ေလဿင္ (၅၆)၊ ဂိတုဒ႘ေျဇန္ဗာ၊ သှာံ ၂၀၀၉
အခိင္အခါလဿဳဟ္ဝြံ အလႝုအသ႘တၜအဝႝုပှာန္ကဿိန္ဍဳင္ဗဿာ အုပ္ဓုပ္ကၜဳင္ဍဳင္ နကႝုေသှာဝ္ဥပေဒဟြံေသင္ ေကုာံ နကႝု ဗဗြဲဓဝ္ဟြံေသင္ဂွ္ သှာံလအ္ကၜဳင္လအ္ကၜဳင္ဒဿံင္ ဗြဲမဂၜိဳင္ရ။ အလႝုအသ႘တၜအဝႝုပှာန္တအ္ဝြံ ပၜံင္ေကတ္အဝႝု အာဏာ ကဿိန္ဍဳင္ ႏူညးဍဳင္ကြာန္ဂမၜိဳင္တအ္တဲု အခိင္အုပ္ဓုပ္ေရင္တၜဳင္မံင္ဂွ္ ေဖာအ္ ေျဗဝ္တဵတက္တုိန္မံင္ေရာင္ ဟီုလ ေလာင္ၾတးကၜဳင္ကီုရ။ ဗြဲေတဿင္မၢး ပေတာံၐတ္ကႝု ႏူသှာံ (၁၉၈၈)တဲု မပၱံကႝု လဿိဟ္ဘာေဗၱာန္လိက္၊ လဿိဟ္ဒဒန္၊ လဿိဟ္႐ုင္ဂဥဲဳíမပတံနာနာသာ္တအ္ တဵတက္ဂၜိဳင္ကၜဳင္မံင္ ေရာင္ ဂွ္ ဓမံက္ပတိတ္ဒဿံင္ ပႜဲပ႐ုိင္အလႝု အသ႘တအ္ ဗြဲမဂၜိဳင္ ဂြံမိင္၊ ဂြံဆႝုေကတ္ရ။ အလႝုအသ႘တအ္ ဟီုၾကီဳဒဿံင္၊ ေကတ္ဒဿံင္စရာဲ ေဇှာ္ကႝုျဇဟတ္ရ။ အလႝုအသ႘တၜအဝႝု ပှာန္တအ္ဝြံ ၐုိတ္ပ႐ုိင္ဂုန္ဖႝု သြက္ညး တအ္ခုိဟ္စဂွ္ေဟင္ ပတိတ္လေလာင္ၾတးဒဿံင္ကႝု ညးဍဳင္ကြာန္တအ္ ထပ္ကႝု ထပ္ရ။ ပ႐ုိင္ဒဒွ္ဍာံ ကတႝုဒွ္မံင္ ပႜဲကဿိန္ဍဳင္ေဇတ္ေဇတ္ဂွ္ ကဿာတ္လဒႝုတာဒှာလဝ္ ဗြဲမေတင္ျဂတ္တဲု ကဿာတ္လဝ္ မတ္၊ ကဿာဝ္လဝ္ကေတာဝ္ ညးဍဳင္ကြာန္တအ္ေပင္ေပင္ရ။
ကိစၥပေရင္ကဿိန္ဍဳင္ဟီုဂွ္ ညးဍဳင္ကြာန္ဂမၜိဳင္တအ္ ညံင္ဂြံပါလုပ္ခ်႘ဒရာင္ဂွ္ေလဝ္ ကိစၥေဇှာ္ဗြဲမေလာန္ကီုရ။ ကဿိန္ဍဳင္ မြဲမြဲဝြံ ဒက္ပ တန္လဝ္ကႝု ဂေကာံမှိဟ္ဂမၜိဳင္မဒွ္တဲု သၸမဇၨ်ဟ္ပÌတးေထာံ အေခါင္ညးဍဳင္ကြာန္၊ ပေရင္ခ်႘ဒရာင္ ညးဍဳင္ကြာန္ ေကုာံ ပေရင္ဒုင္စသုိင္ ညးဍဳင္ကြာန္ဂမၜဳိင္တအ္ ဟြံဂြံရ။ ဂေကာံညးဍဳင္ ကြာန္ ဂမၜိဳင္တအ္ ညံင္ဂြံ ပါလုပ္ခ်႘ဒရာင္/သၢဳတ္သြာတ္ အပႜဲကဿိန္ဍဳင္မာန္ဂွ္ အလႝုအသ႘အုပ္ဓုပ္ဍဳင္တအ္ ဟြံစႝုဒှာမြဲသာ္တဲု ဒးကႝုျဇဟတ္ ဓ႐ုိဟ္၊ ဒးကႝုဂၜံင္ဍာန္ကီုေရာင္။ ပႜဲအရာဒက္ပတန္ကဿိန္ဍဳင္ဂွ္ ပေရင္ခ်႘ဒရာင္ ပေရင္သၢဳတ္သြာတ္ ညးဍဳင္ကြာန္ တအ္ႏြံကီုမွ ကဿိန္ဍဳင္ဂွ္တန္တဵအာဍာ္ဇမၜိင္ ဗြဲမၐုိဟ္ႂသိဟ္မာန္ရ။ အခိင္ အခါတၛဲဏံဝြံ အလႝုအသ႘ တၜအဝႝုပှာန္ တအ္ဂွ္ အရာကိစၥေဇှာ္၊ ဂပ္ဂဝ္ဒးေကၜာန္ေထက္ သြက္ကဿိန္ဍဳင္ ေဇတ္ေဇတ္ဂွ္ ဟြံေကၜာန္သၸတဲု အရာကိစၥ သြက္ဂေကာံဇကု၊ သြက္အဝႝုဇကု ဂြံတန္ၾကန္အာ ဍာ္ဇမၜိင္ မာန္ဂွ္ေဟင္ ဖန္ဇန္ဆက္ေကၜာန္ဒဿံင္ ေလဿင္ေလဿင္ ေရာင္ဂွ္ ညးစုိန္သကီု အပႜဲပေရင္ဍဳင္ကြာန္ ကဿိန္ဍဳင္ဗဿာ တအ္ ညာတ္ေကတ္သာ္ဝြံရ။
အလႝုအသ႘တၜအဝႝုပှာန္ဝြံ ဒက္ပတန္ကဿိန္ဍဳင္ဒ႘မဝ္ကေရျဇ႘ေရာင္ သာ္ဝြံ ဟီုဂးလေလာင္ၾတးမံင္ရ။ ဆဂး အေခါင္ဒ႘မဝ္ကေရျဇ႘ အလႝုအသ႘ပှာန္တအ္ဟီုမံင္ဂွ္ ညးဍဳင္ကြာန္ဂမၜိဳင္တအ္ ညိဓဝ္ေလဝ္ ဟြံဂြံဒုင္စသုိင္ ရ။ ဗြဲေတဿင္ ဂေကာံအလႝုအသ႘ပှာန္တအ္ မြဲဂေကာံဓဝ္ေဟင္ ေကၜာန္ဗဒွ္ေကတ္ ဒုင္စသုိင္ေကတ္ရ။ အေခါင္ ဒ႘မဝ္ကေရျဇ႘ သြက္ဂေကာံပှာန္မြဲေဟင္ ဟီုစဂြံရ။ ဆႏၵညးဍဳင္ကြာန္ဂမၜိဳင္၊ ဆႏၵကႜိဳပ္ သကုိပ္ ပၜန္ဂတးဂမၜိဳင္ တအ္ဂွ္ ဟြံသၸဂ႐ု ပဲါတးေထာံေလဿင္ေလဿင္တဲု ဗီုဇကုႏြံပဿိက္၊ ဗီုဇကုမိက္ဂြံဒွ္ဂွ္ေဟင္ ေကၜာန္ သၸဖန္ဇန္ဒဿံင္ လတူညးဍဳင္ကြာန္ဂမၜိဳင္၊ လတူေကာန္ဂကူ ေကာန္ဍဳင္အရင္ဂမၜိဳင္တဲု ဟီုဂးလေလာင္ၾတးမံင္ ဒက္ပတန္ ကဿိန္ဍဳင္ဒ႘မဝ္ကေရျဇ႘ေရာင္ဂွ္ အဓိပၸါယ္ဟြံမြဲရ။ ႐ွ္သာဟြံမြဲရ။လဟီုအလႝုအသ႘ တၜအဝႝုပှာန္ တအ္ဂွ္ တုပ္တဵ ေဗာဓိသတ္တဲု ကာလေကၜာန္သၸဓမံက္႐ုပ္ရဵကေမၜာန္ဂွ္ ညံင္ရဵေဒဝဒတ္ရ။ လစြံစုိတ္ လတူကဿိန္ဍဳင္ ဟြံတပ္တး ဟြံသၟးဇၛးမၢး ျပဒၵညာကတႝုဒွ္မံင္ အပႜဲကဿိန္ဍဳင္ ဂွ္ေလဝ္ အုိတ္အးၐုိဟ္ႂသိုဟ္ အာမာန္ ဟြံေသင္ရ။ အလႝုအသ႘တၜအဝႝုပှာန္ ပေသာင္ဒဿံင္ျပဒၵညာ ပေရင္ဍဳင္ကြာန္ အပႜဲကဿိန္ဍဳင္ ညံင္ရဵကေတာဝ္ကႜိဳင္ကႜိဳင္၊ မတ္ကၜက္ကၜက္ရမၢး ဟြံစုိပ္တရဵေရာင္ သာ္ဝြံ ညးသၛ႘ဂၜိပ္ပေရင္ဍဳင္ကြာန္တအ္ ဟီုဂးပၚပဲါတဵရ။
တဲုပၜန္ ''ႏုိင္ငံေတာ္ဖြဲ႔စည္းပုံအေျခခံဥပေဒေပၚေပါက္ေရးသည္ တုိင္းရင္းသားအားလုံး၏ တာဝန္ ျဖစ္သည္'' သာ္ဝြံ အလႝုအသ႘တအ္ လေလာင္ၾတးမံင္ ပႜဲထ႘ဝ႘(TV)ကီု၊ ပႜဲလိက္ဂတႝုလေလာင္ၾတး (ေၾကျငာေဆာင္ပုဒ္) တအ္ကီု ေပင္ကႜတ္မံင္ အလုံမြဲကဿိန္ဍဳင္ရ။ ေသှာဝ္ဥပေဒသဇုိင္ဒက္ပတန္ဍဳင္ ဂြံမံက္တုိန္၊ ဂြံဒွ္တုိန္ဟီုဂွ္ ဒွ္တာလ်ိဳင္ ညးဍဳင္ကြာန္ဂမၜိဳင္၊ ေကာန္ဂကူေကာန္ဍဳင္အရင္ဂမၜိဳင္ေရာင္ဂွ္ အလႝုအသ႘တအ္ လေလာင္ၾတးလဝ္ မံက္မံက္ ဂတဝ္ဂတဝ္ အလုံမြဲကဿိန္ဍဳင္ရ။ ဆဂး ကာလခ်ဴဓဇက္ ေသှာဝ္ဥပေဒသဇုိင္ဒက္ပတန္ဍဳင္ သၸဒတန္လဝ္ ပႜဲသှာံ(၂၀၀၈)၊ ဂိတုေမဂွ္ဝြံ အေခါင္ပတုိန္ထၞး၊ အေခါင္သဂုတ္သြာတ္၊ အေခါင္ပါလုပ္သ႘ကၜ႘ ညးဍဳင္ကြာန္ဂမၜိဳင္၊ ကႜိဳပ္သကုိပ္ ေကာန္ဍဳင္ အရင္ဂမၜိဳင္ တအ္ ညံင္ဟြံဂြံပါလုပ္ သၜဲသၜဲလးလး၊ ဗြဲမဗၜးၐးဂွ္ အလႝုအသ႘တအ္ တာဒှာလဝ္နဲနာနာသာ္ရ။ ဟုိတ္ဒွ္ သာ္ဝြံတဲု ပၜန္ဂတးရပ္လြဟ္ေဒံါလဝ္ ပန္ေပွာ္ကုအလႝုအသ႘ပှာန္ ပႜဲသှာံ(၁၉၉၅) ေဗာ္ဍဳင္မန္တဿိဝြံ ကုိပ္ကၜာ ဂွ္ တုိန္စုိပ္သဘင္သ႘ကၜ႘ေကာန္ဂကူ (အမ်ိဳးသားညီလာခံ) အလႝုအသ႘ပှာန္ေကၜာန္ဗဒွ္ ပႜဲသၜာတ္ ျဇဲၐါတှံ (ေညာင္ႏွစ္ပင္ကြင္း)ဂွ္ နဒဒွ္ညးစှးကီုရ။ ဆဂး လကၠရဵဏံဝြံ ဟုိတ္ႏူ အေခါင္ သ႘ကၜ႘ ပတုိန္ထၞး ဗြဲမဗၜးၐး ဟြံမြဲကီု၊ အလႝုအသ႘တအ္ ဟြံသၸဂ႐ု၊ ဟြံသၸသမၱီကႝု တင္ပတုိန္ထၞး ဂမၜိဳင္ကီုတဲု ႏူကႝုကဆံင္ညးစှးဂွ္ ယွအ္ေထာံကဆံင္ နဒဒွ္ညးလၛတ္တဲု ဆက္တုိန္အာ သဘင္သ႘ကၜ႘ေကာန္ဂကူဂွ္ရ။ ယဝ္ရလစြံစုိတ္ အလႝုအသ႘ပှာန္ တပ္တးသၟးဇၛးဒဿံင္ လတူညးဍဳင္ကြာန္၊ လတူေကာန္ဂကူ ေကာန္ဍဳင္အရင္ရမၢး ေဗာ္ဍဳင္မန္တဿိဝြံ ဟြံဒးတုိန္စိုပ္ နဒဒွ္ညးလၛတ္ ပႜဲသဘင္သ႘ကၜ႘ေကာန္ဂကူေရာင္ဂွ္ ထၞးမံင္သက္သ႘ရ။
အလႝုအသ႘ ပှာန္ေကၜာန္သၸဒဿံင္ သဘင္သ႘ကၜ႘ေကာန္ဂကူကီု၊ ေပဲါဒုင္ဆႏၵမာဲ ေသှာဝ္ဥပေဒသဇုိင္ဒက္ ပတန္ဍဳင္ကီု သြက္ညးဍဳင္ကြာန္တအ္မၢး ညိေလဝ္႐ွ္သာဟြံမြဲရ။ အလႝုအသ႘တအ္ ၐုိတ္ထၞးပ်းဒုင္ယဿဳ ေဟင္ ေကၜာန္သၸဒဿံင္ရ။ အဓိက အဝႝုအာဏာပှာန္တအ္ ဂြံတန္ၾကန္အာ ဍာ္ဇမၜိင္မာန္ဂွ္ေဟင္ ပတဝ္ဏာ ဒဿံင္ဂၜံင္တရဵရ။ ဟုိတ္ဂွ္ရ အလႝုအသ႘ပှာန္တအ္ဝြံ လစြံစုိတ္လတူကဿိန္ဍဳင္ ေယ်လဂူတပ္တးမံင္ရမၢး ေပÌရဲုမာဲ(၁၉၉၀)ဂွ္ ဟြံပလီုေကၜံတဲု ေပÌရဲုမာဲ(၂၀၁၀)ဏံေလဝ္ ဒွ္ကၜဳင္မာန္ဟြံေသင္ေရာင္ဂွ္ ပတုိန္ထၞးဏာရ။
0 တၜ ဟီုဂလာန္ပၚပဲါလဝ္ ဒှာဲဏအ္ရ:
Post a Comment