံသဿာန္ ဟာííဟာííနာနာရ။
ပစၥဳပၸန္လဿဳဟ္ဏံ ဂကူမန္ပ႙ုစုိပ္မံင္ ကဆံင္လႝုေရာ။ ဇဿာပ္ ေကာန္ဂကူမန္ပ႙ု ၾသဝ္ကႝုဂြံကေလင္ဂြံသတိအုိတ္ညိ။ ဇကုပုိန္ျဒပ္ဂၜိဳင္ ဒွ္ေသဌ႘၊ ဒွ္ညးလ်ိဳင္ကဆံင္သၜဳင္တဲု ေထင္ခယ်ဗၜးၐးဂွ္ သဿိင္ႏြံကႝုအဝႝုၾသဇာ ယ်ဟာ။ အလုံဂကူမန္ပ႙ုကီု သီုကႝုေကာန္ဍဳင္အရင္ ပဲါႏူမဟာဝါဒ႘ ပှာန္တံတဲု ဒွ္မံင္ဂကူဍိက္ပၜက္ ဟြံမြဲကႝုအေခါင္ဗၜးၐး ဇကုဇကု၊ ဟြံမြဲကႝုဍဳင္၊ ဟြံမြဲကႝုအဝႝုအာဏာ ကုတ္ေသှာဝ္ဒန္ေသှာဝ္ဂွ္ ၾသဝ္ကႝုဂြံကၜိဳဟ္ ေကတ္အုိတ္ညိ။ ပေရင္ကေမၜာန္လႝုဒွ္ဒွ္၊ ဒးဓမံက္႐ုပ္ရဵတြႝဳမၢး သြက္ပစၥဳပၸန္ဏံကီု၊ သြက္အနာဂတ္ဂတေတံကီု ဒွ္ဂုန္ဖႝုသြက္ ဂကူပ႙ုဟာ၊ ဒွ္ဂ်ိဇလ သြက္ဂကူပ႙ုဟာ ကူခ်ပ္ပၚပÌအးအးတဲု ဓမံက္႐ုပ္ရဵေကၜာန္ဗဒွ္အာမၢး ခုိဟ္ေရာင္ညာတ္ရ။
သေရာပ္တဲုမဒးပၱိဳန္ထၞးမၢး ေစတနာေကာန္ဂကူမန္ပ႙ုဝြံ ဟုိတ္ႏူဒွ္ေကာန္ဗုဒၶဘာသာတဲု စုိတ္ဓာတ္ဍိဳန္ၐတ္ ႏြံကႝုေယန္သှာန္ကီု၊ ဓဝ္လေအင္ေဖ်ံေမတၱာ ဆာန္ဍဴသတ္တံကီု၊ ပဿိက္ဆႏၵမိက္ဂြံထံက္ ပင္ကႝုဒါန္ဂွ္ ကတႝုဒွ္ကၜဳင္ ႏူကႝုဂၜံႂသိဟ္ေတံအလႝုလႝုဂွ္ မၵးထုိင္သး ပတုိန္ဂုန္စရာဲေထက္ရ။ ဆဂး မင္ဒုင္ပတုိန္ဂုန္စရာဲ ေကတ္ယဿဳခုိဟ္ သဿးဟြံဂြံ၊ သီုမၵးသၛ႘ဂၜိပ္ပၚပÌဂၜံင္တရဵ ပေရင္ဂုန္ဖႝုကေမၜာန္ပ႙ုခုိဟ္ / ပေရံကီုေရာင္။ ဗီုရန္တဿံဍဳင္ေဇှာ္နိဗၺာန္တဲု ဂဇအ္ဓဝ္သၸကုသႝုကႝုဒါန္၊ ေဒၢတ္ဗက္ေဍာင္ ဓဝ္သ႘လ၊ ဗေပင္မံင္ပါရမ႘ကီု ရန္တဿံသြက္ပေရင္ပညာဂကူမန္တဲု ျဒဟတ္ ဇကုကႝုဇကု သုိင္ခှံဗဒွ္ဘာေဗၱာန္လိက္ေကာန္ဂကူမန္ သြက္ေကာန္ငၛာ္ သဿတ္မန္ပ႙ုမၢး ၐုိတ္လႝုဒွ္ဂုန္ဖႝု သြက္ဂကူပ႙ုဂွ္ ႐ုိဟ္လဿိဟ္ငၛဳဟ္မး ပေတာံ ၐတ္ဟြံမာန္ရ။ ဗီုကုသႝုပု႙ပတဲုလဝ္ဂွ္ ညံင္ဟြံေစွ္နရက္ ဗီုဒွ္ဓဝိင္ကုပ႙ုကီု၊ ပေရင္ကေမၜာန္ပ႙ု ေကၜာန္ပတဲုေရင္တၜဳင္မံင္၊ ဖအုိတ္ဒဿံင္အခိင္ မှဳံကႝုငၛဳဟ္မး၊ လဿိဟ္မၾသန္၊ ေစက္လဝ္ျဇဟတ္ ခႏၶကာယ်တဲု ဂစာန္ ေကၜာန္ဗဒွ္ဒဿံင္ ဘာအလႝုအသ႘ပှာန္ဂွ္ လၸကႝုဒွ္ဂ်ိဇလဂကူမန္ပ႙ုညိ။ ဂုန္ဖႝု ပေရင္ကေမၜာန္ပ႙ုဝြံ ၾသဝ္ကႝုဂြံဒွ္သြက္ဂကူပ႙ုညိဂွ္ မိက္ဂြံကႝုဏာ ဓဝ္သတိေဇှာ္ေဇှာ္ေဟင္ ပတုိန္ထၞး ဗြဲမအဲပရဲရအဵ။
အလုံဂကူမန္ပ႙ုသီုဖအုိတ္ ပေရင္ကေမၜာန္ဇကုေကၜာန္ဂွ္ ၾသဝ္ကႝုဂြံဒွ္ဂုန္ဖႝု သြက္ဂကူပ႙ုညိ။ ။

ဇဲဆီၾသဳိဟ္မန္
ဂ်ာေနဝ္ေခတ္ပ႙ု ေလဿင္(၅၈)၊ ဂိတုေဂ်ာန္၊ သှာံ ၂၀၁၀