'အဝ္.......ေကာန္ဗၜာဲ.........ဗီုေဍံဒးစုိတ္ ေဍံကၜဳင္ကႝုလိက္ေဍံတဲု ေဍံဟီုထၸက္စဿတ္တဲ ဒှာဲေဍံစြံလဝ္ လၸဳဟ္တဲေဍံဂွ္ရ။ မုပ႐ူပရာ မုဟုိတ္ဖႝုသာ္လႝုေလဝ္ ေဍံဟြံေသာင္ထၞးကႝု ကၜးကၜးမးမးပုဟ္။ အပါနာဲ တအ္ေလဝ္ မုဟြံတီမြဲသာ္ရ။ အတုိင္ေဍံဟီုဂွ္ ေကၜာန္သၸထပက္ဏာစဿတ္တဲရေလဝ္'' သာ္ဝြံ အပါနာဲ အာယုက္ၐုိတ္ (၆၀) သှာံျပင္ျပင္မြဲတၜ ဂဇံမံင္လၱဴခုင္ဂလာတဲု လဵထၞးမံင္ကႝုအဲ မြဲမြဲသာသာရ။ တဲုပၜန္ '' ဥပေဒ..... ဥပေဒ......(ႏုိင္ငံေတာ္ဖြဲ႔စည္းအုပ္ခ်ဳပ္ပုံ အေျခခံဥပေဒ) ဟီုဂွ္ မုေရာ၊ ဗီုလႝုေရာ'' သာ္ဝြံ ေကာန္ဝုတ္အပါနာဲ ႏြံဗဒÌဂွ္မြဲတၜ ထပ္သဿာန္တုိန္ပၜန္ရ။ ဆဂး ၐုိန္ရအပါနာဲကႝု ေကာန္ဝုတ္အပါနာဲ ရမ်ာင္တိတ္မံင္ သာ္ဏံကီုေလဝ္ ေပဲါဒုင္ဆႏၵမာဲ ေသှာဝ္ဥပေဒသဇုိင္ ဒက္ပတန္ဍဳင္ သှာံ(၂၀၀၈)ဂွ္ ညးဍဳင္ကြာန္တံ ေစွ္စုိတ္ထံက္ဂလာန္တဲု အံင္ဇှးအာ (၉၀%) တဿံကၜံျပင္မံင္ေရာင္ အလႝုအသ႘ပှာန္တအ္ လေလာင္တရးတဲု သၸလဝ္ဒတန္ရ။
ေသှာဝ္ဥပေဒသဇုိင္ ဒက္ပတန္ဍဳင္ဟီုမၢးဂွ္ ဒွ္လမ်ီဳဍဳင္မြဲရ။ အလုံမြဲကဿိန္ဍဳင္ ဒးေဒၢတ္ဗက္ေ႐ွ္ေသွ္တဵရ။ ၾယဵပူဂႝုလႝုမြဲေလဝ္ မံင္လတူ ေသှာဝ္ဥပေဒဟြံဂြံရ။ ေသှာဝ္ဥပေဒဝြံ အရာခုိဟ္တံဂွ္ သြက္ဂြံထိင္ဒဝ္မင္ မြဲအာတဲု အရာပေရံပေရံတအ္ ညံင္ဟြံကတႝုဒွ္ဂွ္ ဒးစႝုဒှာအာေရာင္။ တုပ္တဵညံင္ရဵဝတ္ သြက္ပ႙ုမှိဟ္တအ္ ဂြံေဒၢတ္ဗက္မြဲကီုရ။ ဟီုပ႐ူဏံမၢး ခ်ပ္ဂြံအာအခိင္မံင္ဘာ ဘဝေကာန္ကြးဘာေဍာတ္သြတ္ မြဲတၜေတံရ။ အေဃာဘဝကြးဘာေတံဝြံ ဒးေဒၢတ္ဗက္ေစဝ္ေပှာန္ဘာ ဍိဳက္ဍိဳက္ ေပင္ေပင္ရ။ ယဝ္ဟြံေဒၢတ္ဗက္ေစဝ္ ေပှာန္ဘာမၢး ဒးဒုင္ကႝုဒုဟ္ဒဏ္ ကုအၥာ/အၥာေဢာံတအ္ရ။ တုပ္သာ္ဂွ္ကီု ကုပူဂႝုမြဲမြဲတၜ ေကၜာန္သၸေဗၜတ္ ေဗၜင္အာ ႏူေသှာဝ္ဥပေဒခ်ဴဓဇက္ မေဖ်ံလဝ္ဂွ္မၢး ပူဂႝုဂွ္ဝြံ ဒးဒုင္ကႝုဒုဟ္ဒဏ္ ဗီုေကာန္ကြးဘာ မဲြတၜဂွ္ကီု ရ။
ေသှာဝ္ဥပေဒသဇုိင္ ဒက္ပတန္ဍဳင္မြဲမြဲဝြံ ဒ္ွအရာကိစၥေဇှာ္ သြက္ကဿိန္ဍဳင္မြဲ ဂြံတန္တဵအာရ။ ကဿိန္ဍဳင္မြဲမြဲ ဝြံ သဇိုင္ေသှာဝ္ဥပေဒ ဒက္ပတန္ဍဳင္ ဟြံမြဲမၢး တုပ္ပမာညံင္ရဵ သၛိဟြံမြဲကႝုဒပ္၊ ဍဳင္ဟြံမြဲကႝု ပေရင္ၐိုဟ္ လလံ သြက္ညးဍဳင္ကြာန္ဂမၜဳိင္တံရ။ သဇိုင္ေသှာဝ္ဥပေဒ သြက္ဂြံမင္မြဲ အေခါင္အရာ ညးဍဳင္ကြာန္ ဂမၜဳိင္တံဂ္ွ ခ်ဴဆန္ဒုင္လ်ဳိင္လဝ္ ကၜးကၜးမးမး ဟြံမြဲတုဲ ၐိုတ္အမိင္တိတ္ႏူပါင္ အလႝုအသ႘တအ္ဂ္ွ ဒ္ွအာ ေသှာဝ္ဥပေဒဍဳင္ေရာင္ဂ္ွ ညးဍဳင္ကြာန္ ဒးဒုင္အုပ္ဓုပ္ဒဿံင္သဿဝ္တဲ အလႝုအသ႘တၜအဝႝုပှာန္ ကဿိန္ဍဳင္ပ႙ု (ဗဿာ)ဂမၜဳိင္တံ ဒးဆုႝဂဗကၜဳင္ ဂၜဳိင္ကႝု သှာံအခါ ဗြဲမလအ္လရ။ ပႜဲဂၜးတိဝြံ ကဿိန္ဍဳင္ဗြဲမဂၜဳိင္(ၾကပ္သီုဖအိုတ္)ဂ္ွ မႏံြကႝုသဇိုင္ေသှာဝ္ဥပေဒ ဒက္ပတန္ဍဳင္ ညးဍဳင္ကြာန္ဂမၜဳိင္ ဒုင္တဲသၸ လဝ္ဒတန္ဂ္ွ ဂြံတီေကတ္ရ။ ပႜဲကႝုသၸဒတန္ဟီုဂွ္ ဒးဒွ္ပဿိက္ဆႏၵညးဍဳင္ ကြာန္တံ တိတ္ႏူဂၜံႂသိဟ္ေဇတ္ေဇတ္ေရာင္။ အတုိင္ပဿိက္ဆႏၵ အလႝု အသ႘အုပ္ဓုပ္ဍဳင္တံ မိက္ဂြံဒွ္ဂွ္ဘပဠ ကႝုစုတ္မာဲတဲု သၸေကတ္ဒတန္ နအဓမၼ ဗီုေသှာဝ္ဥပေဒဒက္ ပတန္ဍဳင္(၂၀၀၈)ကဿိန္ဍဳင္ဗဿာဂွ္ ဟြံေစွ္ဗဗြဲ ဓဝ္တဲု ေကၜာန္သၸဟြံေထက္ေရာင္ဂွ္ ညးကၜိဳဟ္ခၜင္ ပေရင္ဍဳင္ ကြာန္၊ ပေရင္အေခါင္အရာ၊ အေခါင္ဒ႘မဝ္ကေရၿဇ႘တံ ညာတ္ေကတ္သာ္ဝြံရ။
ေသှာဝ္ဥပေဒသဇုိင္ ဒက္ပတန္ဍဳင္ဟီုမၢးဂ္ွ ဒ္ွလိက္ကသုက္ (ပဋိဥာဥ္) အၾကာအလႝုအသ႘ကဿိန္ဍဳင္ ကု ညးဍဳင္ကြာန္ဂမၜဳိင္တအ္ ဂြံေဒၢတ္ဗက္၊ ဂြံေကၜာန္ဗက္ မဒ္ွရ။ အလႝုအသ႘တအ္ဝြံ အေခါင္ေကၜာန္ဂ္ွ အတိုင္ဓမံက္ထၞးခ်ဴဆန္လဝ္ ပႜဲေသှာဝ္ဥပေဒသဇုိင္ အုပ္ဓုပ္ဍဳင္ဂ္ွေဟင္ ဒးေဒၢတ္ဗက္၊ ဒးေကၜာန္ဗက္ရ။ နကႝုအလႝုအသ႘တအ္ပၜန္ေလဝ္ ဒစႝုဒစးကႝု ေသှာဝ္ဥပေဒသဇုိင္ ဒက္ပတန္ဍဳင္တဲု အေခါင္ေရင္တၜဳင္ ေကၜာန္သၸလၱဴညးဍဳင္ကြာန္တံ ဟြံမြဲရ။ ပႜဲေသှာဝ္ဥပေဒသဇုိင္ဝြံ အေခါင္အရာ ညးဍဳင္ကြာန္ကီု၊ အေခါင္ အရာ အလႝုအသ႘အုပ္ဓုပ္ကီု၊ ဗီုျပင္ဒက္ပတန္ အလႝုအသ႘ကီုတအ္ဂ္ွ ဒးခ်ဴဆန္ ဓမံက္ထၞးလဝ္ ဗြဲမကၜး ဖႜးေရာင္။ ဗီုဏံမွ ဒ္ွေသှာဝ္ဥပေဒသဇုိင္ သြက္ညးဍဳင္ကြာန္တံ ဂြံမိပ္ၿဇိပ္ၐိုဟ္ႀသဳိဟ္ နကႝုပေရင္ဂီုကၜဳီ မာန္ရ။ ေသှာဝ္ဥပေဒသဇုိင္ဝြံ ဒ္ွအရာဒုင္လ်ဳိင္ သြက္အေခါင္အရာ ညးဍဳင္ကြာန္ဂမၜဳိင္ ပႜဲကဿိန္ဍဳင္တဲု လၱဴေသှာဝ္ဥပေဒသဇုိင္ဂ္ွ ညးလႝုမြဲေလဝ္ မံင္ဟြံဂြံ၊ ေကၜာန္သၸဟြံဂြံရ။ ဟိုတ္ဒ္ွသာ္ဂ္ွရ ေသှာဝ္ဥပေဒ သဇုိင္ဝြံ ဒ္ွအရာ အဝႝုသၜဳင္အိုတ္ ပႜဲကဿိန္ဍဳင္မဲြမြဲေရာင္ သမၱီေကတ္ဂြံရ။ပႜဲကႝုခ်ဴဓဇက္ ေသှာဝ္ဥပေဒသဇုိင္ ဒက္ပတန္ဍဳင္ဂွ္ဝြံ အေခါင္အရာညးဍဳင္ ကြာန္ဂမၜဳိင္ ညံင္ဂြံပါလုပ္ ဂ္ွေလဝ္ ကိစၥေဇှာ္ဗြဲ မေလာန္ရ။
ေသှာဝ္ဥပေဒဒက္ပ တန္ဍဳင္ ဂ္ွ ေဆင္စပ္ဒဿံင္ကႝု ညးမတန္တဵဒဿံင္ ပႜဲကဿိန္ဍဳင္ အလံုသီုဖအိုတ္ရ။ ပေရင္ အနာဂတ္ ညးဍဳင္ကြာန္ဂမၜဳိင္တအ္ဂ္ွ တန္တဵဒဿံင္ကႝု ေသှာဝ္ဥပ ေဒသဇုိင္ ဒက္ပတန္ဍဳင္ ဗဲြမဂၜဳိင္ဂၜင္ ကီုရ။ ဟိုတ္ဂ္ွရ ညးစှးညးဍဳင္ကြာန္ဂမၜဳိင္၊ ကႜဳိပ္သၠဳိပ္ ညးဍဳင္ကြာန္ဂမၜဳိင္၊ ကႜဳိပ္သၠဳိပ္ေကာန္ဂကူ ဂမၜဳိင္တံ အေခါင္ပါလုပ္သ႘ကၜ႘ ပႜဲအခန္ခ်ဴ ဓဇက္ေသှာဝ္ဥပေဒ ဗြဲမဗၜးၐးႏံြမွ ေသှာဝ္ ဥပေဒသဇုိင္ဂ္ွ တန္တဵအာ ဍာ္ဇမၜိင္မာန္ရ၊ ဓမံက္ထၞးကုႝ အေခါင္အရာ ညးဍဳင္ကြာန္ ဂမၜဳိင္မာန္ရ။ နကႝုညးဂြံလဝ္အဝႝု မြဲဂေကာံ ေဍာတ္ဓဝ္ ခ်ဴဓဇက္ဖန္ဇန္အာမၢး အေခါင္ အရာညးဍဳင္ကြာန္တအ္ ဂြံမံက္ဂတဝ္မာန္ဂ္ွ အကာဲအရာ ေအာန္တဵဗြဲမေလာန္ကီုရ။ ၐိုတ္ လႝုညးဂြံလဝ္အဝႝုတအ္ ဂြံဆက္တန္ၾကန္အာ ဍာ္ဇမၜိင္မာန္ဂ္ွ ခ်ဴဓဇက္ ေလပ္ရ။ ဣဝြံဂ္ွ ဖန္ဗဒ္ွကႝု ပြဟြံမြဲကႝု ပေရင္ၐိုဟ္လလံ၊ ပေရင္ ဗဗဲြဓရ္ ေကုာံ ပေရင္ေဖာအ္ေျဗဝ္ တဵ တက္ အပႜဲကဿိန္ဍဳင္တံ ေဇှာ္ကႝုျဇဟတ္ေရာင္။ ''ေသှာဝ္ဥပေဒ(၂၀၀၈) အလႝုအသ႘ပှာန္တံ သၸဒတန္ လဝ္ဂွ္ဝြံ အေခါင္အရာသဇုိင္ ေကာန္ဍဳင္အရင္ဂမၜိဳင္ ဟြံမြဲတဲု သြက္ဒပ္ပှာန္ ဂြံအုပ္ဓလီုအာဂွ္ ဆက္တဲုကႝု လဝ္အေခါင္ ေရာင္''သာ္ဝြံ ညးအုပ္ကာနာနာ ေဗာ္ဍဳင္ မန္တဿိ 'နာဲဟံသာ' သၛ႘ဂၜိပ္ဟီုဂးလဝ္ရ။'နာဲဟံသာ' ဝြံ ဒွ္ညးစုိန္သကီု ပႜဲအရာပေရင္ ဍဳင္ကြာန္မြဲတၜတဲု အလႝုအသ႘တံ ဗက္သၸမံင္ ဂ႐ု၊ မင္ရံင္ မံင္ဇုိင္ ေဇှာ္ကႝု ျဇဟတ္ကီုရ။ ညးဝြံ နကႝုတင္ဒတူလုိင္ ပေရင္ဍဳင္ကြာန္ေပင္ေပင္ တဲု ဂံင္ဟီုဂး၊ ဂံင္ေခၜဝ္ သွ္ရ။
ေသှာဝ္ဥပေဒသဇုိင္ အလႝုအသ႘တၜ အဝႝုပှာန္ ကဿိန္ဍဳင္ပ႙ု(ဗဿာ) သၸလဝ္ဒတန္ ပႜဲသှာံ(၂၀၀၈)ဂ္ွဝြံ ဒုင္သ ဇိုင္ကႝု အေခါင္အရာ ညးဍဳင္ကြာန္ဂမၜဳိင္၊ အေခါင္အရာေကာန္ဂကူ ေကာန္ဍဳင္အရင္ဂမၜဳိင္တုဲ ခ်ဴဓဇက္ လဝ္ ဟြံေသင္ရ။ ညးစှးညးဍဳင္ကြာန္ဂမၜဳိင္၊ ကႜဳိပ္ သၠဳိပ္ေကာန္ဍဳင္အရင္ဂမၜဳိင္ ေကုာံ တၜပညာဂမၜဳိင္ တအ္ သ႘ကၜ႘ပတိုန္ထၞး ပႜဲသဘင္သ႘ကၜ႘ဂ္ွ အလႝုအသ႘ သီဂြံလဝ္အဝႝုတအ္ ပÌတးတဲု ဟံြသၸစဿတ္သမၱီရ။ အေခါင္သ႘ကၜ႘ ပြမႏံြကႝု ပေရင္ဗၜးၐးဂ္ွေလဝ္ ကဿာတ္တာဒှာလဝ္ နကႝု ေသှာဝ္ ဗြဲမေတင္ျဂတ္ရ။ ညးတိုန္ စိုပ္ ပႜဲသဘင္သ႘ကၜ႘ေကာန္ဂကူ ခ်ဴဓဇက္ေသှာဝ္ ဥပေဒတအ္ဂ္ွ အတိုင္ပဿိက္စိုတ္ဇကု သ႘ကၜ႘ ပတိုန္ထၞး ဗၜးဗၜးၐးၐး ဟြံမြဲတုဲ အတုိင္ပဿိက္ဆႏၵ အလႝုအသ႘တအ္ ေဖ်ံလဝ္မူဝါဒဂ္ွေဟင္ ဒးဓ ညိက္ဗက္ဒဿံင္ ကႜဳိပ္ ေရာင္ဂ္ွ ျမဟ္တမႛဝ္ဒဿံင္ အလုံမြဲကဿိန္ဍဳင္ပ႙ု(ဗဿာ)ရ။ ညးမႏံြကႝု အေခါင္ပါ လုပ္သ႘ကၜ႘ ပႜဲခ်ဴဓဇက္ ေသှာဝ္ ဥပေဒသဇုိင္ ဒက္ပတန္ဍဳင္လၛဳႝလၛဳႝတအ္ဂ္ွေလဝ္ အလႝုအသ႘ ပှာန္တအ္ ရပ္ခ်ဳက္၊ ရပ္စုတ္လဝ္ထံင္ အိုတ္ရ။ ''ေသှာဝ္ဥပေဒသဇုိင္ အုပ္ဓုပ္ဍဳင္ အလႝု အသ႘ပှာန္တံ ခ်ဴဓဇက္လဝ္ဂွ္ သြက္လိက္ပတ္ ေယန္ သှာင္မန္ မြဲေပှာန္ေလဝ္ ခ်ဴဓဇက္လဝ္ ဟြံမြဲပုဟ္၊ ပ႙ုဍိက္တံလုပ္႐ဲုမာဲတဲု ဒွ္ကၜဳင္ အမာတ္ကီုေလဝ္ ပႜဲ စၜတ္ထဝ္ေတံ ေသၢာံ အာတ္အေခါင္ လိက္ပတ္ေယန္သှာင္မန္ဂွ္ ဒွ္မာန္ဟြံေသင္ပုဟ္'' သာ္ဝြံ အၥာသဝ္ နာဲဟံင္ဍဳင္ ကေလင္ေခၜဝ္သွ္ဏာကႝု က်ာ္ေဇှာ္ အၥာမြဲတၜ ပႜဲကႝုသဘင္ကှာေစွ္ဘာ ဥတုကညင္ သှာံ (၂၀၀၉)၊ ပႜဲကြာန္ယံင္ဒံင္ရ။ အၥာသဝ္ နာဲဟံင္ဍဳင္ (ေဒါက္တာမင္းၾကည္ဝင္း)ဝြံ ဒ္ွဖက္ေဆာညးအုပ္ကာ ဂေကာံဒ႘မဝ္ကေရၿဇ႘ ေကာန္ဂကူမန္တဲု ပႜဲကႝုေပဲါ႐ဲုမာဲသှာံ(၁၉၉၀)ဂွ္ ဇှးအာလဝ္မာဲ နကဆံင္အမာတ္ (စၜတ္ထဝ္) မြဲတၜကီုရ။
ကဿိန္ဍဳင္မဲြမြဲဝြံ ပႜဲကႝုခ်ဴဓဇက္ေသှာဝ္ ဥပေဒသဇုိင္ အုပ္ဓုပ္ဍဳင္ဂ္ွ ပေရင္ပတိုန္ထၞး၊ ပေရင္သ႘ကၜ႘ညးဍဳင္ ကြာန္တအ္ေလဝ္ အလႝု အသ႘တအ္ ဒးေရင္တၜဳင္ပံက္ကႝုအေခါင္ ဗြဲမဗၜးၐးကီုေရာင္။ ပေရင္သ႘ကၜ႘ ပတိုန္ထၞးဂမၜဳိင္ (မပၱံကႝု ႏူညးစှးညးဍဳင္ကြာန္ဂမၜဳိင္၊ ကႜဳိပ္သၠဳိပ္ဂမၜဳိင္၊ တၜပညာဂမၜဳိင္)တအ္ဂ္ွ ဒးသၸစဿတ္ သမၱီကီုေရာင္။ သၸမဇၨ်ဟ္ပဲါတးေထာံ ဟြံဂြံရ။ အလႝုအသ႘ တအ္ဝြံ ကိစၥအေခါင္အရာ ေကုာံ ကိစၥဒဒ္ွဍာံ အိုႆီုတအ္ဂ္ွ ကဿာတ္တာဒှာဒဿံင္ ညးဍဳင္ကြာန္ တအ္လဿဳိန္ဂ္ွတုဲ ေသှာဝ္ဥပေဒသဇုိင္ ဒက္ပတန္ ဍဳင္ဂ္ွဝြံ ဗီုလႝုေသၢာံဒ္ွဂုဏ္ဖႝု သြက္ညးဍဳင္ ကြာန္တအ္ေရာဂ္ွ ခ်ပ္ပၚပဲါေကတ္မာန္ရ။
ေသှာဝ္ဥပေဒအလႝုအသ႘ပှာန္ သၸဒတန္လဝ္ ပႜဲသှာံ(၂၀၀၈)ဂ္ွ ပေတာံၐတ္ကႝု သဇိုင္ေသှာဝ္ ဥပေဒ ကဿိန္ဍဳင္ေသံ ခ်ဴဓဇက္လဝ္ ပဲႜသှာံ (၁၉၉၇)ကႝု သဇိုင္ေသှာဝ္ဥပေဒ ကဿိန္ဍဳင္သၜဳင္ က်ာအာဖရိက ခ်ဴ ဓဇက္လဝ္ ပႜဲသှာံ(၁၉၉၃ ကႝု ၁၉၉၆) ဂ္ွမၢး တှဟ္ျခာမံင္ညးသၠံ ညံင္ရဵ ဍာ္ကႝုေကၜင္၊ တိကႝုအကးရ။ ပဲႜကႝု ခ်ဴဓဇက္ ေသှာဝ္ ကဿိန္ဍဳင္ၐါဏံဂ္ွ ညးဍဳင္ကြာန္တအ္ ၾကပ္ပါလုပ္ တဿံကၜံေပင္ေပင္ေရာင္ဂ္ွ ဟီုစမာန္ရ။ တဲုပၜန္ ပေရင္သ႘ကၜ႘၊ ပေရင္ခ်ဴဓဇက္ ဇဿာပ္ပ္ကဆံင္တအ္ဂ္ွေလဝ္ ကႝုသမၱီကုညးဍဳင္ကြာန္ တအ္ နကႝု လိက္ပ႐ိုင္၊ ေရဒ႘ယိုဝ္၊ ထ႘ဝ႘(ထၫ) တအ္ရ။ ညးဍဳင္ကြာန္တအ္ ပါလုပ္ကီု၊ ပြမေကတ္ကသပ္ ႏူညးဍဳင္ ကြာန္တအ္ ကီုဂ္ွတုဲ ေသှာဝ္ဥပေဒသဇုိင္ဂ္ွဝြံ ဒ္ွေသှာဝ္ဥပေဒသဇုိင္ မင္မြဲအေခါင္အရာ ညးဍဳင္ကြာန္ တအ္ေရာင္ မဒ္ွရ။
ဟိုတ္ဂ္ွရ ေသှာဝ္ဥပေဒသဇိုင္ ဒက္ပတန္ဍဳင္ဝြံ ဒးမံက္တိတ္ကၜဳင္ ႏူပဿိက္ဆႏၵညးဍဳင္ကြာန္ဂမၜဳိင္ရ။ ဒုင္ သဇိုင္ကႝု တင္နင္ အေခါင္အရာညးဍဳင္ကြာန္ဂမၜဳိင္တဲု ဒးခ်ဴဓဇက္ေရာင္။ ေသှာဝ္ဥပေဒသဇုိင္ အလႝု အသ႘ပှာန္ သၸဒတန္လဝ္ဂ္ွဝြံ ဒ္ွေသှာဝ္ဥပေဒသဇိုင္ မင္မြဲအေခါင္အရာ ညးဍဳင္ကြာန္တအ္ ဟြံေသင္တုဲ ဒ္ွေသှာဝ္ ဥပေဒသဇုိင္ သြက္အလႝုအသ႘ပှာန္တအ္ အဝႝုဂြံခိုင္အာဍာ္ဇမၜိင္ နကႝုဗဗြဲဓဝ္ေရာင္ဂ္ွ ညးသၛ႘ဂၜိပ္ ပၚပဲါခါတ္ကာဲလတူေသှာဝ္တံ ဟီုဂး ပၚပÌမံင္ သာ္ဝြံရ။ တဲုပၜန္ ဒုင္သဇုိင္ကႝု ေသှာဝ္ဥပေဒဏံတဲု ပႜဲကႝု သှာံ(၂၀၁၀)ဏံမၢး ေကၜာန္သၸေပဲါ႐ဲုမာဲ ဒက္ပတန္အလႝုအသ႘ ေရာင္ဂွ္ေလဝ္ လေလာင္ၾတးလဝ္ တဲုမံင္ တဿာလအ္ရ။ ဆဂး ေသှာဝ္ ကဝ္မေယွန္ေပဲါ ႐ဲုမာဲကဿိန္ဍဳင္ (ျပည္ေထာင္စုေရြးေကာက္ပြဲ ေကာ္မ႐ွင္ ဥပေဒ၊ ေသှာဝ္စဿတ္သမၱီ ေဗာ္ပေရင္ဍဳင္ကြာန္ဂမၜိဳင္ (ႏုိင္ငံေရးပါတီမ်ား မွတ္ပုံတင္ျခင္းဥပေဒ)၊ ေသှာဝ္ ေပဲါ႐ဲုမာဲ စၜတ္ထဝ္ညးဍဳင္ကြာန္ (ျပည္သူ႔ လႊတ္ေတာ္ေရြး ေကာက္ပြဲဥပေဒ)၊ ေသှာဝ္ေပဲါ႐ဲု မာဲစၜတ္ထဝ္ ေကာန္ ဂကူ (အမ်ိဳးသားလႊတ္ေတာ္ ေရြးေကာက္ပြဲဥပေဒ) ေကုာံ ေသှာဝ္ ေပဲါ႐ဲုမာဲစၜတ္ထဝ္ ရးေဒသ ေဇှာ္ (တုိင္းေဒသၾကီးလႊတ္ေတာ္ ေရြးေကာက္ပြဲဥပေဒ) (ဝါ) စၜတ္ထဝ္တြႝဳရး (ျပည္နယ္လႊတ္ေတာ္ ေရြးေကာက္ပြဲဥပေဒ) ဂမၜိဳင္တံဂွ္ အလႝုအသ႘တၜအဝႝုပှာန္တံ လေလာင္ၾတးဏာ ပႜဲစဿတ္တၛဲ (၈/၃/၂၀၁၀) အခိင္သဝ္တၛဲ (၄)နာဍ႘ကဿိန္ဍဳင္ဗဿာ နကုႝ(ဿ႐ထၫ)ရ။ တဲုပၜန္ ယင္ေသှာဝ္ဂမၜိဳင္တံဂွ္ စႏူစဿတ္တၛဲ (၉/၃/ ၂၀၁၀)ဂွ္ ဓမံက္ထၞးပႜဲလိက္ပ႐ုိင္(အလႝုအသ႘) ေလဿင္တၛဲဂမၜိဳင္ နဒဒွ္တှးအပႝု(အခ်ပ္ပိုစာမ်က္ႏွာ)တဲု နကႝုလိက္အုပ္ဂမၜိဳင္ေလဝ္ တက္ၾတးပၱိတ္အာကႝုေရာင္ ဟီုလေလာင္လဝ္သာ္ဝြံရ။ ၐုိန္ရလေလာင္လဝ္ ေသှာဝ္ဂမၜိဳင္ဏံကီုေလဝ္ စဿတ္တၛဲေကၜာန္သၸေပဲါ႐ဲုမာဲဂွ္ ဟြံဂြံလေလာင္ၾတးလဝ္ဏီရ။ ကၜာဟြံဂြံ လေလာင္ၾတး ေသှာဝ္ေပÌ႐ဲု မာဲဏံဂွ္ ၐုိန္ရ ေဗာ္ပေရင္ဍဳင္ကြာန္တှဟ္တှဟ္တံ ဟြံစ႘ကၜး၊ ဟြံမြဲကႝု အေခါင္ဏီကီုေလဝ္ ဂေကာံလၸာ္အလႝုအသ႘ပှာန္တံ ေစွ္မံင္ပေရင္ စန္ဒက္၊ တံင္ျဂဲဒဿံင္ စုိတ္ဓာတ္ညးဍဳင္ ကြာန္တံယ်ေရာင္ဂွ္ ဂြံဗွ္ေကတ္ပ႐ုိင္ ႏူဌာန္ပ႐ုိင္ဂမၜိဳင္ (ဌာနပ႐ုိင္ေကာန္ဂကူ မေဖ်ံသဇုိင္ ပႜဲဍဳင္ဇုိင္ဝုတ္ ဒုိဟ္ဍဳင္ဗဿာဂမၜိဳင္)ရ။ ဂေကာံတှဟ္သၟာင္တံဂွ္ အေခါင္ဓမံက္႐ုပ္ရဵ၊ အေခါင္ခ်႘ဒရာင္ စပ္ကႝုေပဲါ႐ဲုမာဲ ဟြံမြဲ မြဲသာ္ရ။ ညံင္ဟြံဂြံ ေကၜာန္သၸဂြံဂွ္ေလဝ္ အလႝုအသ႘တံ ေဖ်ံလဝ္အစ႘အဇန္တဲု မင္ရံင္မံင္ရ။
ပႜဲကႝုေကၜာန္သၸ ေပဲါ႐ဲုမာဲ(၁၉၉၀)၊ ဂိတုေမဂွ္မၢး ကၜာဟြံစုိပ္ အခိင္႐ဲုမာဲဏီ ပႜဲသှာံ(၁၉၈၉)ဂွ္ ကႝုအေခါင္ ပံက္ေဗာ္ပေရင္ဍဳင္ ကြာန္ဂမၜိဳင္ကီု၊ လေလာင္ၾတးပတိတ္လဝ္ ေသှာဝ္ဥပေဒေပဲါ႐ဲုမာဲကီုတဲု ဂေကာံ ေဗာ္ပေရင္ ဍဳင္ကြာန္ဂမၜိဳင္တံ ဂြံအေခါင္ခ်႘ဒရာင္ အခိင္ပြိဳင္မြဲ သှာံျပင္ရ။ တဲုပၜန္ ကၜာဟြံဂြံစုိပ္ အခိင္ ေကၜာန္သၸေပÌ႐ဲုမာဲ ၐုိတ္(၃)ဂိတုဂွ္ စကႝုအေခါင္စန္ဒက္ နကႝုထ႘ဝ႘ (႐ုပ္ျမင္သံၾကား)၊ (ေရဒ႘ယႝု)ပၜန္ရ။ ပႜဲကႝုေပဲါ႐ဲုမာဲ ဏံဝြံ ဂေကာံဒ႘မဝ္ကေရျဇ႘ေကာန္ဂကူ(NLD) ဇှးအာမာဲ နကႝုတဿံကၜံ(၈၀)ျပင္ေရာင္ဂွ္ သဿာပေရင္ဍဳင္ကြာန္ ဝွ္ၾကံင္မြဲတၜ ဟီုထၞးလဝ္ ကႝုဌာန္ပ႐ုိင္ရ။ ေဗာ္ဒ႘မဝ္ကေရၿဇ႘ေကာန္ဂကူမန္တံေလဝ္ ဇှးလဝ္မာဲက ဆံင္အမာတ္(စၜတ္ထဝ္) မသုန္တၜကီုေရာင္ ဂြံတီေကတ္ရ။ ဂေကာံဒ႘မဝ္ ကေရျဇ႘ ေကာန္ ဂကူ (NLD) တံ ၐုိန္ရဇှးအာ ေပဲါ႐ဲုမာဲ(၁၉၉၀)ဂွ္ ကီုေလဝ္ စႝုကႝုလဿဳဟ္ အလႝုအသ႘တၜအဝႝုပှာန္တံ ဟြံပအပ္ကႝုအဝႝုတဲု ကေလင္စ႘ဇန္ ေကၜာန္သၸေပဲါ႐ဲုမာဲ ပႜဲသှာံ(၂၀၁၀)ဏံ မြဲဝါပၜန္ရ။ ဆဂး ပႜဲကႝုေပဲါ႐ဲုမာဲ (၂၀၁၀)ဏံဂွ္ ဂေကာံဒ႘မဝ္ကေရျဇ႘ေကာန္ဂကူ (NLD) တံ ပါလုပ္/ဟြံပါလုပ္ဟာဂွ္ အခိင္ခ်ဴမံင္လိက္ ပေရင္ဏံ ညးတံဟြံဂြံေဖ်ံသၢဳတ္သြာတ္ဏီရ။ ေဆင္စပ္ကႝုေပဲါ႐ဲုမာ ဲ(၂၀၁၀)တဲု ''ေသှာဝ္ဥပေဒသဇုိင္ အလႝုအသ႘ပှာန္(၂၀၀၈)ဂွ္ ပဲါတးဟြံဒုင္တဲတဲု ကေလင္ခ်ဴခှံပေလဝ္ကႝု ေသှာဝ္ဥပေဒသဇုိင္ အလႝုအသ႘ ပှာန္ ခ်ဴဓဇက္လဝ္(၂၀၀၈)ဂွ္တဲုမွ ေပဲါ႐ဲုမာဲ(၂၀၁၀)ဂွ္ ဒုင္တဲကေလင္ ခ်ပ္ကႝုေရာင္'' သာ္ဝြံ ေဗာ္ဍဳင္မန္ တဿိ ေဖ်ံလဝ္သၢဳတ္သြာတ္ ပႜဲေကာံဓ႐ီုဗဟႝု ေဗာ္ဍဳင္မန္တဿိ အလန္သတၱမ ဂွ္ရ။ ေဗာ္ဍဳင္မန္တဿိဝြံ မဒွ္ေဗာ္ ပၜန္ဂတးျဇဟတ္ေဇှာ္ သြက္ဂကူမန္မြဲတဲု အလႝုအသ႘ပှာန္တံ မင္ရံင္ဒဿံင္ေစအ္ေစအ္ရ။
ၐုိန္ရညးဍဳင္ကြာန္ဂမၜိဳင္၊ ကႜိဳပ္သကုိပ္ေကာန္ဂကူ ေကာန္ဍဳင္ အရင္ဂမၜိဳင္၊ တၜပညာဂမၜိဳင္၊ ဂေကာံတှဟ္ သၟာင္ ေကုာံ ေဗာ္ဍဳင္မန္ တဿိတံ ဒစႝုဒစး၊ ဟြံဒးဂှပ္စုိတ္ဂလုိင္လႝုကီုေလဝ္ အလႝုအသ႘ပှာန္တံဝြံ အတုိင္ ေဖ်ံလဝ္ ေလဿင္အစ႘အဇန္ဂွ္ေဟင္ ဆက္ေကၜာန္အာဒဿံင္ေလဿင္င္ ရ။ ကိစၥကဿိန္ဍဳင္ဟီုဂွ္ တန္တဵဒဿံင္ကႝု အလုံညးကဿိန္ဍဳင္မဒွ္တဲု အတုိင္ပဿိက္ ဆႏၵညးဍဳင္ကြာန္ဂမၜိဳင္၊ ကႜိဳပ္သကုိပ္ေကာန္ဂကူ ေကာန္ဍဳင္အရင္ ဂမၜိဳင္ ေကုာံ တၜပညာဂမၜိဳင္ တံဂွ္ေလဝ္ ဒးသၸဂ႐ု၊ ဒးစဿတ္သမၱီေထက္ကီုေရာင္။ ေကၜာန္သၸမံင္ အတုိင္ လညာတ္ဇကု၊ အတိုင္ဂေကာံဇကုမြဲဓဝ္ ဟြံဂြံရ။ လညာတ္ညးလညာတ္အဲ ပံင္ေကာံခ်ဴဓဇက္ဖန္ဗဒွ္မွ ပေရင္ဂြံဒုင္စသိုင္ တုပ္သဿဟ္တဲု တန္တဵအာ အနာဂတ္ဍာ္ဇမၜိင္မာန္ရ။ ဟုိတ္ဂွ္ရ ''ေပဲါ႐ဲုမာဲ (၂၀၁၀) ေကၜာန္သၸပႜဲကဿိန္ဍဳင္ဗဿာဂွ္ ပေသာင္ျပႆနာ ကတႝုဒွ္မံင္ အပႜဲကဿိန္ဍဳင္ မာန္ဟြံေသင္တဲု ၐုိတ္ဒုင္ယဿဳ/ တင္ယဿဳ ေပဲါ႐ဲုမာဲဒ႘မဝ္ကေရျဇ႘ ေဟင္ေရာင္'' သာ္ဝြံ အမာတ္စၜတ္ထဝ္လတူ ကဿိန္ဍဳင္ေသံ 'နာဲဃ႐ုိင္ သာတ္ဇ်ဴဟာဝါန္'(ႏုိင္က႐ုိင္ဆတ္ခၽန္ဟာဗန္) ဟီုကႝုအၥာ ပ႐ုိင္ဂမၜိဳင္ ပႜဲစဿတ္တၛဲ (၈/၃/၂၀၁၀)၊ ပႜဲဍဳင္ဗဿာ ခ်ိဳတ္(မဲေဆာက္)ရ။
လဿဳဟ္ဝြံ ဥပေဒဟီုဂွ္ မုေလဝ္အပါနာဲ ကုေကာန္ဝုတ္အပါနာဲဂွ္ ဟြံတီကၜးကၜးမးမးမြဲသာ္၊ ဗီုဇကုမိက္ဂြံဒွ္ဂွ္ ကႝုညးတံေကၜာန္သၸတဲု ''ေပဲါ႐ဲုမာဲ..... ဥပေဒ....... ဟီုဂွ္မုေရာ'' သာ္ဝြံ အေရဝ္ေကာန္ဝုတ္ အပါနာဲသဝ္ ကေရာတ္တဲု ရမ်ာင္ဆက္သဿာန္လဝ္ဂွ္ ဟြံေကၜံအာ ႏူပႜဲကေတာဝ္အဲၐါ စႝုကႝုအခိင္လဿဳဟ္ဏီရ။ ဒှာဲဇကု ႏြံပဿိက္ ဒးဂှပ္စုိတ္ဂွ္ သီေကတ္ဂုိင္ေဒပ္ ေကတ္လဝ္ဒှာဲတဲု ေကၜာန္သၸကႝုေပဲါ႐ဲုမာဲ ေရာင္ လေလာင္ၾတး ဟီုႂကီုမံင္ဂွ္ ဒွ္ဒဿံင္ေပဲါ႐ဲုမာဲဟာ၊ ေပဲါပၜံင္ဒှာဲဟာဂွ္ ေထက္ကႝုဒးဒွ္သံသယ ႏြံဒဿံင္ဏီဟာ။ ။
ေတဇမန္
ဂ်ာေနဝ္ေခတ္ပ႙ု ေလဿင္(၅၇)
March 2010
0 တၜ ဟီုဂလာန္ပၚပဲါလဝ္ ဒှာဲဏအ္ရ:
Post a Comment